Enn ein nefndin?

Þriðja bloggið hjá mér á nokkrum mínútum og þar er ein enn nefndin stofnuð, það verður bara að fara að stöðva þetta spreð. Í máli þessa drengja þarf ekki nefnd, það þarf ákvarðanir strax og framkvæmd ákvarðana, það er um líf að ræða.

Bræðurnir bíða enn eftir lyfjunum

Sparaðu okkur þessa nefnd Katrín, það er að koma ný stjórn.

Endalasut eru til peningar í nýjar og nýjar nefndir og nú á að stofna nefnd til þess að koma með breytingar á eigin verkum, þvílík fásinna.
Það er að koma ný stjórn í þessu landi og alveg lágmark að fráfarandi stjórn spari þá fáu aura sem er að fá úr ríkiskassanum eins og staðan er í dag.
Það mætti tildæmis nota þessa nefndarpeninga í að gera við nokkra glugga í Landsspítalanum.

Katrín vill endurskoða skattkerfið

Svik ofan á svik, verður mikil blessun þegar þessi stjórn hrökklast frá.

Það er með ólíkindum að svona leiðréttingar á kjörum öryrkja skuli vera svikin og það á kosningar ári og ráðlegg ég öllum landsmönnum að hleypa nýjum mönnum að við stjórn þessa lands, nú höfum við prófað það alversta sem er kallað norræn velferðastjórn hvað sem það eiginlega þýðir. Við megum ekki heldur gleyma því sem var þar á undan og þar á undan, það var líka slæmt.
Kjósum ný framboð, við höfum engu að tapa.

ASÍ mótmælir kjaraskerðingu

Hagvöxturinn byggist á skuldasöfnun.

Þetta er þróun sem allir ættu að vita um nema kannski ríkisstjórnin því hún virðist bara trúa því að hér sé bullandi uppgangur og hagvötur með ágætum. Hagvöxturinn er til komin vegna umframeyðslu og skuldasöfnunar enda getur ekki annað verið ef meðaltekjumaður tekur saman útgjöldin sín fyrir síðasta ár og árið í ár þá ætti hann að komast að því að allt hefur hækkað langt fram yfir launahækkanir, hjá mér eru þetta í kring 15% útgjaldaaukning, allt hefur hækkað,vextir, hiti, rafmagn, matvara og allt annað sem verslað er í matvörubúðinni, tryggingar, bensín (rokkar til og frá en er rándýrt),áfengi o.s.f.v.
Hvernig á þetta að geta gengið upp???????

Ég vil mróttækar breytingar á hagstjórn landsins og hef ákveðið að nota atkvæði mitt og kjósa Hægri Græna sem er með góða og vel útfærða stefnuskrá, ég hef engu að tapa og vona bara að Íslendingar gefi nú nýju fólki möguleika á að breyta áherslum í þessu staðnaða fjórflokka rugli.

Íslendingar eyða um efni fram

Eigum við eftir að sjá 10% verðbólgu í lok janúar?? það er stefna VG.

Að mínu mati er um algjört hneyksli að ræða að breyta þessari byggingarreglugerð og ekki er það sem við þurftum að sjá hækkandi byggingarverð.
Ef allar álögur verða að veruleika sem VG fólk leggur til að verði framkvæmdar um áramót, þessi sami pakki, áfengi, tóbak,olíugjald o.s.f.v. þá erum við einfaldlega að sjá verðbólgutölur hækka mjör ört og kæmi mér ekki á óvart að sjá tveggja stafa tölu innan þriggja mánaða. Síðan í kjölfarið þá hækka stýrivextir, sama gamla rútínan.
Þetta er ekkert svartsýnishjal heldur bara reynslan hefur sýnt þetta og það hefur ekkert breyst í samsetningu blessaðrar vísitölunnar sem tröllríður okkur hvern dag ársins.

Hvað ertu að gera Svandís?

Jóhanna lærði ekkert öll þessi ár þingi. Ég mun kjósa breytingar, Hægri græna.

Ég fór bara að hugsa um hvað maður er búin að eyða mörgum greiddum atkvæðum við kosningar í ekki neitt, búin að kjósa þrjá af fjórflokka dæminu en ekkert breytist.
Þórir N.Kjartansson kemur þarna með sterkan punkt og hvers vegna er ekki búið að leiðrétta þessar herfilegu skerðingar? Það er bara ekki vilji til þess, það er okkar vandamál og kemur því þingmönnum ekki við því þeir eru tryggðir í bak og fyrir með sinn lífeyri.

Nú finnst mér komið að því að fara út fyrir fjórflokkinn og leita nýrra miða og eru Hægri grænir flokkur sem er með nokkuð skýra sýn á stefnumál sín og eru búnir að setja upp aðgerðalista og lausnir.
Það hefur ekkert upp á sig að reyna gömlu leiðina lengur, það mun ekkert breytast ef td Sjálfstæðismenn og Samfylking mynda stjórn, bara sama ruglið áfram, verðtryggingin mun blómstra ásamt verðbólgunni, hátt vaxtastig verður áfram o.s.f.v.
Það er í okkar valdi að ná fram breytingum, kjósum breytingar því við höfum engu að tapa, munið að það engu að tapa, kjósum Hægri græna inn á þing með myndarlegan þingmannafjölda, kynnið ykkur málefnalistann og lausnir flokksins. Ég er ekki flokkstengdur Hægri grænum, eingöngu einstaklingur sem er orðin langþreyttur á lélegri landsstjórn sem er búin að rýja mann inn að skinni nokkrum sinnum með ömulegri efnahagsstjórn.

Til forsætisráðherra

Alþingi er orðin leikskóli, burt með þessa menn strax og ekki framar á þing.

