Gylfi skilur ekki vandamálið.

Fátt fer meira í taugarnar á mér en stjórnmálamenn sem tala og tala og hafa í reynd enga hugmynd hvað þeir eru að segja.

Gylfi, hvers vegna heldur þú að fólk sé að gefast upp að greiða af skuldum sínum?

Hvers vegna er skýr krafa í þjóðfélaginu um leiðréttingu skulda?

Hvers vegna fjölgar þeim íbúðum sem lenda í eign bankanna og íbúðalánasjóðs?

Þetta er bara alls ekki flókið, fólkið ber ekki þennan skuldapakka eftir glundroða stjórnmálamanna undanfarin ár.

Hvers vegna svarar ekki forsætisráðherra kalli fólksins um leiðréttingu skulda? Er það vegna þess að hún skilur ekki vandamálið frekar en þú?

Gylfi þú ert greinilega með góðar tekjur og ekki mjög skuldugur og þekkir því ekki vandamálið og kemur mér mjög á óvart að þetta greindur maður skuli tala svona en trúlega er það bara svona þegar í pólítíkina er komið þá rofnar sambandið við almenning. Kallaðu saman fund í ríkisstjórninni og prófið öll að hrista vel hausinn og opna augu og eyru og þá kannski verðið þið meðvitaðri um vandann.

Þið getið röflað fram og aftur um þær leiðir sem í boði eru án þess að ná til fólksins því fólk veit að þær leiðir duga engan vegin til og það er staðreynd sem best er bara að viðurkenna og fara að vinna í þessum málum af alvöru. Það er ekki fólkinu að kenna ef það hættir að greiða af lánum sem það ræður ekki við, það er skandal í þessu landi um að kenna sem verður að leiðrétta og það verður leiðrétt, það er bara spurning hvort þarf byltingu til þess.

Flestir geta staðið í skilum

Athugasemdir

[Svavar Friðriksson (IP-tala skráð) 3.5.2009 kl. 14:56]

Einmitt, maðurinn var í miklum metum hjá mér. Núna er hann kominn í sama hóp og hinir asnarnir sem eru alls ekki í jarðsambandi við almenning. Því miður!

[Páll A. Þorgeirsson (IP-tala skráð) 3.5.2009 kl. 15:20]

Það hefur ákaflega litla þýðingu að hóta fjölskyldum sem stefna hratt í "gjaldþrot"

Gylfa væri nær að standa við yfirlýsingar sínar fyrir ráðherratíð þar sem hann fullyrti að afskriftir væru óhjákvæmilegar annað kostnaði þjóðfélagið mun meira.

Það er greinilegt að Gylfi hefur ekki þá "mannkosti" að geta umgengist ráðvillta pólitíkusa án þess að missa sjónar á "raunveruleikanum".

Ég taldi Gylfa mun skynsamari en hann virðist ætla að reynast.

[Guðmundur Pétursson, 3.5.2009 kl. 15:24]

Kaldhæðnin við þetta er kannski sú að við erum með urmul(4-600) af stjórnendum og "sérfæðingum" í ríkisbönkunum núna sem engin þörf er fyrir á ca. milljón á mánuði í hálfgerðri atvinnubótavinnu hjá ríkinu.  Þetta fólk ber margt sína ábyrgð á hruni bankanna.  Bankarnir rukka 10% raunvexti (verðtryggt + 10%) af almennum lánum, væntanlega að miklu leyti til þess að standa straum af þessum launum.  Bankarnir eru reknir með stórtapi í dag og eru yfirmannaðir allavega svona 50-60%.

Það er engin ástæða að fresta því að taka til í rekstri bankanna.  Þessi kostnaður er að lenda á ríkinu/skattborgurum og skuldurum í formi okurvaxta.

Bankamálaráðherra ætti kannski að einbeita sér að því verkefni að taka til í rekstri bankanna í stað þess að vera með yfirlýsingar af því tagi að flestir eigi að standa í skilum þó svo að augljóst sé að mjög mikill fjöldi hreinlega getur það ekki.