Svik ofan á svik, verður mikil blessun þegar þessi stjórn hrökklast frá.

Það er með ólíkindum að svona leiðréttingar á kjörum öryrkja skuli vera svikin og það á kosningar ári og ráðlegg ég öllum landsmönnum að hleypa nýjum mönnum að við stjórn þessa lands, nú höfum við prófað það alversta sem er kallað norræn velferðastjórn hvað sem það eiginlega þýðir. Við megum ekki heldur gleyma því sem var þar á undan og þar á undan, það var líka slæmt.
Kjósum ný framboð, við höfum engu að tapa.

ASÍ mótmælir kjaraskerðingu

Hagvöxturinn byggist á skuldasöfnun.

Þetta er þróun sem allir ættu að vita um nema kannski ríkisstjórnin því hún virðist bara trúa því að hér sé bullandi uppgangur og hagvötur með ágætum. Hagvöxturinn er til komin vegna umframeyðslu og skuldasöfnunar enda getur ekki annað verið ef meðaltekjumaður tekur saman útgjöldin sín fyrir síðasta ár og árið í ár þá ætti hann að komast að því að allt hefur hækkað langt fram yfir launahækkanir, hjá mér eru þetta í kring 15% útgjaldaaukning, allt hefur hækkað,vextir, hiti, rafmagn, matvara og allt annað sem verslað er í matvörubúðinni, tryggingar, bensín (rokkar til og frá en er rándýrt),áfengi o.s.f.v.
Hvernig á þetta að geta gengið upp???????

Ég vil mróttækar breytingar á hagstjórn landsins og hef ákveðið að nota atkvæði mitt og kjósa Hægri Græna sem er með góða og vel útfærða stefnuskrá, ég hef engu að tapa og vona bara að Íslendingar gefi nú nýju fólki möguleika á að breyta áherslum í þessu staðnaða fjórflokka rugli.

Íslendingar eyða um efni fram

Eigum við eftir að sjá 10% verðbólgu í lok janúar?? það er stefna VG.

Að mínu mati er um algjört hneyksli að ræða að breyta þessari byggingarreglugerð og ekki er það sem við þurftum að sjá hækkandi byggingarverð.
Ef allar álögur verða að veruleika sem VG fólk leggur til að verði framkvæmdar um áramót, þessi sami pakki, áfengi, tóbak,olíugjald o.s.f.v. þá erum við einfaldlega að sjá verðbólgutölur hækka mjör ört og kæmi mér ekki á óvart að sjá tveggja stafa tölu innan þriggja mánaða. Síðan í kjölfarið þá hækka stýrivextir, sama gamla rútínan.
Þetta er ekkert svartsýnishjal heldur bara reynslan hefur sýnt þetta og það hefur ekkert breyst í samsetningu blessaðrar vísitölunnar sem tröllríður okkur hvern dag ársins.

Hvað ertu að gera Svandís?

Jóhanna lærði ekkert öll þessi ár þingi. Ég mun kjósa breytingar, Hægri græna.

Ég fór bara að hugsa um hvað maður er búin að eyða mörgum greiddum atkvæðum við kosningar í ekki neitt, búin að kjósa þrjá af fjórflokka dæminu en ekkert breytist.
Þórir N.Kjartansson kemur þarna með sterkan punkt og hvers vegna er ekki búið að leiðrétta þessar herfilegu skerðingar? Það er bara ekki vilji til þess, það er okkar vandamál og kemur því þingmönnum ekki við því þeir eru tryggðir í bak og fyrir með sinn lífeyri.

