Færsluflokkur: Viðskipti og fjármál

Framsóknarleiðréttingin var aldrei kláruð en auglýst þannig??

Ég vil endilega koma því á framfæri að leiðréttingin á íbúðalánum var ekki kláruð eins og Framsóknarflokkurinn auglýsir grimmt þessa dagana.

Maður er búin að fá nóg af svona auglýsingum sem eru ekki réttar en eru samt notaðar til þess að veiða í atkvæði.

Það rétta er að öll íbúðarlán voru leiðrétt NEMA öll íbúðarlán sem húsnæðis og samvinnufélög eru með eins og tildæmis Búseti, ekkert af þeim lánum voru leiðrétt og hefur þetta að sjálfsögðu kostað leigendur þessara félaga mikið í hækkaðri húsleigu vegna stökkbreittra lána.

Þetta eru einfaldlega kosningarsvik sem eru svo notuð til þess að veiða atkvæði í dag. Þetta hroki. 


Kosningu um ESB eða þingkosningar, við loforð skal standa.

Alveg sama hvort fólk vill ganga í ESB eða ekki þá skal kjósa um málið.

Þegar flokkur leggur fram kosningarloforð þess efnis að kjósa skuli um áframhald viðræðna þá á sú kosning að fara fram. Ef ekki, þá er flokkurinn ekki með umboð til þess að halda áfram í stjórn og því skilt að slíta stjórninni. Ef þarf byltingu til þess að kenna flokkum að standa við loforð sín þá verður bara svo a vera. Þjóðin er búin að vera með svika ríkisstjórn á undan þessari og er búin að fá nóg af því. 


mbl.is Erfiðara fyrir Sjálfstæðisflokkinn
Tilkynna um óviðeigandi tengingu við frétt

Eru andstæðingar að skipta um skoðun varðandi ESB?

Þetta er spurning sem hefur leitað á mig undanfarna mánuði og hef ég hlerað að það er fleiri en ég sem eru að skipta um skoðun og vilja skoða betur inngöngu í ESB. Ég hef verið andstæðingur fyrir inngöngu alla tíð en þegar maður fer að hugsa málið betur og rifja upp hvernig búið að fara með fólk í þessi landi varðandi vaxtaokur, verðtryggingu og sveiflur krónunnar okkar.

Ég get ekki séð að þessi ríkisstjórn hafi þá stefnu að breyta þessu kerfi okkar og setja tildæmis fastgengisstefnu á eða koma með ákveðna áætlun um afnám gengishaftanna og því er ég skíthræddur um að við eigum eftir að sjá innan skamms aðra niðursveiflu með tilheyrandi hörmungum fyrir millistéttina og þá verst settu og þá gefst landinn upp er ég hræddur um.

Það er nú bara þannig að traust á stjórnmálamönnum er mjög lítið og þeir eru ekki að tala máli þeirra sem á því þurfa að halda en láta fólk halda að þessi skuldaleiðrétting sé eitthvað sem skiptir máli, hún skiptir alls engu máli ef kerfinu er ekki breitt samhliða. Fjórar milljónir eru fljótar að gufa upp í næsta verðbólguskoti það vitum við öll. Mín skoðun er líka sú að það sé ekki heill hugur á bakvið þær breitingar sem þarf að gera, því miður, ég vil sjá samning við ESB og sjá hvort hann getur rofið vítahringinn sem hefur verið hér á landi, allt mitt líf allavega. 


mbl.is Ekki ætlað að segja inn eða út
Tilkynna um óviðeigandi tengingu við frétt

Enn er verið að leiða íbúðarkaupendur út í óvissuna.

Miklar umræður og pælingar hafa orðið um leiðréttingar íbúðarlána og er það bara að hinu góða að almenn umræða sé um svona stórt mál sem ég styð þótt þetta snerti mig ekki á neinn hátt því ég bý í íbúð sem Búseti á og slapp því vel út úr hruninu (það getur líka verið gott að leiga) en leigan hefur auðvitað hækkað vegna hrunsins því um sömu lán að ræða sem Búseti er með og almenningur.

Ég hef heyrt að leigufélög séu ekki inn í þessum leiðréttingarpakka þrátt fyrir að forsætisráðherra segir að þetta gildi um öll verðtryggð húsnæðislán það er því ekki rétt hjá honum og er þetta gróf mismunun að mínu mati því leigendur Búseta vonuðu að til lækkunar leigu gæti komið við leiðréttinguna.

