Steingrímur, bjóddu norðmönnum drekasvæðið, þá ertu laus við icesave.

Það er alltaf sama sagan með þetta blessaða stjórnarlið okkar að það ætlar sér ekki að átta sig á að við erum þjóð sem er að berjast fyrir sjálfstæði okkar og koma í veg fyrir kúgun í hæðstu stærðargráðu. Steingrímur þú átt að tala um Icesave á meðan við höfum tækifæri á en þú verður að fara að tala með þjóðinni en ekki alltaf á móti henni. Við almenningur viljum annan samning eða dómstólaleiðina og þú verður bara að sætta þig við það að þú ert í vinnu hjá okkur en ekki bretum og hollendingum eða við skulum allavega vona það. leggið nú áherslu á að reyna að koma af stað nýjum viðræðum með alla flokka með ykkur því við höfum ekkert með kosningar að gera eftir að núverandi samningur verður felldur í kosningu.

Síðan þar sem óhefðbundið ástand er í gangi þá má kannski reyna óhefðbundnar leiðir eins og að ræða hvort norðmenn séu til viðræðu að taka yfir drekasvæðið gegn því að greiða erlendar skuldir okkar upp, við munum ekki hafa efni á því að gera þarna nokkurn skapaðan hlut næstu áratugi enda ekki okkar sérsvið. það hefur líka sýnt sig að við erum bara ekki hæf til þess að semja um leit á þessu svæði þar sem landið er orðið svo áhagstætt skattalega séð að ekkert fyrirtæki vill hefja leit við þessar aðstæður, við getum vel lifað á núverandi auðlindum okkar og förum létt með ef rétt er staðið að málum.

Önnur leið er að setjast niður með norðurlandaþjóðunum að standa ekki upp aftur fyrr en komin er samningur um að þær láni okkur það fé sem þarf til á 3% vöxtum sem sparar okkur 50 miljarða ári miðað við vextina í núverandi icesave samningi. Þetta er engin rosa upphæð fyrir allar norðurlandaþjóðirnar, veðið á bakvið lántökuna getur verið Drekasvæðið en ekki almenningur.

Reynið nýjar leiðir því þetta sem gert hefur verið hefur engu skilað hingað til.

 

Ríkisstjórnin í vandræðalegri stöðu

Öfugmæli, nú er umheimurinn að átta sig.

Það er undarlegt að heyra prest tala svona þegar það er stuðningur við íslendinga vex á undraverðum hraða og nú er umheimurinn að átta sig á hvaða kúgun á sér stað frá hendi breta og hollendinga, er presturinn á styrk frá Steingrími og Jóhönnu eða hvað?

Ég segi að mér varð ótrúlega létt er forsetinn hafnaði lögunum og í raun kom á óvart hvað tilfinningin varð sterk að finna að lýðræðið heldur og það bar á því að manni vöknaði augu og stolt barst fram í brjósti manns. Þetta stóra mál snýst ekki eingöngu um að klára málið og borga eins og ríkisstjórnin er að reyna að gera. Stóra spurningin er eins og efast er um út um allan heim í dag, eigum við að greiða svona mikið eða eigum við að greiða miklu minna eða eigum við ekki að greiða neitt, það er spurningarnar sem þarf að svara áður en gengið er til samninga við þessar þjóðir. Það er skilda okkar íslendinga að fella þennan samning til þess að halda stolti okkar á lofti sem einstaklingum ekki sem útrársavíkingar heldur sem þjóð. Fellum samninginn sameinuð sem þjóð.

„Við erum líka týnd“

Glæpamál í vændum, Ice crime málið.

þetta grunaði mann alltaf að svona færi þegar menn eru pólítískt skipaðir til þess að taka að sér mál sem þeir eru alls ekki hæfir til að taka að sér og þetta vissi öll þjóðin en Steingrímur kaus þessa leið. Hvers vegna voru ekki færustu lögmenn þjóðarinnar fengnir til þess að reyna samninga í málinu, þetta er ekkert smámál sem hægt er að senda einhvern útbrunnin pólítíkus til þess að semja um. Nú skulum við fella þennan samning og láta reyna á dómstólaleiðina það er bara ekkert annað þjóðinni bjóðandi úr því sem komið er.

Að lokum, stjórnin segi af sér á stundinni aðgerða sinna á árinu vegna en hvort eitthvað betra getur tekið við veit engin því það er búið að stúta öllu sem mögulegt er að stúta.

Gleðilegt nýtt ár bloggarar.

