Tryggvi Þórarinsson

15.3.2010 | 09:32

Og svo eru það skattarnir sem leggjast á afskriftirnar?

Það er alltaf verið að ræða um ákveðna hópa í þjóðfélaginu sem keyptu dýra bíla, ódýra bíla, dýr hús og o.s.f.v. í stað þess að ræða þetta á þeim nótum að við séum jöfn er það ekki annars málið að afskriftir gangi yfir allan almenning og síðan taka þá sem verst standa á eftir og klára þeirra mál á annan hátt. Við verðum að athuga líka að það er fullt af fólki sem tók ekki þátt í neinu eyðslufyllerí en er samt sem áður búið að tapa gríðarlegum upphæðum og er komið með stökkbreittar afborganir sem það hafði vel efni á að borga af en hefur það ekki lengur, þetta er fólk líka en stjórnmálamenn tala þannig að þetta fólk verði bara að bjarga sér á meðan er afskrifað í gríð og erg af þeim sem voru að leika sér með miljarðatugina. Þetta segir okkur að til eru tveir hópar í dag fátækir og ríkir, millistéttinn er að þurkast út.

Skattar á afskriftir eru eitt að þessum atriðum sem eru niðurlægjandi fyrir íslensk stjórnvöld á þessum tímum, hugmyndin þarna á bakvið er að ná miljörðum af útrásarvíkingum en að láta sér detta það í hug að þeir borgi eitthvað af þessum sköttum er fjarstæða, þeir eru fyrir löngu búnir að tryggja sig gagnvart þeim álögum. Það verður einfaldlega almenningur sem verður rukkaður um þessa skatta og þeir sem ekki ráða við skattana verða gerðir gjaldþrota, svona einfalt er þetta, svo á meðan skattar eru lagðir á afskriftir einstaklinga þá er þetta enn ein sjónhverfing stjórnvalda en allar aðgerðir þeirra eru á þennan veg.