Annað og alvarlegra varðandi þetta allt saman er að það eru farnir að stíga fram hagfræðingar bankanna og ræða um að þessi leiðrétting hafi góð áhrif á hagvöxt o.s.f.v. og minnir þetta mann á allar góðu spárnar fyrir hrun sem rættust svo aldrei, heldur fór allt til fjandans hér á landi. Á meðan verðbólga er þetta há eða 3,7% í dag og vextir auðvitað allt of háir eins og allir vita þá er ekki hægt að spá með einhverja bjartsýni í huga því mörg verkefni á eftir að vinna áður en við sjáum til himins á ný.

Þessi leiðrétting er alveg sanngjörn en hún getur fokið út í vindinn á stuttum tíma á meðan núverandi kerfi er á íslandi, þá á ég við ónýtt húsnæðislánakerfi með allt of hárri greiðslubirgði (fyrir meðalmanninn allavega) og síðan erum við með vístitöludrauginn sem verður að leggja niður, helst strax i dag. Fólk sækir í óverðtryggð lán sem er eðlilegt eftir hafa horft upp á eignaupptöku hér á landi á 8 til 10 ára fresti en vextir eru það háir að það er allt of há greiðslubirði á þessum lánum, þau þurfa að vera til lengri tíma eins og víða út í heimi og á hámark 3% vöxtum. Það er auðvitað fáranlegt að við skulum láta bjóða okkur upp á að það kosti fyrir 4 manna fjölskyldu um það bil 300.000 að greiða af meðalhúsnæðisláni og versla í matinn, bara fáranlegt. smá innskot sem dæmi um matarinnkaup á spáni, í Carrefour sem er stór verlsunarkeðja þá er hægt að versla fjórum sinnum meira fyrir sama pening en á íslandi en þá er samt búið að kaupa gjaldeyri á háu verði í íslandi, er þetta eðlilegt?

Að lokum þá er bara lífsnauðsynlegt fyrir okkur íslendinga að leiðrétting lána, verðtrygging húsnæðislána, húsnæðislánakerfið verði tekið allt saman í gegn og endurskoðað og breytt, allt í einum pakka á sama tíma ásamt fastgengisstefnu, nú er lag og þarf mikinn kjark til og vonandi er fólk við stjórn sem þorir að taka á þessum málum áður en næsta hrun skellur á okkur. 


mbl.is Meirihlutinn ánægður með leiðréttingar
Tilkynna um óviðeigandi tengingu við frétt

Stjórmálamenn rökstyðji tekjur af auknum álögum.

Lengi hef ég velt fyrir mér hvað liggur á bakvið hækkun gjalda eins og td olíugjald og áfengisgjald.

Nú hefur Sjálfstæðisflokkurinn haft þá sýn að með því að lækka skatta þá skyli það sér með auknum tekjum til ríkisins og getur það alveg verið rétt þar sem meira fé í umferð skilar sér í gegn um veltuna í verslunar og þjónustugeiranum í auknum tekjum til ríkisins, þetta vita flestir.

Nú hefur Bjarni Ben ákveðið að hækka áfengisgjaldið þrátt fyrir minnkandi sölu hjá ÁTVR. Þetta er á móti sýn Sjálfstæðisflokksins til of hárra gjalda og skatta. Hver er útreikningurinn á bakvið þessa ákvörðun og hefur verið hugsað til þess að eftir því sem áfengi hækkar meira er verið að auka tekjur þeirra sem framleiða og smygla áfengi og selja á svörtum markaði? Mér finnst eðlilegt að menn rökstyðji svona ákvarðanir svo almenningur geti fylgst með hvort hugmyndafræðin gengur upp með gjaldahækkunum og ef svo er þá er hugmyndafræði Sjálfstæðisflokksins fallin.

Þetta nákvæmlega sama á við um olíuskatta, fólk spara við sig akstur einfaldlega vegna þess að margir hafa einfaldlega ekki efni á því að keyra, ég sjálfur er búin að kaupa bensín fyrir um 100.000 kr minna á ári síðstu tvö ár heldur en árin á undan, kemst bara ekki undan því að draga úr akstri vegna verðlags bensíns. Ef það eru td 5000 manns sem hafa gert það sama og ég er ekki um neina smá peninga að ræða í minni veltu og því hljóta tekjur ríkisins að lækka með minnkandi veltu og ef sýn sjallana er notuð á að lækka olíugjald strax til þess að hugmyndafræði þeirra fái að blómstra.

Þetta eru bara dæmi af tveimur vöruflokkum og svona er mjög víða en ekkert virðist breytast þrátt fyrir að það sé komin hægri stjórn, hvað veldur, eru Bjarni og Sigmundur orðnir svona hrifnir að vinstri leiðinni sem gafst hræðilega hjá síðustu stjórn.