Guðbjarti misboðið

Alveg að gefast upp á Stöð 2

Þessi sjónvarpsstöð var góð viðbót á sínum tíma og maður fékk svona dálítið fjölbreyttara úrval að velja úr en Rúv er nú ekki sú ferskasta og á sennileg ekki eftir að skána í kreppunni þegar ríkisstjórnin fer að nota Rúv skattana í að greiða vexti en ekki reka útvarp og sjónvarp. Stöð 2 er að gera út af við sig á eigin spítum, tökum nokkur dæmi.

Það er alltaf að koma upp annað slagið að tilboð til hinna og þessara hópa eru lægri heldur en til fastra áskrifenda sem eru svokallaðir vildaráskrifendur (M12) en þeir eiga ávallt að njóta lægstu kjara? þegar ég hef hringt að spurt af þessi þá er svarið svo lágkúrulegt að það er varla hafandi eftir en samt geri ég það, vildaráskrifendur þurfa að hringja í Stöð 2 til þessa að fá afsláttinn og greiða sama verð og tilboðið hljóðar upp á, hvers konar þjónusta er þetta eiginlega og vonandi tekur þessi dómur utan um svona mismunun og svikum á samningum.

Ef við skoðum dagskránna þá er þetta auðvitað orðið alveg rosalega þunnt, sömu þættirnir með hlæjandi fólk á bakvið kvöld eftir kvöld og síðan þessi auglýsingahlé í miðjum þáttum og myndum en maður er nú yfirleitt á leið í háttinn þegar bíómyndir byrja. Jú jú það eru þættir inn á milli sem eru okey en ekki fyrir þetta verð sem maður þarf orðið að greiða og því er að koma að endapunkti hjá mér með þennan peningaaustur í Stöð 2.

Það er löngu orðið tímabært að nota þessa nýju tækni með starfrænt sjónvarp og gefa manni kost á því að kaupa það efni sem maður vill og á þeim tíma sem maður vill horfa á það og þá á ég við allt efni, fréttir, þætti, bíómyndir, íþróttaleiki o.s.f.v.

 

Stöð 2 gert að breyta áskriftarskilmálum

Gott mál; enda ekkert þangað að gera.

Mikil ánægja að sjá hverja könnunina eftir aðra skítfella ESB aðild enda höfum við ekkert erindi þangað eins og staðan er, má skoða það eftir 10 ár er svo. ASG hefur látið hafa eftir sér að það sé engin lausn að taka upp evru á íslandi og það kemur mér ekkert á óvart því hvers vegna ætti að vera betra að vera með gjaldmiðil sem ekki er hreyfanlegur í svona ástandi hækkar ekki og lækkar ekki, við höfum þó fyrir hrikalegt ástand miklar útflutningstekjur og það er það sem þarf að byggja á, ekki auknar lántökur. Við höfum ekkert í ESB að gera og fellum það því í kosningum og höfum það hugfast að fyrst þarf að huga að fólkinu sem býr í landinu til þess að það verði eitthvað fólk eftir til þess að kjósa um ESB aðild. Ps ríkisstjórnin er að eyða 2000 miljónum í aðildarviðræður á sama tíma og fólk sveltur.

29% vilja ganga í ESB

Lyginn og spilltur stjórnmálamaður.

Steingrímur er alltaf að nálgast þennan gamla stjórnunarstíl sem einkennir spillta stjórnmálamenn og má þar byrja að nefna að hann byrjaði sína ráðherratíð með því að bjarga tveimur fjármálastofnunum á norðurlandi eystra, þetta var eitt af hans fyrstu verkum og svo getur hver dæmt fyrir sig á meðan allt annað fer á hausinn.

Hann talar um jafnræðis sé gætt, þetta er ekkert annað en lygi það er ekki gætt jafnræðis og það sér hver maður, eitt dæmi, þessar svoköllu lengingaraðgerðir stjórnvalda þar sem landslýðurinn hefur verið dæmdur til þess að greiða upp allar sínar skuldir sem ausið hefur verið yfir okkur á meðan eru afskrifaðar stórar upphæðir af hinum og þessum aðilum. Það er tildæmis stór hópur fólks sem er einungis með verðtryggð skuldabréf sem eru ekki íbúðabréf og á ekki einu sinni íbúðir þessi lán hafa hækkað líka en ekkert er í boði fyrir þennan hóp. Við skulum athuga að margir sem eru með svona lán er fólk sem tapaði íbúðum sínum fyrir ca 12 árum þegar síðasta niðursveifla reyð yfir þjóðina með tilheyrandi hörmungum og þúsundir fjölskyldna töpuðu öllu sínu, þarna var verðtryggingin í öllu sínu veldi að éta heimilin af fólki og enn er hún við hestaheilsu. En lánin sem fólk þurfti að taka með sér á þeim tíma eru enn að hækka og fólk losnar aldrei undan þeim, er þetta ekki skuldafangelsi?

