Alltaf vantað fyrirhyggjuna hjá sveitarfélögum og ríki.

Já útlitið er heldur betur dökkt í byggingargeiranum og ekki hægt að áætla annað en hann verði daufur á næstunni, helst verði vinna við að klára þær íbúðir og mannvirki sem þegar eru byggð en það mun gerast hægt eða eftir því sem hreifing kemst á fasteignamarkaðinn. Í eins mörg ár og ég man eftir hefur ávallt komið upp sú umræða að ríki og sveitarfélög eigi að halda að sér höndum þegar þensla er mikil og koma svo sterkt inn á markaðinn þegar kreppir að, enn einu sinni er búið að þurrausa alla sjóði í góðæri og ekkert eftir þegar kreppir að. Sumir geta sagt að það sé dýrara að byggja í því árferði sem í dag er en ég held að það sé bara svipaður kostnaður þegar á heildina er litið, innflutt efni í bygginguna er dýrara en vinnuliðurinn verður ódýrari eins og flest útboð sýna um þessar mundir.

Ef við tökum eitt dæmi sem er menningarhúsið á Akureyri, þetta hús var byggt í bullandi góðæri og er orðið allavega helmingi dýrara heldur en áætlanir gerðu ráð fyrir og er orðið svo dýrt að óhemja er en hvað lá á að byggja þetta hús, hver var þörfin? Það sem maður heyrir í dag er að þetta hús sé þvílíkur baggi á Akureyrarbæ að til vandræða er. Það er ekki búið að tryggja húsinu rekstrarfé og það er ekki búið að ákveða hvað húsið verður notað í, þetta er auðvitað arfavitlaust og til skammar fyrir ríki og Akureyrarbæ. Nú vonar maður bara að þetta högg sem við erum að upplifa verði til þess að stjórnendur hins opinbera verði framsýnari.  

Ekkert ljós framundan

Athugasemdir

[Jón Ingi Cæsarsson, 8.5.2009 kl. 11:03]

Saga menningarhússins á Akureyri spannar næstum 10 ár. Þetta er samvinnuverkefni ríkis og nokkurra sveitarfélaga að byggja menningarhús og reka þau. Ég reikna varla með að menn hafi séð þetta fyrir á sínum tíma. Hægt hefur verið á frágangi og lokaverkum í ljósi kreppunnar.

[Tryggvi Þórarinsson, 8.5.2009 kl. 11:50]

Sæll Jón

já ég veit að sagan er löng en það breitir því ekki að húsið er byggt í bullandi góðæri og hefði litlu breitt að byrja á því að byggja það í dag. Ég var nú aðalega að benda á þessa stjórnsýslu að hugsa ekki aðeins fram í tímann, við erum vön því að fá niðursveiflur reglulega á íslandi og þá er gott að vera búin að undirbúa sig þegar þær koma.