Farið nú að hisja upp um ykkur buxurnar og koma þjóðinni af stað á nýjan leik með ákörðunum og framkvæmdum en ekki eintómum nefndum og pælingum, við þurfum framkvæmd verkefnanna núna.


Plata íslendinga enn biluð,hjakkar í sömu rispunni áratugum saman?

Það má segja að nánast alla mína tíð hafi Ísland hjakkað í sama farinu eins og rispuð plata sem spilast ekki áfram og hamast bara í sömu rispunni. Hérna er eignaupptaka mjög vinsæl leið og hafa stjórnmálamenn afskaplega gaman af þeim leik sem sýnir sig af verkum þeirra að gera alltaf sömu hlutina áratugum saman. Engu máli skiptir hvaða fólk eða flokkar sitja á Alþingi, ekkert breytist nema örlitlar áherslur hvernig á að nýta þá peninga sem eru til skiptanna en stjórnkerfið sjálft er það nákvæmlega sama og fyrir 50 árum síðan og ekki annað að sjá en það verði það áfram.

Allir þekkja kjarasamninga og þeirra sögu, hækka laun, hækka verðbólgu, hækka lánin. Háin þrjú klikka ekki og eru enn mjög vinsæl hjá stjórnendum landsins. Gjaldþrot heimila í miklum mæli eru alveg samkvæmt bókinni í dag eins og fyrir 50 árum síðan og sjáið til, eftir rúm 4 ár kemur næsta holskefla eignaupptöku almennings, já 2018 verður næsta hrun og hjá því verður ekki komist því sama kerfið verður áfram, sem er verðtrygging, snarvitlaus vísitala, ónýtur gjaldmiðill, versnandi heilbrigðiskerfi og skólakerfi og aukinn landflótti.

Ef einhverjum finnst ég svartsýnn þá verður það bara svo að vera en ég er miklu meira þreittur að horfa upp á að engin skuli hafa kjark til þess að framkvæma breitingar, taka á vísitölunni, taka á gjaldmiðlamálum, taka á útþöndum ríkisrekstri sem alltaf eru til peningar í, taka á byggingarkostnaði þar sem ríkið framkvæmir en það hefur verið í tísku að byggja byggingar sem eru svo dýrara að fólk tekur andköf í stað þess að byggja ódýrari byggingar sem samt sem áður þjóna sínum tilgangi fullkomlega þótt þær beri þess ekki merki að vera minnismerki einhvers sem ekki kann að fara vel með almannafé. Það eru svo fjölmargir hlutir sem þarf að taka á í þessu landi til þess að að okkur öllum geti liðið vel en ekki einungis 10 til 20% landsmanna.

Það er hálf hjákátlegt að horfa upp á sparnaðaraðgerðir núsitjandi ríkisstjórnarinnar en þar er einungis verið að skera niður í þessum hefðbundnu liðum, heilbrigðiskerfinu og skólakerfinu í stað þess að ráðast með hörku á ríkisreksturinn sjálfan en með því að skoða hann vel er eflaust hægt að leggja niður fjöldann allan af stofnunum sem ekkert gagn gera, það má flytja ríkisstofnnir úr rándýru húsnæði í ódýrara húsnæði og svona má lengi halda áfram. Ég veit að sumir horfa á þann þátt að margir ríkisstarfsmenn muni missa vinnuna kannski 1000 manns eða svo og er það auðvitað ekki gott en til þess að ná tökum á þessum ríkissrekstri þarf að færa fórnir og verður ríkið að taka þátt í því eins og hinn almenni starfsmaður í landinu. Hærri atvinnuleysibætur segja sumir, já það er rétt en miklu lægri ríkisútgjöld munu verða öllum til góða til lengri tíma litið.

Nú er tími aðgerðaleysis enn við líði á landinu og sennilega verðum við í sama farinu eftir 50 ár í viðbót en með því að skrifa greinar og opna umræður má kannski búa til hinn fullkomna stjórnmálamann sem kemur til starfa í framtíðinni?  


Kjararáð á að leggja niður áður en talað er um launakjör.

Mér finnst þessi yfirlýsing Bjarna gjörsamlega ótímabær og óskynsöm, það á maðurinn að vita, við viljum ríkisstjórn sem talar við okkur af skynsemi en ekki á þennan hátt án þess að hafa komið fram með nokkrar tillögur til þess að bæta kaupmátt okkar landsmann á nýjan leik. Beinar launahækkanir hafa aldrei skilað auknum kaupmætti heldur þarf að bæta hann í gegn um skattakerfið.

