Allir landsmenn vita að krónan er ónýt, ekkert nýtt í þeim efnum. Kjósum nýtt fólk til valda.

Ár eftir ár eftir ár er verið að ræða sama vandamálið, blessuðu handónýtu krónuna og stjórnmálaöflin sem vilja geta fellt hana  eftir sínu höfði vilja endilega geta gert það áfram og boðið almenningi upp á 10 ára hrun í landinu. Þessi umræða er orðin hundleiðinleg og komin tími til aðgerða, við erum með allt of háa vexti, við erum með gjaldeyrishöft og við erum með of háa verðbólgu sem á bara eftir að hækka miðað við hvað krónan fellur jafnt og þétt, ofan á þetta allt erum við með verðtryggingu.

Það verður að stöðva þessa áratuga stöðnun og til þess er aðeins ein leið, og nú er tækifærið, kjósa nýtt afl með nýjar leiðir og virðast Hægri grænir með lausn á þessum vandamálum og ættu því að komast til valda í þessu landi, við höfum engu að tapa að gefa nýju fólki möguleika á að snúa til betri vegar. Tökum okkur öll saman og kjósum XG til valda og sjáum hvort það verður okkur ekki til heilla. Það er búið að reyna allt hitt í áratugi, án árangurs.

Már sér ekki fram á fljótandi krónu aftur

Endalausar undirritanir á Húsavík en ekkert gerist.

Maður les reglulega að það sé alltaf eitthvað í farvatninu varðandi framkvæmdir á Húsavík en það virðist ekkert verða neitt af neinu nema það er undirritað eitthvað á ný.

Er ekki komin tími á framkvæmdir? 

Samkomulag um kísilver á Bakka

Næsta hrun 2016? Heiðar Már örugglega nærri því en það brýtur regluna.

Ég er sammála Heiðari að það styttist í næsta hrun en ef við förum eftir reglunni þá verður það 2018 eftir minni reynslu en þrisvar hef ég lent í eignaupptöku eins og það heitir en það hefur verið nánast reglan að 10 ára líði á milli. Minnistæðast er er þegar við hjónin skulduðum ekki neitt og áttum peninga sem við settum í íbúðarkaup og þá var Jóhanna yfir húsnæðislánakerfinu og það hrundi og við fengum aldrei húsnæðislánið. Eftir að hafa rekið okkur á bankalánum í 2 ár gáfumst við upp og seldum og gengum út með 3 milljónir í skuld. En við fengum ávísun frá ríkinu upp á heilar 135 krónur sem misgengisbætur???  Þetta var svona reglulega og er enn.

Nú eru loksins og renna upp nýjir tímar og manni gefst tækifæri að kjósa flokk sem þorir að fara í breytingar á stjórn landsins og fara nýjar leiðir eins og að blokka hrægammasjóðina af út í horni og losa þar með um gjaldeyrishöftin með tilkomu ríkisdals sem verður tengdur dollar. Mörg mál sem þrefað er um á alþingu árum saman en ekkert gerist. Ekkert hik íslendingar, kjósum XG Hægri græna flokk fólksins. Kynntu þér góða stefnuskrá Hægri grænna á heimasíðu þeirra.

Heiðar Már sér fyrir nýtt hrun 2016

Stefnir allt í stóran harmleik á Landspítalanum? Byggjum stærra???

Þetta er orðið grafalvarlegt ástand á Landspítalanum sem er orðin hálftómur vegna samdráttar á sama tíma og verið er að fara í byggingaframkvæmdir á spítala sem við höfum alls ekki efni á að fara í. Þessi ríkisstjórn sem er hér að störfum verður að segja af sér strax áður en einhverjir fleiri harmleikir verða af völdum hennar, vegna þess forgangsröðunar sem hún hefur unnið eftir. Það er nóg að skilja heimilin og atvinnulífið eftir í rúst, nú er nóg komið og mannlegi þátturinn verður að komst fram fyrir allt annað. Stjórnina frá og mynda neyðarstjórn fram að kosningum. ESB getur beðið í nokkur ár, stjórnlagabreytingar mega líka bíða svo ég tali ekki um að breyta fisveiðikerfinu á meðan allt er eins og það er, öll þessi mál verða að bíða, engin blæðir fyrir það.

Vísa verður bráðveiku fólki burt

Verður að bæta kjör í gegn um skattakerfið, annars er það óðaverðbólga.

Sagan á að vera búin að kenna okkur að beinar launahækkanir á sama tíma og verðbólga er of há þýðir bara hækkandi verðbólgu, kaupmætti verður að skila til baka í gegn um skattakerfið. Annað er óðs manns æði. 

Ábyrgðin er stjórnvalda

Staða evrunnar ógnar ESB, Hélt að hún ætti að bjarga Íslendingum :)

Enn einu sinni er maður að sjá veika stöðu evrunnar og þá áhættu sem íslendingar myndu taka með því að ganga í ESB og fórna sjálfstæði okkar til þess að taka upp aðra krónu sem heitir evra.

