Segir kona sem hefur snúið baki við þjóðinni ásamt kolleggum sínum.

Þetta finnst mér frekar neyðarleg setning hjá stjórnarþingmanni sem baki hefur snúið að þjóðinni og andar að sér ferskum fjármála andvaranum.

Mikið áfall ef VG snýr baki við Jóni

Víða hægt að byggja golfvelli ef áhugi er fyrir hendi og leyfi fást.

Ég sé ekki betur á þessum myndum að golfvöllur hressi heldur betur upp á landslagið þarna sem er nú bara svipað og á Grímsstöðum.
Það er ekki sama hvar er sótt um leyfi, allavega færðu ekki leyfi á íslandi nema vera séra Jón úr réttum heimshluta, svona er nú alþjóðavæðingin á íslandi.

Trump að klára besta golfvöll heims (myndskeið)

Það eru því miður mörg mannréttindabrotin sem hafa verið framin hér á landi.

Kristín hefur svo sannarlega rétt fyrir sér að mörg mannréttindabrotin hafa verið framin hér á landi undanfarin tvö til 3 ár í alls kyns mynd.
Ég man að ríkisstjórnin lét reikna út fyrir sig hver lágmarksframfærsla þarf að vera á Íslandi og voru þessar tölur opinberaðar að mig minnir snemma á þessu ári og var þar um upphæðir að ræða sem ekki þóknuðust tölu Jóhönnu eða rúmar 300.000 kr eftir skatta, pr einstakling til þess að geta lifað af mánuðinn mannsæmandi lífi og er þar miðað við einstakling í leiguíbúð.
Þessu plaggi var stungið í skúffuna og ekki hefur verið minnst á það síðan en haldið er áfram að troða á landsmönnum með alls kyns lækkunum og hækkunum.
Hér er stunduð í dag, óþverra pólítík þar sem hagsmunir fjármagsfyrirtækja taka öll fyrstu hundrað sætin.

Ríkið hirðir alla launahækkun ellilífeyrisþega

Besta jólagjöfin í ár er " Ríkisstjórnin burt"

Jón, Ögmundur, Árni Páll, Jóhanna, Steingrímur, Svandís og fleiri, allt er þetta fólk að mínu mati sem hefur smánað þessa þjóð með yfirgengilegum og lélegum vinnubrögðum með tilheyrandi spillingu, óheiðarleika og bruðl með almannafé.
Handbendi vogunarsjóða er þetta fólk einnig og nú er líka komið í ljós að hér mega útlendingar helst ekki eiga viðskipti að undanskildun vogunarsjóðunum.
Við erum nú þegar komin út í horn og verður ekki bjargað þaðan af þessu fólki, það eitt er víst.
Gerið nú bara eitt fyrir fólkið í landinu, segir af ykkur strax.

Segir stöðu sína sterka

Ekki lengur bjóðandi þetta stjórnarsamstarf.

Ekki kemur mér á óvart að fólk segi sig úr Samfylkingunni,hún svíkur öll sín loforð og er einungis eins og útspýtt hundskinn í höndum VG í dag, ég á við að það er einungis einn flokkur sem öllu stjórnar hér í dag.

Ég fer fram á það að þessi stjórn fari frá strax og skipuð verði utanþingsstjórn næstu 2 ár til þess að hægt sé að vinna að skuldavanda landsmanna og koma atvinnulífinu af stað en því miður þá minnkar áhugi erlendra fjárfesta hratt þessa daga að koma með fé hingað.

Segir sig úr Samfylkingunni

Felldu stjórnina Sigmundur, þá stöðvarðu hryðjuverkin.

Jæja Sigmundur Ernir, sýndu nú hvað í þér býr og fáðu nokkra stjórnarþingmenn til þess að fella þessa hryðjuverkastjórn, strax.

Brjáluð ákvörðun

Verið að rústa atvinnulífinu og gengur vel. Allt á góðri leið að sögn Jóhönnu?

Þetta er gott dæmi um hvað Jóhanna og Steingrímur eru í litlum tengslum við fólkið, atvinnulífið og bara allt sem gerist í þessu þjóðfélagi, engin tengsl eru til staðar.

Það eru nokkrir dagar síðan Jóhanna og Steingrímur voru að dásama hvað allt væri á góðri leið og á sama tíma er þjóðfélagsumræðan um fyrirhugaðar fjöldauppsagnir og væntanlegar uppsagnir sem verða mjög miklar, það þarf bara að hlusta á fólk og það liggur alveg í loftinu að nokkur fyrirtæki munu leggja upp laupana á næstu vikum, eitt stórt fyrirtæki mun yfirtaka annað og við það eina dæmi munu sjálfsagt tugir manna missa vinnuna, þið getið í eyðurnar hvaða sameining það er.