Nú finnst mér komið að því að fara út fyrir fjórflokkinn og leita nýrra miða og eru Hægri grænir flokkur sem er með nokkuð skýra sýn á stefnumál sín og eru búnir að setja upp aðgerðalista og lausnir.
Það hefur ekkert upp á sig að reyna gömlu leiðina lengur, það mun ekkert breytast ef td Sjálfstæðismenn og Samfylking mynda stjórn, bara sama ruglið áfram, verðtryggingin mun blómstra ásamt verðbólgunni, hátt vaxtastig verður áfram o.s.f.v.
Það er í okkar valdi að ná fram breytingum, kjósum breytingar því við höfum engu að tapa, munið að það engu að tapa, kjósum Hægri græna inn á þing með myndarlegan þingmannafjölda, kynnið ykkur málefnalistann og lausnir flokksins. Ég er ekki flokkstengdur Hægri grænum, eingöngu einstaklingur sem er orðin langþreyttur á lélegri landsstjórn sem er búin að rýja mann inn að skinni nokkrum sinnum með ömulegri efnahagsstjórn.

Til forsætisráðherra

Kemur ekkert á óvart með Íbúðarlánasjóð, en er ríkisstjórnin úrræðalaus??? Og Árni Páll vill húsbréfakerfi???

Það er svo merkilegt með þetta mál með Íbúðarlánasjóð, eins og þetta sé eitthvað sem er að koma upp á núna, ég hef vitað í langan tíma sem óbreyttur borgari að sjóðurinn stæði illa og mun verr heldur en fram er haldið.
Það eiga eftir að koma fram kröfur um gríðarlegar afskriftir skulda, bæði einstaklinga og allra búsetufélaga á landinu til þess að þetta gangi allt saman upp.
Ef til þess kemur ekki þá erum við bara í djúpum skítapitt og munum sjá fólksflóttann aukast mjög hratt er hann nú nægur fyrir. Því vil ég að það verði öllu hleypt upp á borðið og allur pakkinn skoðaður í einni heild og þá kæmi mér ekkert á óvart að við værum að tala um 50 til 60 milljarða sem til þarf til þess að leysa vandamál sjóðsins og er þá ekki skoðunarvert að stofna nýjan sjóð á öðrum forsendum og láta þennan núverandi fara á hausinn, ég bara spyr? Núverandi sjóður er ekki samkeppnisfær á markaðnum, fólk hefur lokað á verðtryggð lán, loksins.

Ég horfði á Silfur Egils á sunnudaginn og varð mjög hissa er Árni Páll talaði um að við þyrftum að taka upp á ný húsbréfakerfi að talaði um að kerfi Jóhönnu hér áður fyrr hefði verið gott, húsbréfakerfi Jóhönnu var skaðræðiskerfi sem fór mjög illa með þjóðina enda voru á tímabili um 25% afföll í því kerfi, Sem dæmi sem ég þekki þá fékk vinur minn greiðsluerfiðleikalán á þessum tíma upp á 2.000.000 kr og fékk útborgað 1.500.000 sem gengu upp í skuldir en skuldaði 500.000 kr meira á eftir, þvílíkt rugl og fór sem fór og var þetta annað kerfið sem hrundi í höndum Jóhönnu, ég sjálfur lenti í því fyrra með lánsloforð frá Húsnæðislánastofnun er ég keypti ódýra íbúð en var skuldlaus að öðru leiti en þá fraus þáverandi kerfið og eftir tvö ár án láns seldi ég og gekk út með 3.200.000 í skuld.
Já Árni Páll, endilega komdu með eitthvað svona aftur. Menn sem tala um að þurfi að breyta stjórnmálum á Íslandi þurfa þá að standa undir því en ekki tala um að taka upp eitthvað sem búið er að reyna áður með hörmulegum afleiðingum. Nú er bara að sjá hvaða sjónarútspil ríkisstjónin kemur með í dag varðandi Íbúðarlánasjóð.

Lokað fyrir viðskipti með íbúðabréf

Hvað á eftir að afskrifa margra milljarða vegna búseturéttarfélaga í landinu???