Förum nú að snúa okkur að alvörunni, hættum  þessu ESB rugli og tökum upp annan gjaldmiðil td dollar og byggjum þjóðina upp á nýjan leik. 

Hátt gengi evrunnar ógnar ESB

Þá er bara að skella sér í leiðréttingu skulda úr því við unnum Icesave málið.

Þar sem stjórnvöld voru búin að undirbúa sig undir að tapa Icesave málinu þá hljóta að vera til reyðu um 300 milljarðar úr þrotabúi Landsbankans og er þá ekki réttast að leiðrétta skuldir landsmanna um þá upphæð, var ekki talað um að 20% almenn leiðrétting kostaði 200 milljarða?
Það var almenningur sem vann þetta mál með aðstoð fagaðila sem skipulögðu málið algjör ósigur sitjandi minnihlutastjórnar sem hefur hraunað yfir almenning undanfarin ár að mínu mati.

„Stórkostlegur sigur fyrir okkur“

Rétt manneskja á réttum stað.

Þarna er rétt manneskja á réttum stað sem getur örugglega unnið með næstu ríkisstjórn, fagmennskan uppmáluð og átti aldrei að hætta sem ráðherra en pólítíkin var tekin framyfir fagmennskuna.

Samráðsvettvangur eftir skýrslu McKinsey

Stefnuskrá Hægri grænna mjög athyglisverð, eru stóru breytingarnar sem við þurfum framundan???

Þar sem ég er búin að fá nóg af þeirri stöðnuðu ómarkvissu hagstjórn sem verið hefur hér á landi allavega síðustu 40 ár, hef ég verið að kynna mér nýju framboðin sem fram hafa komið.
Stefnuskrá Hægri grænna er mjög athyglisverð og mjög vel unnin og rökstudd með góðum greinagerðum, ég hvet fólk að kynna sér stefnumálin á heimasíðu Hægri grænna og sjá hvort þar er ekki eitthvað sem fólk er tilbúið að leggja lið með því að kjósa þennan flokk í næstu kosningum.
Við íslendingar megum ekki sitja aðgerðalausir og kjósa bara til að kjósa og hleypa kannski fjórflokkunum að á nýjan leik og fólk verður að átta sig á því ef fjórflokkarnir komast að, þá mun ekkert breytast.
Það verður áfram ónýtur gjaldmiðill rekinn hér og hann felldur eftir óskum stjórnmálamanna, það verður há verðbólga, háir vextir og næsta hrun verður 2018 samkvæmt reglunni, því hér verður eignaupptaka á 10 ára fresti og hefur maður sjálfur heldur betur fengið að finna fyrir því og það fer nánast allt lífið í að greiða upp skuldir eftir þessar eignaupptökur. Athugið að nú þegar er að myndast eignabóla sem er góður grunnur fyrir næsta hrun, hérna verður hátt verðlag áfram og gjaldeyrishöft.Ekkert verður gert til þess að leiðrétta stökkbreittu lánin og þannig má lengi telja. Við höfum akkúrat ekkert að gera í ESB, við þurfum annan gjaldmiðil og þar er lausnin á mörgun tengdum vandamálum, við þurfum ekki endilega Evru, getum vel notast við tengingu við dollarann enda eru viðskipti og okkar og skuldir mestmegnis í dollurum.
Viljum við Íslendingar sama stappið áfram, svikin kosningarloforð o.s.f.v.??? Nei við viljum þetta ekki og þess vegna verðum við að hleypa að nýju fólki hér við stjórn og þá verða breytingar. Við höfum engu að tapa.
Ég bíð spenntur eftir því að sjá þann hulduher af góðu fólki sem mun bjóða sig fram fyrir hönd Hægri grænna og ég óska þeim flokki alls hins besta í framtíðinni. Þarna er komin sá miðjuflokkur sem við höfum verið að bíða eftir og nýtum nú tækifærið. Ég vil nýja framtíð og set X við G.
ps. Ekki væri verra ef Jón Daníelsson hagfræðingur væri flokknum innan handa sem ráðgjafi því hann er ótrúlega séður og glöggur maður.

Katrín Jakobsdóttir ætlaði að banna læstar útsendingar á landsleikjum með einfaldri norrænni lagasetningu, hvar er hún.

Ég man eftir sjónvarpsviðtali við Katrínu Jakobsdóttur þar sem var verið að ræða þetta vandamál hvers vegna landsmenn fái ekki að sitja við sama borð og sjá landsleiki í opinni útsendingu. Þar talaði hún um að eitthvert norðurlandanna eða öll (ekki viss um það) væri með einfalda lagasetningu á að það sé bannað að afrugla landsleiki og ætlaði hún að beita sér fyrir því en það er eins og með annað, svikin loforð. Gaman væri að sjá þetta viðtal aftur en ekki veit ég hvernig maður finnur það???