Stjórnina frá í hvelli, þetta eru þjófar.

Jæja þá er búið að sýna okkur hver skattpíningin verður ef stjórnin situr einhverja daga enn en vonandi springur hún í Icesave málinu. Nú fer fólk sem á einhverja aura eftir að leita með fjármagn sitt úr landi enda ekki mikið í það spunnið að spara á íslandi með neikvæða raunvexti og háan fjármagnstekjuskatt, var búið að hugsa út í það blessaða stjórn.

Hverju skilar hærri tekjuskattur þegar upp er staðið, minni eyðslu og því minni neysluskattar í ríkiskassann, meiru atvinnuleysi með tilheyrandi kostnaði og fleyri gjaldþrotum, já það væri gamah að sjá reikningsdæmið þegar allt er tekið saman eins og með áfengis og olíugjöldin minni eyðsla og því minnkandi tekjur af sölu vörunnar, nei þetta hefur aldrei skilað árangri og hvers vegna ætti það að breytast núna???

 

Þriggja þrepa skattkerfi

Athugasemdir

[Jóhannes Ragnarsson, 18.11.2009 kl. 16:10]

Ef þig langar að leita þjófa, þá skaltu byrja á að litast um í Sjáfstæðisflokknum þínum og hjá Framsókn.

[Anna Grétarsdóttir (IP-tala skráð) 18.11.2009 kl. 16:15]

Skattpíning, Icesave, milljarðar í ESB og hver veit hvað

Láta það berast að búið er að boða til mótmæla gegn Icesave næsta Laugardag þ. 21 við Stjórnarráð-Alþingi kl. 12.00.

ALLIR SEM VETTLINGI GETA VALDIÐ MÆTI OG LÁTI Í SÉR HEYRA !!!

[Óskar Helgi Helgason (IP-tala skráð) 18.11.2009 kl. 16:24]

Heill og sæll Tryggvi - og þið önnur, hér á síðu !

Tek undir; með greinarhöfundi, í meginatriðum.

Jóhannes; forni spjallvinur !

Núverandi Stjórnarráðsliðar; eru beint framhald þeirra, sem frá fóru, í Febrúar síðast liðnum - svo; ekkert fari á milli mála - og þar áður, 2007.

Með beztu kveðjum; úr Árnesþingi /

Óskar Helgi Helgason 

[Ágúst Valves Jóhannesson (IP-tala skráð) 18.11.2009 kl. 17:23]

Ég reikna með því Tryggvi að þú hafir kosið Sjálfstæðisflokkinn seinustu kjörtímabil miðað við málflutning þinn og rök. Þú verður að átta þig á því að með því ertu með-ábyrgur fyrir því bankahruni sem varð hér á Íslandi á seinasta ári, þú studdir þetta og styður það greiniega enn.

Það er gaman að sjá og heyra fólk tala um skattpíningar... því ríkissjóðurinn okkar er á hliðinni eftir valdasetu þíns flokks. Hvað þarf að gera þegar ríkissjóður er í skuldahalla? Það er þrennt sem kemur til greina í þessari stöðu; skattahækkanir, niðurskurður á ríkisútgjöldum og greiðslufall. Það sem sitjandi ríkisstjórn hefur í hyggju er að fara blandaða leið eins og eðlilegt er því eins og flestir vita þá eru ráðuneytin að skera niður 10-15% hjá sér. Verjum frekar hið frábæra velferðarkerfi okkar og hækkum skatta á sanngjarnan hátt. Er það ekki?

[Guðbjartur Þorvarðarson (IP-tala skráð) 18.11.2009 kl. 17:50]

Og þá spyr ég þig herra Ágúst Valves,  hver ætli hafi byggt upp þetta frábæra velferðakerfi sem Íslendingar búa við í dag??  Kannski t.d sjálfstæðisflokkurin. Undir hans stjórn jukust t.d ríkisútgjöld um 43% frá árinu 2003 til 2008 og hvert helduru að þau hafi farið?

Allavega var það ekki vinstri stjórn sem byggði þetta kerfi upp, enda hefur sá gamli draugur verið dauður í 20 ár  hér á landi, tæplega þó.

