Steingrímur, bjóddu norðmönnum drekasvæðið, þá ertu laus við icesave.

Það er alltaf sama sagan með þetta blessaða stjórnarlið okkar að það ætlar sér ekki að átta sig á að við erum þjóð sem er að berjast fyrir sjálfstæði okkar og koma í veg fyrir kúgun í hæðstu stærðargráðu. Steingrímur þú átt að tala um Icesave á meðan við höfum tækifæri á en þú verður að fara að tala með þjóðinni en ekki alltaf á móti henni. Við almenningur viljum annan samning eða dómstólaleiðina og þú verður bara að sætta þig við það að þú ert í vinnu hjá okkur en ekki bretum og hollendingum eða við skulum allavega vona það. leggið nú áherslu á að reyna að koma af stað nýjum viðræðum með alla flokka með ykkur því við höfum ekkert með kosningar að gera eftir að núverandi samningur verður felldur í kosningu.

Síðan þar sem óhefðbundið ástand er í gangi þá má kannski reyna óhefðbundnar leiðir eins og að ræða hvort norðmenn séu til viðræðu að taka yfir drekasvæðið gegn því að greiða erlendar skuldir okkar upp, við munum ekki hafa efni á því að gera þarna nokkurn skapaðan hlut næstu áratugi enda ekki okkar sérsvið. það hefur líka sýnt sig að við erum bara ekki hæf til þess að semja um leit á þessu svæði þar sem landið er orðið svo áhagstætt skattalega séð að ekkert fyrirtæki vill hefja leit við þessar aðstæður, við getum vel lifað á núverandi auðlindum okkar og förum létt með ef rétt er staðið að málum.

Önnur leið er að setjast niður með norðurlandaþjóðunum að standa ekki upp aftur fyrr en komin er samningur um að þær láni okkur það fé sem þarf til á 3% vöxtum sem sparar okkur 50 miljarða ári miðað við vextina í núverandi icesave samningi. Þetta er engin rosa upphæð fyrir allar norðurlandaþjóðirnar, veðið á bakvið lántökuna getur verið Drekasvæðið en ekki almenningur.

Reynið nýjar leiðir því þetta sem gert hefur verið hefur engu skilað hingað til.

 

Ríkisstjórnin í vandræðalegri stöðu

Athugasemdir

[Jón Valur Jensson, 11.1.2010 kl. 10:26]

Nú er ég ekki sammála þér, Tryggvi.

Í 1. lagi teldist það brot á landráðabálki hegningarlaganna, ef Steingrímur byði Norðmönnum Drekasvæðið gegn því að þeir tækju að sér Icesave-skuld Landsbankans og Tryggingasjóðsins (en ekki ríkisins!). Þú sérð þetta strax af 86. gr. laganna (feitletrun mín):

"Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt."

Í 2. lagi er Drekasvæðið sennilega margfalt meira virði en endanleg greiðsluupphæð Icesave-reikninganna með sínum hrikalegu vöxtum, sem tekið gæti "meira en mannsævi" að borga (Erlendur Magnússon, frkvstj. og bankaráðsmaður í Landsbanka Íslands, Mbl. í dag, s. 12; textinn var líka í Sunnudags-Mogganum, en þar hafði höfundarmerking hans og Þorvaldar Gylfasonar víxlazt, var mér bent á áðan og eins og kemur fram í Mbl. í dag).

Í 3. lagi verður að benda þér á, að 5,55% vextirnir eru mjög alvarlegt lögbrot. Nú hafa Icesave-sinnar ákallað jafnræðisreglur EES til að reyna að rökstyðja það, að við verðum að borga Icesave-reikningana vegna þess að tekin var ákvörðun um það með neyðarlögunum að borga út allar almennar innistæður hér á landi (og nefndir Icesavelaga-verjendur taka ekki mark á gildum mótrökum, að því er virðist). En sömu aðilar – og þó umfram allt fulltrúar Breta og Hollendinga í samninganefndunum – mættu þá líka taka mark á þeirri ábendingu dr. Daniels Gros hagfræðings, að jafnræðislög Evrópubandalagsins og EES voru brotin með 5,55% vöxtunum, því að Bretar höfðu þegar veitt sínum eigin innistæðu-tryggingasjóði lán með 1,5% vöxtum! (sjá hér: Enn um Icesave-vexti: Í yfirgangi sínum brjóta Bretar lög um jafnræði í EES: snuða okkur um (185 til) 270 milljarða fyrstu sjö árin! og þessa grein á sama vefsetri Kristinna stjórnmálasamtaka: Það skeikar hundruðum milljarða í Icesave-vaxtaútreikningum fjármálaráðherrans!).

Með góðum óskum,

[Tryggvi Þórarinsson, 11.1.2010 kl. 13:10]

Sæll Jón

Ég hugsaði þetta nú frekar þannig að þeir greiddu allar erlendar skuldir okkar, um 5.000 miljarða eins og fram kom í fjölmiðlum um daginn en það má ganga frá því sem kaupsamning og greiðslu á Drekasvæðinu en ekki yfirtöku.

Aðal málið er nú samt að það þarf að gera eitthvað sem kemur þjóðinni á lappirnar ef við tökum þessa skuld á okkur ofan á það sem fyrir er þá er ekkert að gera fyrir fólk að búa hérna næstu 100 árin enda landflótti þegar hafin.

[Jón Valur Jensson, 12.1.2010 kl. 02:44]

Ég skil sjónarmið þitt, og mun skárra er það í þessu formi en ég hugði þig meina í upphafi. En ég vil ekki gefa eftir fyrir Bretum og Hollendingum; byrjum á því að sigra þá í málinu!