Ferðamenn á vegum Íslands stórhættulegir.

Ég var að horfa á myndband á Facebook þar sem eru nokkur dæmi um ferðamenn á bílaleigubílum sem stöðva bíla sína á miðjum veginum og skapa stórhættu með þessu háttalagi. Þetta er lífhættulegur leikur og nú þarf strax að setja viðurlög við þessu brjálaða athæfi.

Sektir gera lítið gagn nema vera verulegar, það er 50.000 kr sekt fyrir að keyra bifreið yfir 110 km hraða og því finnst mér eðlilegt að ökumenn sem leggja á miðjum þjóðvegi verði sektaðir um lágmark 50.000 kr. Spurning hvort myndskeið frá vetvangi með bílnúmeri greinilegu dugir til þess að kæra viðkomandi til lögreglu?

Þetta er mál sem þarf að vinna hratt og vel og eiga bílaleigur að fá stífar reglur um að uppfræða leiganda að þetta uppátæki sé lífshættulegt og þá væri gott að geta bent á að 50.000 sekt sé við því.