Áfram afneitun á ástandinu, við greiðum allann pakkann.

Það er greinilegt að það verður afneitun áfram í nýrri stjórn á skuldavanda fólks en það virðist alltaf vanta svar frá ráðafólki hvort því finnist það virkilega sanngjarnt að fólk greiði upp lán sem hafa hækkað svona gríðarlega eins og hefur gerst vegna óstjórnar. Við erum líka að tala um að lán lengist í mörgum tilfellum það mikið að fólk nær aldrei að greiða þau upp í því lífi sem það lifir í dag, eru þetta sanngjörn úrræði? Hrannar, það hlýtur að vera erfitt að koma svona fram fyrir Jóhönnu og bulla þetta framan í þjóðina.

Fyrir 20 árum síðan varð svona misgengi á lánum og eignir hröpuðu í verði og það þýddi að staðan hjá minni fjölskyldu fór úr skuldleysi í bullandi mínus svo miljónum skipti. Við fengum svokallaðar misgengisbætur í formi ávísunar frá ríkissjóði upp á 150 kr, já þetta er rétt 150 kr en við gengum út úr íbúðinni með miljónir í skuldir sem við höfum aldrei náð að hrista af okkur og greiðum enn af vegna þessa sama vandamáls sem er í gangi enn í dag, óstjórn, verðtrygging. Hvað er sanngjarnt við þetta?

Aðgerðirnar eru taldar duga flestum

Athugasemdir

[ThoR-E, 9.5.2009 kl. 20:16]

Þetta er bara fáránlegt.

Síðan er verið að bjóða fólki að lengja lán sín í 70 ár ..

Á það að klára að borga húsnæðið 130 ára gamalt ?? bara vegna þess að lánið hefur hækkað vegna verðtryggingar um fleiri milljónir ...

Þvílíkt og annað eins kjaftæði!

[ThoR-E, 9.5.2009 kl. 20:17]

Eða 100 ára .. fer náttúrulega eftir aldri lántaka ;)

Kveðja

[Valsól (IP-tala skráð) 9.5.2009 kl. 20:46]

Skrítið hvað þið Sjálfstæðismenn eruð allt í einu umhugað um að fólki sé hjálpað, komandi úr flokki sem venjulega hefur gefið skít í þá sem minna mega sín.

[Landfari, 9.5.2009 kl. 21:16]

Til lengri tíma litið kemur húsnæðið til með að hækka til jafns við vísitöluna. Það verða hinsvegar meiri sveiflur í húsnæðisverðinu því það ræðst mikið af lánamöguleikum. Þegar húnæðið hækkkaði langt umfram vísitöluna talaði enginn um að bæta lánveitendum það sem þeir hefðu getað "grætt" á því að kaupa hús í stað þess að vera að lána peninga.

Það er vissulega erfitt að hafa keypt íbúð þegar verðið var í hámarki og verða að selja þegar verðið hefur hrunið. Þess vegna ætti það að hjálpa fólki að lengja í lánunum þannig að það neyðist ekki til að selja núna. 

Það er enginn að reikna með því að viðkomandi verði 130 ára gamall tilað geta greitt af lánin sínu. Það er hinsvegar engin sanngirnin í að skattgreiðendur séu látnir borga til að erfingjarnir erfi skuldlaust húsnæði þegar viðkomandi fellur frá.