Hættum nú þessu fortíðarrugli öllu saman, Landið stjórnlaust í tvö ár.

Þetta er orðið algjörlega óþolandi að heyra frá þessu stjórnmálafólki að þrasa um það sem gerðist allt aftur í 10 ár aftur í tímann og það virðist vera að þetta lið ætli að finna lausn á vandamálum dagsins í dag með því að sökkva sér í fortíðina hún gerir ekkert fyrir okkur í dag hún er liðin og kemur ekki aftur í því horfi sem hún var. Það sem skiptir máli er það að vinnubrögðin í dag skapa aðstæðurnar sem verða á morgun o.s.f.v. því er brýnt að stjórnendur landsins fari að huga að einhverju öðru en því sem hefur gerst, það er öll orka notuð í að reyna að finna einhverja sökudólga fyrir hinum og þessum gjörðun (hvað breytist þótt Ingibjörg og Geir sitji í fangelsi í 1 ár? Ekkert). Sömu vandamálin eru hér til staðar á meðan ekki er verið að vinna af heilindum að því að rétta þjóðina við þá gerist ekkert og það er staðan í dag, það gerist ekkert.

Ný vinnubrögð upp á borðið í dag, ekki á morgun, í dag. Icesave í hendur lögmanna og Steingrímur hættir að tjá sig um það mál, hann hefur mikið stærra verkefni á borðinu eins og að halda lífi í þjóðinni, Jóhanna sem hefur verið algjörlega gangslaus til þessa þarf að standa upp og fara að stjórna þessu afdala liði í ríkisstjórninni og fara að huga að því hvers vegna allt er stopp í þessu þjóðfélagi. Ef það er VG sem stöðvar allan framgang og vill ekkert hliðra til í einu né neinu til þess að skapa störf þá er það starf forsætisráðherra að slíta þessu samstarfi og freista þess að komast í nýja stjórn með öðrum aðilum. Hvað varðar stefnuna í gengislánunum og þá lagasetningu sem Árni Páll boðar þá er að mínu mati þarna á ferðinni ein stærstu mistök íslandssögunnar, þessi lög munu rústa íslenskum heimilum endanlega, húsnæðislán geta aldrei borið sömu vexti og bílalán aftur í tímann, að fólki skuli detta þetta í hug er rannsóknarefni en við skulum ekki rannsaka fleira heldur hætta við svona viteysu og fara að taka af málununum í alvöru, taka á vandamálum dagsins í dag.     

Athugasemdir

[Kjartan Sigurgeirsson, 20.9.2010 kl. 10:59]

Við skulum ekki gleyma því að vextirnir sem Árni Páll vill setja á fasteignalán eru ekki venjulegir vextir, þeir eru hagstjórnartæki Seðlabankans (stýrivextir) og eru keyrðir upp úr öllu velsæmi þegar SÍ þykir þenslan í þjóðfélaginu of mikil.  Það er rosalegt að hugsa til þess að heimilin sem tóku lán á árunum 2001 til 2008 skuli þurfa að sæta því að telji SÍ ástæðu til að draga úr þennslu, hækka vextirnir á lánunum þeirra.  Það væru nánast öll lánakjör æskilegri á langtímalán en þau sem Hæstiréttur dæmdi.

[Tryggvi Þórarinsson, 20.9.2010 kl. 11:25]

Rétt hjá þér Kjartan.

Það sem maður er að heyra í dag er að sumir hverjir sem hafa greitt upp sín bílalán með stökkbreittum vöxtum td á tímabilinu 2006 til 2009 muni jafnvel fá bakreikning, þetta er fólk sem upplifði 100% hækkun á greiðslubyrgði. Það er svo sem hægt að nefna dæmi hjá flestum landsmönnum, þetta er allt jafn hroðalegt.