það er fullt af fólki sem leigir bílana sína og hafa þeir samningar hækkað yfir 100% ekkert er gert fyrir þennan hóp, nei, þetta er ekki jafnræði þetta er henntistefna.

Burt með þessa ríkisstjórn spillingarinnar.

 

Aðferðir alltaf umdeilanlegar

Endurskoða þarf heildarpakkann frá A til Ö.

Það er gott að ríkisstjórnin sjái aðeins hvaða kolröngu leið hún er að fara og bakki með eitthvað af skattahækkana áformum sínum, hvenær hefur skilað árangri að hækka skatta upp úr öllu valdi, einfalt, aldrei og það mun aldrei skila árangri því sú stefna drepur allt í kring um sig.

Nú erum við farin að sjá hvað búið er að eyða kröftunum í undanfarið ár og hverju hefur það skilað, já það er einmitt málið að staðan hefur versnað til muna og hlýtur að versna enn meira þegar skattar á almenning hækka. Fyrirtækjum fækkar ört í landinu, veltan í smásölu minnkar hratt, og atvinnuleysi eykst en að miklu leiti er er þetta vegna rangrar stefnu ríkistjórnar því hún er ekki að setja krafta í að byggja upp með því að skera niður innan herbúða sinna og nota þá miklu möguleika sem ísland á að rísa upp úr öskunni eftir mikla óstjórn fyrri ára en svo virðist að ný tegund af óstjórn sé í gangi sem á kannski eftir að kollsteypa okkur.

Nú vil ég fara að sjá framkvæmdavaldið fara að byggja upp með nýja hugsjón og fara að drífa af stað þau stórverkefni sem ákveðin hafa verið sama hvort um álver er að ræða eða ekki, þetta eru ákveðin verkefni sem eru komin af stað og þau verður að klára síðan má skoða hvort eitthvað getur leyst þann iðnað af á næstu árum og er ég viss um að íslendingar eru alveg tilbúnir til þess en ekki með þessum hætti eins og gert er í þessari stjórn, það búa nefnilega fleiri í landinu en stjórnin.

Verkefnin eru í nútíðinni og hefir fortíðin ekkert með þau að gera, skapa störf, afskrifa skuldir fólks að ákveðinni prósentutölu og þá er ég að tala um í alvöru en sleppa blekkingarleiknum, halda skattahækkunum í algjöru lágmarki og styðja myndarlega við sprotafyrirtæki og að lokum þá segjum við nei við ESB því þangað höfum við ekkert að gera.

Áform um orkuskatt endurskoðuð

Hneykslanleg vinnubrögð eins og venjulega.

Ég tek undir með mörgun bloggurum að vinnubrögð þessarar ríkisstjórnar eru öll með ólíkindum og nánast ekkert mál er unnið alla leið áður en er byrjað að heigla sér yfir að nú sé eitthvað loksins að fara að gerast hjá ríkisstjórninni.

Ef við skoðum nokkur dæmi eins og icesave málið það mál hálfklárað og í alla staði mjög illa unnið með hag almennings í fyrirrúmi, nú er kannski lag að láta skuldina gjaldfalla á þjóðina í næsta mánuði og láta breta og hollendinga sækja okkur fyrir íslenskum dómsstólum, það tekur mörg ár að dæma í svona máli og þá getum við notað tímann til þess að byggja okkur upp og síðan er aðalatriðið að fá dóm í icasave málinu og sjá hvað út úr honum kemur. Síðan er alveg nauðsynlegt að setja puttann á AGS og skila hýrunni sem þeir lánuðu okkur, við getum snúið okkur til annarra aðila til þess að fá lán ef þörf verður á

ESB málið er auðvitað tímaskekkja og er ekkert sem skiptir okkur máli enda nokkuð öruggt að aðild verður felld í þjóðaratkvæðagreiðslu.

Peningastefna stjórnarinnar er á villigötum og aumingjaháttur að ekki skuli vera búið að grípa til harkalegra aðgerða gegn seðlabankanum og lækka stýrivexti sem halda áfram að fella fyrirtæki okkar hvert á eftir öðru og ekki er mögulegt að byggja upp nokkra atvinnu hér á landi. Síðan eru til fleyri gjaldmiðlar en evra til þess að losa okkur við blessuðu sálugu krónuna, þarf bara að opna augun og skoða allar leiðir.