Nú á tímum þegar að alheimurinn fagnar 20 ára afmæli falli kommúnismans, þá sitja Íslendingar árið "2009"  uppi með heila stjórn af þessum glæpamönnum.  En það góða við þetta allt saman er að með líðandi tíma styttist í að Sjálfstæðisflokkurinn komist aftur til valda og við fáum frelsið að nýju, til athafna og uppbyggingar.

[Arnþór (IP-tala skráð) 18.11.2009 kl. 18:05]

Velferðarkerfið hér hefur reyndar verið mun veikara en í Skandinavísku löndunum, ekkert frábært við það.

[Arthur Þorsteinsson (IP-tala skráð) 18.11.2009 kl. 18:15]

Maður getur nú ekki orða bundist , að kalla menn glæpamenn ber vott um röksemdarskort á háu stigi. Ríkisstjórnir geta sett hver þau lög sem þeim þóknast til hagsbóta eða til stjórnunar á þjóðfélaginu og er enginn glæpur þar á ferð.

Aukin ríkisútgjöld á árunum 2003 - 2009 fóru að mestu í eitthvað annað en velferðarmál, nema þær miklu kauphækkanir sem náðust fram hjá opinberum starfsmönnum séu félagsleg úrræði.

Á árunum 1993 - 2005 hækkuðu skattar í tíð fyrri ríkistjórna úr 33 % af þjóðarframleiðslu í 42 % og átti láglaunaskatturinn , þ.e. að hækka ekki skattleysismörkin mikinn þátt í því. Þær auknu álögur gáfu ríkissjóði 20-36 milljarða í auknar tekjur á ári á þessum árum. Hvar varst þú þá og heyrðist einhvað í þér ?

[Tryggvi Þórarinsson, 18.11.2009 kl. 18:37]

Ég vil bara að það sé á hreinu að ég er ekki sjálfstæðismaður og það stendur ekki til að svo verði næstu árin. Það er samt allt betra en þessi gömlu taktar vinstri manna.

Hvar eru ráðin til tekjuaukningar hjá ríkisstjórn er sú vinna ekki byrjuð?

Arthur, tvisvar sinnum hef ég tapað íbúð og stórfé í kjölfarið, í bæði skiptin var Jóhanna í stjórn, í annað skiptið fraus húsnæðislánakerfið undir hennar stjórn og í hitt skiptið var hún í ríkisstjórn sem kom okkur í mikla kreppu fyrir um 10 til 12 árum síðan, vextir mjög háir og verðfall á íbúðarhúsnæði er það tilviljun að hún á þátt í því í þriðja sinn á 20 árum að gera eignaupptöku hjá landsmönnum? Þar var ég í slagnum þá. 

[Guðbjartur Þorvarðarson (IP-tala skráð) 18.11.2009 kl. 18:55]

Það er eðlilegt Arthur að skattheimta hafi aukist.  Með síauknu væli og heimtingu um betra velferðakerfi eða Norrænt velferðakerfi þá þarf að auka skattana.

Svona velferðakerfi er rándýrt og það þarf að fjármagna.  Það er ekki bæði sleppt og haldið.   Enda ef að það er stefnan hjá þessari ríkisstjórn að fara þá leið að þá eru þessar skattahækkanir í dag bara dropi af því sem við þurfum að borga seinna til að halda þannig kerfi úti.

Og nei Tryggvi það er sko ekki tilviljun að hún sé búin að vera í öllum ríkisstjórnum sem stuðla að einhversskonar hruni.  Það eitt segir meira en þúsund orð...

[Arthur Þorsteinsson (IP-tala skráð) 18.11.2009 kl. 19:23]

Ef þú getur sannað að það sé samhengi á milli aukinnar skattheimtu ríkistjórna áranna 2000 - 2007 þá komdu með það svona fullyrðingar eiga sér nánast engar stoðir í raunveruleikanum. Aukin skattheimta fór í flest annað í raun sendiráð, samkeppni við bankana og erfðagreiningu um starfsfólk, núna eru þessi fyrirtæki sem blésu út laun á vissum stöðum í þjóðfélaginu ekki svipur hjá sjón en launakostnaður ríkisins hefur ekki gengið til baka eins mikið og í raun væri þörf á. Hversu mikill hluti af kostnaði ríkisins við rekstur eru launagreiðslur?