Atvinnulífið á Íslandi hefur fengið hryðjuverkastjórn yfir sig, enda hér allt að hrynja en ekki á uppleið, það eru hreinar línur.

Slæmar horfur í atvinnulífi

VG er alveg sama um lokun á Grundartanga, VG vill ekki atvinnu hér á landi.

Vg er alveg að ná því að skattleggja okkur út af kortinu í viðskiptum við umheiminn, alveg sama hvort "eitthvað annað" bjóðist þá neita þeir því samt sem áður. Ég skil ekki hvernig ríkissjóður skrimtir án þess að fá aðrar tekjur en skattlagningu á eignalausan almenning, kannski er hann bara á hausnum hvort eð er og komin uppgjöf í stjórnina?

Hundruð myndu missa vinnuna

Eftirstöðvar leyndra tilvonandi afskrifta upp á borðið strax. Fjölmiðlamál sem sefur.

Maður er auðvitað búin á fá sig fullsaddan að allri þeirri lýgi sem hefur viðgengist hér á landi að undanförnu í nánast öllu stjórnkerfinu. Það er að verða eðlilegt að halda sannleikanum frá almenningi og þetta hefur norræn velferðastjórn innleitt hér á landi.

Í DV í dag er listi yfir menn sem hafa fengið akskriftir sem eru svo háar upphæðir að maður fær nettan svima að sjá þetta á prenti en þetta eru staðreyndir og sönnun þess að þessi leið var valin í stað þess að taka á vandamálum fjölskyldna, því miður mínir kæru landar.

Nú hefur Jóhanna Sigurðardóttir sagt að ekkert frekara verði gert fyrir heimilin þrátt fyrir að nú er hættulegasti hópurinn að komast í veruleg vandræði það eru þeir sem hafa þokkalegar tekjur þegar vinnu er að hafa en búa í yfirveðsettu húsnæði og fá enga niðurfellingu vegna þess að þeirra lán eru hjá íbúðarlánasjóði og þar gilda önnur lög en tildæmis hjá Landsbankanum.

Ég þekki marga sem eru í þessari stöðu. Það sem er alvarlegt við þessa stöðu er að flestir í þessum hópi sem eru trúlega nokkur þúsund fjölskyldur munu trúlega velja gjaldþrotaleiðina og hvers vegna, jú vegna þess að þetta fólk þarf að velja á milli þess að semja um að binda sig ævinlangt við skuldirnar á íbúðinni sem hækka vel um þessar mundir eða að fara í gjaldþrot og byrjað upp á nýtt eftir tvö ár og þá allavega skuldlaus, er þetta einhver spurning?

Það verða gríðarlegar afskriftir vegna þessa og það hljóta að vera til áætlanir hjá hinu opinbera eða hjá (hinu leynda) hverjar þessar afskriftir geta orðið, allavega einhverjir tugir miljarða og síðan er það stóri pakkinn sem engin vill tala um sem er einnig að mesti leiti á Íbúðarlánasjóði, það eru öll húsnæðissamvinnufélögin félög sem leiga úr samkvæmt búseturéttarákvæðum, já þarna erum við að tala um þúsundir íbúða sem félögin leiga út en eru allar með tölu með stökkbreitt lán sem verður að afskrifa um gríðarlegar fjárhæðir til þess að félögin geti lifað. Sumir segja að þau geti bara farið á hausinn ef þau standa svona illa en þá stendur eftir búseturéttur þúsunda manna sem er í uppnámi og ekki væri það til að bæta stöðu fjölskyldna að tapa þeim rétti sínum.

Fjölmiðlar verða að taka sér tak og fara ofan í þetta mál og fá upp á yfirboðið hvað er að gerast á þessum vígstöðvum því ef íbúðarlánasjóðir þarf að afskrifa segjum 100 milljarða í heildina vegna þeirra málaflokka sem ég hef rætt hér, þá þarf sjóðurinn helling af fé frá ríkinu sem er ekki til. Staða ríkissjóðs er ekki rétt nema öll þessu mál séu opinber.
Þeir sem til þekkja komi þessu rétta boðleið til fjölmiðla, takk.

Ögmundur virðist óhæfur til þess að gegna ráðherrastarfi.

Það lítur greinilega þannig út samkvæmt svörum Ögmundar varðandi Nubo að ráðherrann gerir sér ekki einu sinni grein fyrir þeim tekjum sem af svona framkvæmdum verða, það liggur fyrir áætlun frá þessum manni og að sjálfsögðu færa hundruðir starfa miklar tekjur í ríkissjóð, það sér meira segja barn á grunnskólastigi. Þessi maður er algerlega óhæfur til starfa að mínu mati og á að segja af sér þingmennsku hið allra fyrsta svo þjóðfélagið geti farið að snúa sér að því að afla tekna áður en þorri fólks verður fluttur úr landi.

„Sporin hræða“