Ég er hneykslaður og hef bara ekki fleyri orð um þennan hálvitaskap þingmanna.

Þingmenn báðust afsökunar

Bjarni bráðfyndin og trúverðugur, eitthvað annað en hinir VG kettirnir.

Bjarni kann svo sannarlega að koma orðunum rétt frá sér og hikar ekki eitt augnablik. Þetta er svo sannarlega rétt hjá honum að Steingrími tókst á tæpum 4 árum að eyðileggja flokkinn sem er orðin róttækur ESB flokkur í dag og hefur svikið öll sín kosningaloforð ásamt því að hafa svikið hinn almenna skuldaborgara sem er í sömu sporum og 2009, það eru bara færri eftir, enda þúsundir búnir að missa heimili sín.
Ég skil samt ekki hvers vegna fleiri hafa ekki sagt skilið við VG en held að það sé valdagræðginni að kenna, halda í stólana og láta helst ekkert gerast í landinu. Þau atkvæði sem þessi flokkur fær í vor verða sárafá en spurning hvort kosningarskrifstofan verði ekki í Kattholti?
Nei ég er ekki sjálfstæðismaður og ekki framsóknarmaður og ekki Sammari né VG maður. Satt að segja hef ég ekki hugmynd um hvað á að kjósa?

Bjarni farinn úr VG

Kemur ekkert á óvart með Íbúðarlánasjóð, en er ríkisstjórnin úrræðalaus??? Og Árni Páll vill húsbréfakerfi???

Það er svo merkilegt með þetta mál með Íbúðarlánasjóð, eins og þetta sé eitthvað sem er að koma upp á núna, ég hef vitað í langan tíma sem óbreyttur borgari að sjóðurinn stæði illa og mun verr heldur en fram er haldið.
Það eiga eftir að koma fram kröfur um gríðarlegar afskriftir skulda, bæði einstaklinga og allra búsetufélaga á landinu til þess að þetta gangi allt saman upp.
Ef til þess kemur ekki þá erum við bara í djúpum skítapitt og munum sjá fólksflóttann aukast mjög hratt er hann nú nægur fyrir. Því vil ég að það verði öllu hleypt upp á borðið og allur pakkinn skoðaður í einni heild og þá kæmi mér ekkert á óvart að við værum að tala um 50 til 60 milljarða sem til þarf til þess að leysa vandamál sjóðsins og er þá ekki skoðunarvert að stofna nýjan sjóð á öðrum forsendum og láta þennan núverandi fara á hausinn, ég bara spyr? Núverandi sjóður er ekki samkeppnisfær á markaðnum, fólk hefur lokað á verðtryggð lán, loksins.

Ég horfði á Silfur Egils á sunnudaginn og varð mjög hissa er Árni Páll talaði um að við þyrftum að taka upp á ný húsbréfakerfi að talaði um að kerfi Jóhönnu hér áður fyrr hefði verið gott, húsbréfakerfi Jóhönnu var skaðræðiskerfi sem fór mjög illa með þjóðina enda voru á tímabili um 25% afföll í því kerfi, Sem dæmi sem ég þekki þá fékk vinur minn greiðsluerfiðleikalán á þessum tíma upp á 2.000.000 kr og fékk útborgað 1.500.000 sem gengu upp í skuldir en skuldaði 500.000 kr meira á eftir, þvílíkt rugl og fór sem fór og var þetta annað kerfið sem hrundi í höndum Jóhönnu, ég sjálfur lenti í því fyrra með lánsloforð frá Húsnæðislánastofnun er ég keypti ódýra íbúð en var skuldlaus að öðru leiti en þá fraus þáverandi kerfið og eftir tvö ár án láns seldi ég og gekk út með 3.200.000 í skuld.
Já Árni Páll, endilega komdu með eitthvað svona aftur. Menn sem tala um að þurfi að breyta stjórnmálum á Íslandi þurfa þá að standa undir því en ekki tala um að taka upp eitthvað sem búið er að reyna áður með hörmulegum afleiðingum. Nú er bara að sjá hvaða sjónarútspil ríkisstjónin kemur með í dag varðandi Íbúðarlánasjóð.

Lokað fyrir viðskipti með íbúðabréf

Hvað á eftir að afskrifa margra milljarða vegna búseturéttarfélaga í landinu???

Mér sýnist nú þessi frétt snúast um smá upphæðir miðað við það sem framundan er.Ég er að reyna fá upp á yfirborðið hvað margra milljarða þarf að afskrifa af búseturéttarfélögum á næstunni? Ég heyri að flest þessi félög séu nánast órekstrarhæf vegna hækkunar höfuðstóls verðtryggðra lána. því það verður að hafa í huga að leiguverð er ekki hægt að hækka jafnt og þétt til þess að mæta verðbótaréttinum en nú þegar eru margar íbúðir í þessum félögum með allt of háa leigu, allt upp í 170.000 leiga á 4 herbergja íbúð sem segir mér að verðtryggingin er að eyðileggja þessi félög og þá eru fjöldi íslenskra fjölskyldna í vondum málum.
Ég er hlyntur búsetaréttarkerfi en er að verða ansi hræddur um hvert stefnir og grunar mig að innan Íbúðarlánasjóð og alþingis sé verið að þagga niður þá miklu fjármuni sem þarf að afskrifa til þess að halda lífi í þessum félögum, ég giska á að við séum að tala um ca 20 milljarða sem ríkissjóður þarf að skutla inn í sjóðinn bara vegna þessa máls.
Það er rætt að það þurfi nú þegar að setja 14 til 20 milljarða í sjóðinn og svo kemur þetta til viðbótar, er ekki komin tími á eitt allsherjar uppgjör á verðtryggðum skuldum landsmanna?

Myndu tapa 600 milljörðum króna