Bjartara framundan ef stjórnin springur, getur bara verið til góðs.

Það er mögnuð spenna í loftinu þessa klukkutímana hvort stjórnin springur loksins eftir langa bið í algjörri stöðnun á landinu. Nú er bara að vona það besta og fara að spá í hvað á að kjósa næst. Það gæti bjargað fjármálakerfinu ef stjórnin springur fyrir fyrirhugaða lagasetningu Árna Páls sem gæti orðið til þess að ríkið þyrfti að punga út miljörðum í skaðabætur. Það gæti orðið umsnúningur í Icasave málinu og það gætu farið að skapast störf í landinu á nýjan leik, þetta er mikil spenna.

Mikil reiði innan VG

Hættum nú þessu fortíðarrugli öllu saman, Landið stjórnlaust í tvö ár.

Þetta er orðið algjörlega óþolandi að heyra frá þessu stjórnmálafólki að þrasa um það sem gerðist allt aftur í 10 ár aftur í tímann og það virðist vera að þetta lið ætli að finna lausn á vandamálum dagsins í dag með því að sökkva sér í fortíðina hún gerir ekkert fyrir okkur í dag hún er liðin og kemur ekki aftur í því horfi sem hún var. Það sem skiptir máli er það að vinnubrögðin í dag skapa aðstæðurnar sem verða á morgun o.s.f.v. því er brýnt að stjórnendur landsins fari að huga að einhverju öðru en því sem hefur gerst, það er öll orka notuð í að reyna að finna einhverja sökudólga fyrir hinum og þessum gjörðun (hvað breytist þótt Ingibjörg og Geir sitji í fangelsi í 1 ár? Ekkert). Sömu vandamálin eru hér til staðar á meðan ekki er verið að vinna af heilindum að því að rétta þjóðina við þá gerist ekkert og það er staðan í dag, það gerist ekkert.

Ný vinnubrögð upp á borðið í dag, ekki á morgun, í dag. Icesave í hendur lögmanna og Steingrímur hættir að tjá sig um það mál, hann hefur mikið stærra verkefni á borðinu eins og að halda lífi í þjóðinni, Jóhanna sem hefur verið algjörlega gangslaus til þessa þarf að standa upp og fara að stjórna þessu afdala liði í ríkisstjórninni og fara að huga að því hvers vegna allt er stopp í þessu þjóðfélagi. Ef það er VG sem stöðvar allan framgang og vill ekkert hliðra til í einu né neinu til þess að skapa störf þá er það starf forsætisráðherra að slíta þessu samstarfi og freista þess að komast í nýja stjórn með öðrum aðilum. Hvað varðar stefnuna í gengislánunum og þá lagasetningu sem Árni Páll boðar þá er að mínu mati þarna á ferðinni ein stærstu mistök íslandssögunnar, þessi lög munu rústa íslenskum heimilum endanlega, húsnæðislán geta aldrei borið sömu vexti og bílalán aftur í tímann, að fólki skuli detta þetta í hug er rannsóknarefni en við skulum ekki rannsaka fleira heldur hætta við svona viteysu og fara að taka af málununum í alvöru, taka á vandamálum dagsins í dag.     

Hefur Steingrímur umboð þjóðarinnar í þessu máli?

Steingrímur veldur alltaf meiri og meiri vonbrigðum í öllum sínum störfum og að mínu mati er hann engan veginn maður til þess að axla ábyrgð fjármálaráðherra. Þessi frétt fjallar um hið fræga Icesave mál sem þjóðin hefur fellt í atkvæðagreiðslu einu sinni og því spyr ég hvort Steingrímur hafi umboð þjóðarinnar til þess að lofa greiðslum sem við þurfum kannski ekki að greiða. Í þessu máli þarf að hafa hugfast að það er verið að tala um að almenningur taki ábyrgð á falli einkahlutafélags sem er fráleitt að mati þjóðarinnar og því hefur Steingrímur engan rétt til þess að tala svona án þess að hafa okkar umboð. Við þurfum að losna við svona landráðamenn úr ríkisstjórn strax.

Steingrímur: Íslendingar munu borga

Íslendingar kúgaðir áfram til þess að greiða, Steingrímur er ánægður með það.

Þá vitum við hvað hefur verið búið að vinna dóm hæstaréttar á bakvið tjöldin með Steingrími og Árna Pál, þetta er það sem mann grunaði og nú er næsta skref að koma stjórninni frá völdum.

Feginn að það er kominn dómur

Bylting ef lánveitandi vinnur málið?

Þá er komið á því íslendingar góðir, vinnur fólkið og fær sanngjarna leiðréttingu eða vinna fjármálastofnanir, þessu er erfitt að spá en grunur minn liggur í því að spillingarstjórnmálin vinni í dag og við sitjum uppi með sárt ennið, því miður en maður heldur í þessa litlu von að fókið vinni og samningsvextir haldi enda var skrifað undir það þegar fólk tók lánin.