Kjararáð er tímaskekkja sem ber að leggja niður hið fyrsta þjóðinni til heilla og að allir opinberir starfsmenn fari undir sama hatt og fái launahækkanir í takt við annað fólk og eru síðustu afturvirku launahækkanir gott dæmi um hvað þetta er rosalega rotið kerfi að hafa þetta ráð við lýði hér á landi.

Ég óska því eftir að lagafrumvarp verði lagt fram strax í haust að kjararáð verði leyst frá störfum og annað og sanngjarnara kerfi verði tekið upp og er ég alveg viss um að stór meirhluti landsmanna er sammála mér, þetta ætti að vera krafa í næstu kjarasamningum.


mbl.is „Menn stilli kröfum í hóf“
Tilkynna um óviðeigandi tengingu við frétt

Hvergi á að nefna tölur um afslátt af kröfum hrægammaskóða.

Mig rak í rogastans fyrir nokkrum vikum síðan þegar seðlabankastjóri talaði um að trúlega gætum við Íslendingar náð 75% afslætti af kröfum hrægammasjóðanna. Þetta eru ótrúleg vinnubrögð að láta svona út úr sér og á það við um alla sem eru að skella fram tölum í þessum efnum, fjölmiðlar, stjórnmálamenn og fl.

Þetta er sennilega stærsta hagsmunamál okkar í dag og ekkert óraunhæft að við náum mun hærri afslætti frá þessum sjóðum því þeir hafa nú þegar hagnast gríðarlega og yrðu trúlega mjög sáttur við meiri afslátt heldur en menn hafa verið að röfla um.

Látum sérfræðinga í samningatækni um þessi mál vinna sín störf en trúlega myndu þeir byrja á því að skattleggja þessar eignir sem sjóðirnir eiga (eins og í Swiss) til þess að pressa þá í samninga og hef ég fulla trú að það munu nást mun betri samningar en 75% afsláttur ef seðlabankastjóri heldur sig frá málinu.  


mbl.is Skuldalækkun kallar á miklar mótvægisaðgerðir
Tilkynna um óviðeigandi tengingu við frétt

Hræðsluáróðurinn byrjaður, hvað kostar að gera ekki neitt fyrir heimilin?

Það er einhliða hræðsluáróður sem ræður ríkjum gagnvart leiðréttingum lána fyrir heimili landsins og er því spurningin hvort menn hafa reiknað hvað kostar að gera ekki neitt. Það er búið að vera að henda fólki út úr íbúðum sínum alveg frá hruni og það er enn í gangi og sagt að um sé að ræða 3 fjölskyldur á dag, hvað kostar það þjóðfélagið?

Ef ekkert er gert þá hrynur greiðsluvilji þjóðarinnar og fólk kýs fremur að losna undan æviskuldbindingum og fara gjaldþrotaleiðina og vera laus eftir tvö ár og er engin spurning að það mun verða sprenging ef lán verða ekki leiðrétt og hvað kostar það okkur marga tugi milljarða eða hundruði?

Ég hef dálítið pælt í því þegar talað er um að húsnæðisskuldir heimilanna hafi lækkað að undaförnu en ég trúi því bara alls ekki því það hlýtur að þurfa að taka inn í reikninginn allan þennan fjölda íbúða sem er búið að bjóða upp og afskriftir sem því fylgja, liggur ekki lækkunin í því. Væri fróðlegt að sjá þetta útreiknað með öllum pakkanum.

Þetta minnir mig aðeins á að talað er um minna atvinnuleysi á landinu nú en 2009 en eru ekki 6.000 til 8.000 manns vinnandi erlendis í dag og eru því ekki á atvinnuleysisskrá á Íslandi, væri gaman að sjá útreikninga miðaða við að þeir sem höfðu vinnu hér á landi en urðu að leita úr landi eftir atvinnu væru taldir með, þá held ég að prósentan muni hækka mikið. 


mbl.is Segir loforð Framsóknar skaðleg
Tilkynna um óviðeigandi tengingu við frétt

Gylfi Arnbjörnsson fer með rangt mál, Hægri grænir styðja hans stefnu í húnæðismálalánum.

Í grein þessari segir Gylfi að engin flokkur hafi komið með heildstæða lausn á nýju húsnæðislánakerfi fyrir Íslendinga en mér lýst vel á þá leið sem hann er að tala um.

En satt verður að vera satt því í stefnuskrá Hægri grænna kemur fram að flokkurinn styðji hugmyndir ASÍ um þetta danska kerfi svo Gylfi ætti frekar að hvetja fólk til þess að kjósa þann ágæta flokk sem er sá eini sem er með mjög vel mótaða stefnuskrá fyrir þessar kosningar.

 


mbl.is Ekki farið í sömu vegferð aftur
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband