Stefnir allt í stóran harmleik á Landspítalanum? Byggjum stærra???

Þetta er orðið grafalvarlegt ástand á Landspítalanum sem er orðin hálftómur vegna samdráttar á sama tíma og verið er að fara í byggingaframkvæmdir á spítala sem við höfum alls ekki efni á að fara í. Þessi ríkisstjórn sem er hér að störfum verður að segja af sér strax áður en einhverjir fleiri harmleikir verða af völdum hennar, vegna þess forgangsröðunar sem hún hefur unnið eftir. Það er nóg að skilja heimilin og atvinnulífið eftir í rúst, nú er nóg komið og mannlegi þátturinn verður að komst fram fyrir allt annað. Stjórnina frá og mynda neyðarstjórn fram að kosningum. ESB getur beðið í nokkur ár, stjórnlagabreytingar mega líka bíða svo ég tali ekki um að breyta fisveiðikerfinu á meðan allt er eins og það er, öll þessi mál verða að bíða, engin blæðir fyrir það.

Vísa verður bráðveiku fólki burt

Athugasemdir

[Óskar Guðmundsson, 6.2.2013 kl. 17:51]

Þetta á víst að kenna okkur að ef að við eigum ekki fyrir fötum á búkinn .... að þá er best að ath hvort ekki sé kominn tími til að byggja sér einbýli og fá lán fyrir Lancruiser.

[Gunnr (IP-tala skráð) 6.2.2013 kl. 18:17]

Húsnæðið er þegar stórskemmt og hæfir ekki starfseminni enda að grunni gamalt.

Að setja allt undir eitt þak sparar starfsfólk í stoðgreinum og vaktir nýtast betur og menn reikna sparnað við þá hagræðingu eina á um 3,6 miljarða á ári enda minnkar það hagkvæmni að vera að flytja fólk og sjúklinga fram og til baka yfir Öskjuhlíðina. Raunar er aðal kostnaðurinn við sjúkrahús rekstrarkostnaður.

Það verður ekki ódýrt að ætla starfsemina áfram á sama stað.

Það er gríðarlegar breytingar á aldurssamsetningu þjóðarinnar og það þýðir að ef menn ætla að halda í horfinu þarf að fjölga sjúkrarúmum.

Aðbúnaði við Landspítalann í dag er rekið http://www.laeknabladid.is/tolublod/2013/02/nr/4756

Sjá gren Engilberts í síðasta Læknablaðinu.

Húsnæði að hruni komið, lélegur tækjabúnaður og fjársvelt starfsemi meðan þjóðin er eldri, kröfurnar meiri og augljóslega er það svo að við erum að sérmennta fólk (sem gerir það á eigin kostnað) erlendis og þetta fólk er ekkert að skila sér til baka frá hruni. Góðærið kom aldrei á Landspítalann.

[Karl Jónsson (IP-tala skráð) 7.2.2013 kl. 11:41]

Landakotsspítala var lokað. Kristnesspítala var lokað. Vífilstöðum var lokað. Grensásdeild er hálflokuð. Spítalinn í Keflavík og fleiri spítalar úti á landi geltir. Stóð til að loka líknardeild í Kópavogi en líknarsamtök afstýrðu því. Svo er kallað á Pentagonbyggingu í hjarta borgarinnar. það eru fleiri  hektarar  í kringum Borgarspítalann sem má byggja á viðbætur stærri en Pentagonið  í skömmtum eftir þörfum. Að vísu ekki eins létt fyrir 101 hjólagíslana að mæta á fund.