Mér sýnist nú þessi frétt snúast um smá upphæðir miðað við það sem framundan er.Ég er að reyna fá upp á yfirborðið hvað margra milljarða þarf að afskrifa af búseturéttarfélögum á næstunni? Ég heyri að flest þessi félög séu nánast órekstrarhæf vegna hækkunar höfuðstóls verðtryggðra lána. því það verður að hafa í huga að leiguverð er ekki hægt að hækka jafnt og þétt til þess að mæta verðbótaréttinum en nú þegar eru margar íbúðir í þessum félögum með allt of háa leigu, allt upp í 170.000 leiga á 4 herbergja íbúð sem segir mér að verðtryggingin er að eyðileggja þessi félög og þá eru fjöldi íslenskra fjölskyldna í vondum málum.
Ég er hlyntur búsetaréttarkerfi en er að verða ansi hræddur um hvert stefnir og grunar mig að innan Íbúðarlánasjóð og alþingis sé verið að þagga niður þá miklu fjármuni sem þarf að afskrifa til þess að halda lífi í þessum félögum, ég giska á að við séum að tala um ca 20 milljarða sem ríkissjóður þarf að skutla inn í sjóðinn bara vegna þessa máls.
Það er rætt að það þurfi nú þegar að setja 14 til 20 milljarða í sjóðinn og svo kemur þetta til viðbótar, er ekki komin tími á eitt allsherjar uppgjör á verðtryggðum skuldum landsmanna?

Myndu tapa 600 milljörðum króna

Loksins komst hreyfing á miðbæjarskipulagið, bara að það verði ekki eyðilagt.

Jæja eftir mörg íbúaþing og fundi og mikinn kostnað undafarin sex, átta ár eða svo er komin hreyfing á miðbæjarskipulag á Akureyri. Það er búið að halda samkeppni um skipulagið og verðlauna fyrir en blessaða sýkið varð til þess að ekkert varð að neinu og enn er búið að blása til þings með tilheyrandi kostnaði.
Það virtist nú vera ef ég man rétt nokkuð góð sátt um skipulagið að undanskyldu sýkinu og snerist mín skoðum tildæmis varðandi sýkið á sínum tíma þar sem mörg rök voru á móti sýki.
Ef ekkert sýki verður þá er einfalt að nota skipulagið sem búið er að verðlauna og setja gras í stað sýkis, almenningsgarð og málið er leyst í eitt skipti fyrir öll.
Það að snúa miðbænum þannig að aðalgata miðbæjarins snúi í austur vestur er mikil bót úr rokrassgatinu og sólarleysinu sem er í núverandi göngugötu og því er vinningstillagan mjög góð og skemmtileg leið.
Það er nú því miður þannig að nú verður farið í málið á nýjan leik og það verður þvaðrað um hitt og þetta og málið stöðvast einu sinni enn, það er svona stjórnsýsluóregla hér á landi sem erfitt er að brjóta niður, því segi ég, notum gamla skipulagið og setjum almenningsgarð í stað sýkis.
Reyndar hef ég alltaf haft þá framúrstefnulegu hugmynd að það ætti að endurskipuleggja Ráðhústorg og þá þjónustu sem við torgið er, yfirbyggja það, hita það upp og skapa suðræna stemmningu en þetta þykir víst of ný og framandi hugmynd en hún gæti einnig slegið í gegn og dregið hingað fjöldann allan ferðamanna um hávetur til þess að upplifa suðræna stemmningu í kuldanum og því viðbættu að fleira fólk sæist í miðbænum alla daga ársins.

Umdeilt síki í miðbænum víkur

Eru fasteignakaupendur að leika sér að eldinum, hvað á eftir að afskrifa?