[Jóhannes Ragnarsson, 18.11.2009 kl. 19:31]

Það er alltaf gaman að lesa öfugmælavísurnar og bullið, sem hinum morgunblaðslærðu auðvaldsinnum dettur í hug að demba yfir fólk. Allflestum af þessum greyjum er algjörlega fyrirmunað að sjá samhengi hlutanna þegar kemur að svokallaðri pólitík. Auðvitað er bæði hlálegt og dapurlegt, að verða vitni að því hve sjálfstæðishetjurnar verða afspyrnutregar til höfuðsins þegar kemur að því að sjá raunverulegar orsakir hrunsins, þrátt fyrir að orsakavaldurinn sé svo að segja inni á stofugólfi hjá þeim. Því síður gera umræddar sjálfstæðishetjur sér grein fyrir, að Sjálfstæðisflokkurinn er ekki stjórnmálaflokkur í venjulegum skilningi þess orðs, heldur samtök gjörspilltra, öfgafullra sérhagsmunaþrjóta, sem svífast einskis þegar völdum þeirra og sérhagsmunum er ógnað. Ömurlegast er þó að sjá litlu undirlægjudýrin, sem elta auðvaldsdólgana á röndum í þeirri von að fá að japla á molum sem kunna að falla af borðum höfðingjanna. Það er ein sorgarsaga, hvernig sem á það er litið.

[Guðbjartur Þorvarðarson (IP-tala skráð) 18.11.2009 kl. 20:17]

Molum höfðingjanna? hahaha :D  já nú verðum við allavega að éta brauðmolana þessu fáu sem verða til boða frá kommunum.

Ef þið sjáið ekki hvað velferðakerfið hefur stækkað og dafnað undir stjórn Sjálfstæðisflokksins að þá get ég ekki hjálpað ykkur.

Skoðið menntakerfið!!!  Hvað voru margir framhaldsskólar árið 1995?    Skoðið allt bótakerfið hvað það er komið reyndar út fyrir öll velsæmismörk.  Það er orðið svo auðvelt að fá bætur að fólk er farið að lifa á því að vera á bótum.  það er hagkvæmara að vera á bótum heldur en að vinna.

En Ég vill auðvitað að þeir sem virkilega þurfa á bótum að halda fái þær, og það vel af þeim.  En það þarf að fara rækilega í gegnum það.  

Við höfðum það of gott undir stjórn Sjálfstæðisflokksins.  Svo gott að fólk gerði sér ekki grein fyrir því.  En núna sér fólk, enginn veit hvað átt hefur fyrr en misst hefur.  Og það skýrir t.d STÓRAUKIÐ fylgi Sjálfstæðisflokksins í könnunum.  Sem betur fer verður líf þessarar ríkisstjórnar skammvinnt.  Í mesta lagi 3 ár í viðbót,  á ég þó frekar bara von á nokkrum mánuðum.

[Ágúst Valves Jóhannesson (IP-tala skráð) 18.11.2009 kl. 20:24]

Og þá spyr ég þig herra Ágúst Valves,  hver ætli hafi byggt upp þetta frábæra velferðakerfi sem Íslendingar búa við í dag??  Kannski t.d sjálfstæðisflokkurin. Undir hans stjórn jukust t.d ríkisútgjöld um 43% frá árinu 2003 til 2008 og hvert helduru að þau hafi farið?

Allavega var það ekki vinstri stjórn sem byggði þetta kerfi upp, enda hefur sá gamli draugur verið dauður í 20 ár  hér á landi, tæplega þó.

Nú á tímum þegar að alheimurinn fagnar 20 ára afmæli falli kommúnismans, þá sitja Íslendingar árið "2009"  uppi með heila stjórn af þessum glæpamönnum.  En það góða við þetta allt saman er að með líðandi tíma styttist í að Sjálfstæðisflokkurinn komist aftur til valda og við fáum frelsið að nýju, til athafna og uppbyggingar.