Ef þetta fer á versta veg fyrir fókið í landinu þá er tímabært að stofna til Byltingar og fella ríkisstjórnina og fá eitthvað fólk til starfa til þess að koma atvinnulífinu af stað ásamt leiðréttingu lána, allt er betra en það fólk sem situr við stjórn landsins í dag.

Dómur í gengislánamáli í dag

Ögmundur = Engin Vaðlaheiðagöng, sameining sveitarfélaga og ekki eitt nýtt starf

Það er það sem við okkur blasir eftir að Ögmundur varð ráðherra að ekkert mun gerast jákvætt undir hans stjórn hvað varðar stórframkvæmdir, hann er svo afturhaldssinnaður að hann kann ekki annað en fylgja eftir ævagömlum hugmyndum sem ganga ekki upp í nútíðinni. Sem dæmi þá er hann ekki talsmaður einkaframkvæmda, það segir að hann vill frekar hækka skattana og borga brúsann beint úr ríkissjóði og svona má lengi halda áfram en ég nenni því ekki.

Farið verði að vilja íbúa

Loksins eru íslendingar að átta sig á röngum fjárfestingum lífeyrissjóða.

Það gleður mig mikið að félög og einstaklingar séu farnir að mótmæla fjárfestingarstefnu lífeyrissjóða á íslandi. Við erum búin að brenna okkur all svakalega nú þegar en sjóðirnir ætla að halda sínu striki og halda áfram á sömu leið, þetta verðum við að stöðva áður en það verður og seint.

Meira en nóg af áhættufjárfestingum

Verst er að vinnubrögð ráðherra hafa versnað til muna undanfarið ár.

Ég get fallist á það að vinnubrögðin hafi verið eins og Þórunn lýsir í fréttinni, 12 trillukarlar sem hittust annað slagið. Slæmt þykir mér að vinnubrögð þau sem hafa ávallt liðist hér á landi hjá ríkisstjórnum hafa aldrei verið ógagnsærri, ráðuleysislegri og óvandaðri en einmitt í dag og sést það best á því að hrókerað er í ríkisstjórninni að vild og eins og þarf til þess að halda lífi í henni. Ísland er orðið staðnað land þar sem ekki nokkur skapaður hlutur er að gerast en ráðamenn halda því fram að við séum á uppleið úr kreppunni þrátt fyrir að eftir er að leisa öll stóru málin eins og leiðréttingu skulda, Icesave og að koma atvinnulífinu af stað? 

Lausafjárkreppan aldrei rædd

Allir úr fyrrverandi stjórn verði ákærðir og Samfylkingin víki úr núverandi stjórn.

Mín skoðun er sú að öll fyrrverandi stjórn verði ákærð í stað þess að velja tvo til fjóra til að ákæra, því ríkisstjórn á að vinna saman að stjórn landsins og allir eiga að bera sömu ábyrgð. Í dag er ríkisstjórn sem vinnur ekki saman heldur lætur bara landið rúlla áfram í óstjórn á meðan 40.000 heimili eru í stórfelldum vandræðum, er ekki ástæða til þess að ákæra núverandi stjórn fyrir þessi vinnubrögð?

Ágreiningur um hve marga ætti að ákæra

Það má eyða í að hirða beinagrind að hvalferlíki og koma fyrir á safni???

Ég hélt að 1 apríl hefði verið í síðustu viku þar sem komu fram í sjónvarpi Katrín Jakobsdóttir og Svandís Svarsdóttir þar sem þær sögðust hafa ákveðið að láta skafa utan að beinum hvalsins sem rak hér á land á dögunum og láta móta hana og koma fyrir á safni. Hvaða andsk.... rugl er hér í gangi á sama tíma og verið að að drepa þjóðina hægt vegna niðurskurðar á þjónustu á öllum sviðum. Hvað ætli svona aðgerð kosti margar miljónir fyrir utan að það þarf eflaust að byggja utan um þetta ferlíki og þarf það ansi marga fermetra og síðan þarf að reka húsnæðið, er komið 2007 aftur??? Þetta eru vinnubrögð sem sýna hvað er í gangi innan þessarar ríkisstjórnar, það er bullandi spilling sem aldrei fyrr, ekkert gerist í atvinnumálum, ekkert gerist í leiðréttingu lána, engar nýjar hugmyndir í tekjuöflun fyrir ríkissjóð o.s.f.v. Það er samt hægt að láta eins og síðasti hvalurinn hafi rekið hér á land og byggja yfir hann. Þjóðfélag á harðri niðurleið og ekki skrítið að okkur fækki hratt en þar er skýringin á minna atvinnuleysi, einfaldlega færra fólk í landinu.