Ég er mjög hræddur við þá þróun sem er í gangi um þessar mundir á Íslandi að fólk hafi gefist upp á að leita sér að leiguhúsnæði og fari út í fasteignakaup í staðinn. Ég reyndar skil stöðuna sem búið er að búa til af fjármálastofnunum að halda að sér ónýttum eignum til þess að halda leigu og fasteignaverði uppi en mergurinn málsins er að það gengur ekki upp miklu lengur og hvernig fer þá?
Verðtrygging hefur verið há undanfarna mánuði og er engin breyting á henni þrátt fyrir hrunið, fasteignaskuldir halda áfram að hækka jafnt og þétt og erfileikarnir eru að hrannast upp hjá millitekjufólkinu sem sýnir að allar þær ráðstafanir sem gerðar hafa verið eru að verða að engu eins og almenningur hefur haldið fram að myndi gerast fyrir daufum eyrum ríkisstjórnar.
Nú virðist vera risavaxið mál í gangi innan Íbúðarlánasjóðs vegna skulda margra húsnæðissamvinnufélaga því skuldir þeirra hafa að sjálfsögðu hækkað eins og hjá einstaklingum og hlýtur að vera eftir að afskrifa mjög stórar upphæðir vegna þeirra en mér finnst að þetta sé mál sem á að þagga niður framyfir næstu kosningar og koma milljarðavandamáli á næstu ríkisstjórn (hvers vegna sér maður aldrei neitt um þetta í fjölmiðlum)?
Þegar verður búið að afskrifa þá miljarða sem þarf til þess að þessi félög sem mér finnst þjóðfélaginu nauðsynleg verði rekstrarhæf þá verður að moka fé úr ríkiskassanum til þess að rétta af Íbúðarlánasjóð. Það fer einnig að koma að því að sjóðurinn og bankarnir verða að fara að losa sig við eitthvað að þeim þúsundum eigna sem eru í eigu þeirra og hvað gerist þá er markaðsöflin ráða.
Það verður verðlækkun á markaðnum og hvað þá, sama sagan og við þekkjum í gegn um tíðina kemur upp á nýjan leik og einhver annar skrifar svipaða grein og þessi er eftir 10 ár eða svo. Þetta er ísland í hnotskurn áratugum saman og bið ég því fók að fara varlega. Það er fólk sem býr í Danmörk að greiða tíu sinnum lægra vexti af húsnæðislánum heldur er hér, verðtryggingarinnar vegna.

Þörf fyrir mikla lækkun skulda

Af hverju ekki leigufélag strax?? ?Slóðaháttur ríkisins.

Það er alveg merkilegt með alla hluti sem að ríkinu snúa að það virðist ekkert geta gerst með áhuga og dugnaði eins og þetta dæmi sannar.
Það bráðvantar mörg hundruð íbúðir á markaðinn strax, það er fullt af fólki sem er nánast á götunni því það finnst ekkert leiguhúsnæði á sanngjörnu verði en bankarnir og íbúðarlánasjóður liggja á eignum sínum óleigðum til þess að halda uppi allt of háu íbúðar og leiguverði.
Það átti fyrir löngu síðan að vera búið að stofna leigufélag og koma öllum eignum í úleigu, það er ekki nóg að hugsa einungis um peningaöflin, það er líka fólk í landinu sem þarf öruggt leiguhúsnæði strax.

Stefna að stofnun leigufélags um áramót

Atkvæðasöfnun stjórnarflokkana hafin. Bygging stúdentakjallara í dag???

Ekki það að ég sé á móti því að háskólafólk hafi góða aðstöðu og geti fengið sér í glas í eigin kjallara, alls ekki en í dag eru engir fjármunir til hjá ríkissjóði eftir því sem forsvarsmenn stjórnarflokkana segja okkur.

Ég sá þessa frétt í sjónvarpinu fyrr í vikunni og það var svona skritin tilfinning að geta ekki áttað sig á hvernig maður átti að taka þessari frétt á sama tíma og ekki er hægt að byggja íbúðir fyrir námsmenn, reka skólana sómasamlega, reka heilbrigðisþjónustuna o.s.f.v.

Eru þetta atkvæðasöfnun sem hér á sér stað, þetta er allavega framkvæmd sem mætti alveg bíða þar til betur árar?
Þarna er skýrt dæmi um þá forgangsröðum sem hefur átt sér stað hjá þessari arfaslöku ríkisstjórn.

Nýr Stúdentakjallari byggður