Ekki á að endurnýja viljayfirlýsingu um álver á Bakka en það eru nýjar leiðir í boði en eins og iðnaðarráðherra segir þá vitum við ekki hvaða leiðir það eru, það eru auðvitað ekki nýjar leiðir ef þær eru ekki til, þessi ákvörðum er ein sú ömurlegasta sem tekin hefur verið í sögu landsins þar sem búið er að skipuleggja og leggja mikla fjármuni í þetta verkefni og því þörf á að stjórnvöld séu áhugasöm um verkefnið. Ég er alveg sammála því að skoða þurfi hvort álver er það sem við þurfum í framtíðinni en að gera tilraun til þess að stöðva verkefni sem eru komin af stað er ekkert annað en landráð.

Árni Páll, sá merki maður sem lagði alla áherslu á að fólk bara greiddi sínar skuldir sama á hverju bjátar, borga bara og borga þar til maður dettur niður og drepst úr næringarskorti þar sem ekki hefur verið til peningur fyrir nauðsynjum. Nú er sami maður komin fram með afskriftarleiðir sem eru alls ekki nýjar af nálinni og eru ekki hans verk, þetta eru tillögur framsóknarmanna frá því í febrúar og ef þær hefðu verið farnar þá væru hundruðir fjölskyldna í mun betri málum í dag og mun færri búnir að fara undir hamarinn. Ég er alveg handviss um að þessi afskriftarleið er kafloðin og ekki sé um leiðréttingu að ræða fyrir þjóðina, heldur útvalda eins og er að gerast í bankakerfinu núna, það eru afskrifaðar skuldir af íbúðarhúsnæði sem bankarnir eiga til þess að þeir geti selt þær, þetta er fyrir útvalda.

Þetta eru bara nokkur dæmi um hvers konar aumingjaskap þessi stjórn hefur sýnt af sér og að ekkert af málefnum hennar kemst endalega í framkvæmd og er klárað, allt eru þetta hálfkveðnar vísur. 

25% lækkun höfuðstóls lánanna

Gott að fá fjármagn inn í landið, ekki veitir af.

Það er nú bara einfaldlega þannig að við verðum að fá fjármagn inn í landið til þess að skapa störf það er eina leiðin þar sem ríkisstjórnin er ekki með þá stefnu að skapa störf, heldur þvert á móti að fækka þeim. Það þarf ekkert að þrasa um það að þessi sala á eftir að skapa mikið af störfum og það er ekki verið að selja meirihluta í fyrirtækinu, svo hvað er að?

Það munu skapast nokkur hundruð störf í Helguvík eftir að náðist að fjármagna það verkefni, er það ekki í lagi?

Það á að hefja framkvæmdir við einkasjúkrahús á næsta ári og mun það sjúkrahús skapa okkur hátt í 10 miljarða á ári í gjaldeyristekjur þar sem allir sjúklingar koma erlendis frá og eitthvað af störfum, þetta er það sem er að gerast í atvinnuuppbyggingu okkar í dag og svo er sumt fólk að kvarta sem er gjörsamlega óskiljanlegt.

það stendur á heilbrigðisráðherra að samþykkja einkarekstur á skurðstofunum í Keflavík, gat verið þar sem ráðherra kemur nálægt þá gerist ekki rassgat vegna ákvarðanafælni allra ráðamanna í landinu.

Svona bara til að gantast aðeins með forsætisráðherrann okkar sem er í felum um þessar mundir vegna hræðslu við almenning, þá má ég til að mynnast á niðurstöðuna í skoðunakönnun um inngöngu í ESB sem yrði kolfelld ef kosið yrði um inngöngu núna. Já kemur ekki á óvart en þetta segir frúnni kannski að það er ekki nóg að lofa, það þarf líka að vera með fólkið með sér og rétta því hjálparhönd á erfiðum tímum til þess að uppskera.

 

Sala í HS Orku samþykkt

Mismunun er mannréttindabrot.

Ég vil bara minna á að ef ekki á jafnt yfir alla að ganga varðandi leiðréttingu skulda þá verður vafalaust um mannréttindbrot að ræða, málið er gjörspillt og mikill óþverri sem hefur valdið þessari stöðu og því afar mikilvægt að lýðræðið hafi vinninginn og allir sitji við sama borð.

Það verður líka að gera ráð fyrir að það verður töluvert stór hópur sem þarf mun meiri aðstoð heldur en almenna 20 til 25% leiðréttingu.

Við erum eftir allt saman fólk sem þarf að lifa en sættum okkur ekki við að taka allan pakkann á okkur eftir óstjórn nokkurra manna enda ráðum við ekki við allar þessar skuldir það er alveg dagljóst.

Ef ekki verður um almenna aðgerð að ræða þá endar þetta allt saman með stórri byltingu sem ekki verður við ráðið.

 

Róttækari aðgerðir til handa heimilum