Gott að fá fjármagn inn í landið, ekki veitir af.

Það er nú bara einfaldlega þannig að við verðum að fá fjármagn inn í landið til þess að skapa störf það er eina leiðin þar sem ríkisstjórnin er ekki með þá stefnu að skapa störf, heldur þvert á móti að fækka þeim. Það þarf ekkert að þrasa um það að þessi sala á eftir að skapa mikið af störfum og það er ekki verið að selja meirihluta í fyrirtækinu, svo hvað er að?

Það munu skapast nokkur hundruð störf í Helguvík eftir að náðist að fjármagna það verkefni, er það ekki í lagi?

Það á að hefja framkvæmdir við einkasjúkrahús á næsta ári og mun það sjúkrahús skapa okkur hátt í 10 miljarða á ári í gjaldeyristekjur þar sem allir sjúklingar koma erlendis frá og eitthvað af störfum, þetta er það sem er að gerast í atvinnuuppbyggingu okkar í dag og svo er sumt fólk að kvarta sem er gjörsamlega óskiljanlegt.

það stendur á heilbrigðisráðherra að samþykkja einkarekstur á skurðstofunum í Keflavík, gat verið þar sem ráðherra kemur nálægt þá gerist ekki rassgat vegna ákvarðanafælni allra ráðamanna í landinu.

Svona bara til að gantast aðeins með forsætisráðherrann okkar sem er í felum um þessar mundir vegna hræðslu við almenning, þá má ég til að mynnast á niðurstöðuna í skoðunakönnun um inngöngu í ESB sem yrði kolfelld ef kosið yrði um inngöngu núna. Já kemur ekki á óvart en þetta segir frúnni kannski að það er ekki nóg að lofa, það þarf líka að vera með fólkið með sér og rétta því hjálparhönd á erfiðum tímum til þess að uppskera.

 

Sala í HS Orku samþykkt

Athugasemdir

[Heiða B. Heiðars, 15.9.2009 kl. 18:03]

Alveg rétt.. okkur vantar fjármagn, ekki spurning.

En hefur þú hugmynd um hvað hún er há sú upphæð sem skilar sér inn í landið af þessari sölu?? Endilega svaraðu mér

[Tryggvi Þórarinsson, 15.9.2009 kl. 18:08]

Sæl Heiða

Því miður þá verður það ekki ljóst fyrr en eftir sjö ár eða sama tíma og við byrjum að greiða Icesave skuldina, en þetta snýst líka um störf fyrir fólkið í landinu og það eru mikilvægar tekjur.

[Heiða B. Heiðars, 15.9.2009 kl. 18:26]

3,6 milljarðar út.... 8,4 milljarðar eftir sjö ár og veðið liggur í hlutabréfunum sjálfum. Með öðrum orðum, þau ganga aftur til OR ef ekki verður staðið við skuldbindingarnar. Þetta gera 12 milljarðar. Kanadískt skúffufyrirtæki í Svíþjóð fær nýtingarétt til 130 ára.... Ég veit ekki í hvaða stjarnkerfi þetta teldist góður samningur.

Og er Magma Energy að fara að ráða Íslendinga í fjölda starfa? Hvað hefur þú fyrir þér í því?

Ég þori að hengja mig upp á það Tryggvi að eftir sjö ár grætur þú þennan gjörning eins og ég

[Már (IP-tala skráð) 15.9.2009 kl. 19:01]

Tryggvi. Þú sást væntanlega ekki heldur hættumerkinn þegar menn einkavæddu bankana á sínum tíma ? Nú Sjávarútveginn ?

Það er akkurat svona "sveita" hugsunarháttur sem fær þá ríku til að eignast raunveruleg verðmæti á Íslandi.

Ég held þú gerir þér enga grein fyrir því hvað hér er í gangi frekar en margir aðrir Íslendingar.

Að selja náttúruauðlindir á Krepputímum er almennt talið verstu viðskipti sem til eru !

Þessi eru sönnun þess. Það versta í þessu öllu er að fólk þarf ekki að taka ábyrgð á mistökum sínum. Sem koma svo í ljós mörgum árum seinna.

Þetta er í raun eins og skák. Sumir ætla að máta strax og vaða áfram með allt á kostnað varnarinnar. En góðir skákmenn vita að það er versta leiðinn og fara sér hægt og bíða færis og sækja þegar færi bíðst.

Í dag voru Íslendingar heimaskítsmátaðir.

[Rúnar Berg Baugsson (IP-tala skráð) 16.9.2009 kl. 08:35]

Peningur Tryggvi?

Ertu þá að tala um að í staðin fyrir að eignast arðinn frá virkjunum beint að þá vinnur maður fyrir útlenska kapítalista sem sjálfir hyrða megnið af arðinum og gefur þeim þannig bæði frítímann sinn og peningana?

Þetta er svona eins og fyrir bændur að geta borðað uppskeruna sína beint - eða að þurfa fyrst að vinna 12 tíma á dag í 20 ár við að reisa píramída fyrir ríkisfaróana, til að geta komist í sína eigin uppskeru.

Þannig að já þetta skapar störf, en það eitt og sér er ekki góður mælikvarði á vitræni framkvæmda. Því kapítalistarnir einir munu græða á þessum störfum.

[Tryggvi Þórarinsson, 17.9.2009 kl. 22:58]

Málið snýst ekki um þessi hugleiðingar haldur alvöru störf og flest af þessum stóryðjum eru að skila okkur miklum peningum þótt þeir mættu vera meiri en það er okkar að vinna að því að fá meiri verðmæti úr þessu öllu en megum samt ekki stöðva þessi nokkru tækifæri sem eru í gangi. Ráðist á ríkistjórnina, hún er að vinna að fækkum starfa. En því miður þá virðist stjórnin enn enu sinni vera búin að drulla á sig vegna Icesave málsins.

[Rúnar Berg Baugsson (IP-tala skráð) 18.9.2009 kl. 12:10]

Þannig að störf starfanna vegna eru góð. Jafnvel þótt að sjálfir starfsmennirnir hafi ekkert uppúr því að vinna þau.

Ég skil þessa lógík fyrir kapítalistann sem að vinnur við það að hyrða arfinn af starfsfólki sínu, en ekki fyrir verkamanninn sem vinnur við það að búa til arf handa kapítalistanum.

Án þessara hugleiðinga hér að ofan þá helgar tilgangurinn meðalið. Sem þýðir að hinar vinnandi stéttir vinna hraðar, meira og fyrir minni arð en áður til þess eins að vinna meira, hraðar og skilvirkar.

[Rúnar Berg Baugsson (IP-tala skráð) 18.9.2009 kl. 12:11]

*arð, átti að standa ekki arf