Ég svara SUS-urum alltaf með ánægju. Ég reyni þó að hafa þau málefnaleg, svona oftast a.m.k. 

Landsmenn allir með réttlátu hagkerfi byggðu upp það frábæra velferðarkerfi sem við búum við í dag en það var ekki gert á síðustu 20 árum þegar í frjálshyggjugjöfin var stigin í botn. Reyndar hefur velferðarkerfið versnað á síðustu árum, sem lýsir sér í meiri stéttskiptingu, heilbrigðiskerfið er farið að vera þannig að það er ekki fyrir alla.

Þú segir að bráðlega komist Sjálfstæðisflokkurinn, þegar það gerist segiru að frelsið komi á ný? Ég ætla að spyrja þig Guðbjartur tveggja og fá í leiðinni sjálfkrafa leyfi hjá Tryggva; hverju viltu kosta til að "frelsi til athafna og uppbyggingar" og hvernig lýturu á frelsi skuldara? Er maður ekki frjáls ef maður er laus við skuldbindingar við fjármálastofnanir?

Ég svara glæpamannskjaftæðiðinu ekki. Er það ekki Geir Haarde sem á í hættu á að vera dæmdur til fangavistar?

[Jóhannes Ragnarsson, 18.11.2009 kl. 20:53]

Við sem þekkjum söguna vitum að velferðarkerfið á Íslandi er ekki tilkomið vegna áhuga Sjálfstæðisflokksins á slíku, öðru nær. Velferðarkerfið varð til fyrst og fremst vegna baráttu verkalýðssamtakanna og þeirra stjórnmálaflokka sem stóðu henni næst - Sjálfstæðisflokkurinn hefur alla tíð staðið eins langt frá verkalýðshreyfingunni og hann hefur þorað.

Svo er rétt að halda því til haga, að ríkisútgjöld og velferðarkerfi er ekki það sama. T.d. teljast ríkisstyrktir einkaskólar (Bifröst, HR, Versló og fleiri) ekki til velferðarkerfisins fremur en Fiskistofa, svo eitthvað sé nefnt.

[Arthur Þorsteinsson (IP-tala skráð) 18.11.2009 kl. 21:32]

Til Tryggva, í sambandi við íbúðaverð og annað tengt því. Allt frá árinu 2004 hafði Seðlabanki Íslands varað við verbólu á fasteignamarkaði, taldi hann sig þá þegar á þeim árum sjá topp á hækkunum sem væru þá þegar orðnar of miklar. Síðan var rætt um þennan lið í Íslensku efnahagslífi og um hvað hægt væri að gera til að sporna við vitleysunni á  hverju ári fram að hruni.

Orsakir þessarar verðbólu má að öllu leyti rekja til ágengrar markaðsetningar bankanna. Ódýrt erlent fjármagn og kæruleysi einkendi fasteignamarkaðinn þessi ár og er leiðinlegt ef þú hefur sogast með þar inn í. Jóhanna ber ekki ábyrgð á því umhverfi sem þeir fengu að hafa í kringum sig, lobbyistar bankanna voru að vinna með öðrum tveim flokkum að því umhverfi sem hentaði þeim og engum öðrum.

Svona verðbóla getur ekki annað en sprungið eins og raunin nú er á Íslandi sem og öðrum löndum, en þetta bygðist upp á árunum 2005-2007 og eiga þeir það sem það eiga. Á þessum tímapunkti 2007 og var sá tímapunktur líklega kominn 2006 þá varð fáu bjargað hér á landi bankarnir voru ekki með fjármögnun nema til fárra mánaða jafnvel eins og kemur fram í bók Styrmis, það var panik fundur heima hjá Davíð 2006 vegna stöðu bankanna og væntanlegu hruni.

Það varð síðan eins og oft vill fara að í hræðslu við hrun þá þorði enginn hvorki seðlabanki, FME eða ríkistjórnir að gera neitt vegna þeirra afleiðinga sem slíkt kynni að hafa á trúverðuleika markaðarins heilaga. Það var vegna þess sem hlutir fóru eins og þeir fóru hvert örþrifaráðið eftir annað sem toppaðist með Icesave.