Ekki farin almenn leið, það á eftir að verða okkur dýrt.

Nú er það ljóst samkvæmt orðum forsætisráðherra að ekki verður farin almenn niðurfærsla og leiðrétting skulda og reynt að fara einhverja blandaða leið sem aldrei verður sátt um en hvað svo?

Segjum að það sé farið hálfa leið og einhverjum ákveðnum hópi bjargað sem er nauðsynlegt að mínu mati og allt í góðu með það. Síðan eftir nokkra mánuði eða kannski eitt ár þá fer að þrengja að þeim hópi sem er á þolmörkum að geta greitt að sínum lánum og sá hópur mun stækka hratt og að lokum þá verða önnur 20.000 heimili komin í þá stöðu sem þeir verst settu eru í dag, hvað á þá að gera, fara aðra hálfa leið eða hvað? Þetta gengur ekki upp á þennan hátt.

Annað sem er fylgifiskur svona ákvarðana er að ungt fólk gefst bara upp á þessum háu afborgunum og flýr land er búið að reikna út hvaða það kostar þjóðina, hvað með reiknimeistara Jóhönnu, hafa þeir þær tölur fyrir almenning? Þar erum við að tala um alvöru tölur. Það á að hverfa af þeirri leið að það þurfi að rétta ríkissjóð af á örtíma og reka hann með halla næstu ár og vinna okkur hægt út úr hallanum án þess að það þurfi að hamast í vasa fólks með hækkunum á öllu sem hægt er að hækka.  

Mikill vilji til að finna varanlega lausn