Sameina á alla lífeyrissjóði í landinu til þess að bjarga eignum okkar.

Það er bara ein leið til þess að verja fjármagn landsmanna sem liggur í lífeyrissjóðunum. Það kostar offjár að reka allar þessar stofnanir og því kjörið að spara gríðarlega fjármuni með því að sameina allt heila klabbið í einn sjóð.

Ríkið standi við skuldbindingar sínar

Hvað margir hafa dottið út af atvinnuleysisskrá vegna brottflottnings úr landi??

Þessar tölur um atvinnuleysi eru ekki marktækar nema tekið sé fram hvers vegna atvinnuleysi er minna en verið hefur. Það ganga sögur um að margar fjölskyldur flytji af landi brott í hverjum mánuði og detta því af atvinnuleysisskrá og þetta verður því að vera á hreinu hvort fækkunin á skránni er vegna þessa og að hvað miklu leiti. Ef það er ekki verið að skapa ný störf þá er ekkert að marka þessar tölur til hins betra. Það er nokkuð mikið um uppsagnir í landinu þessa mánuðina og því finnst mér þessar upplýsingar skjóta skökku við??

Atvinnuleysi í maí 5,6%

Loksins mætti fólk á Austurvöll, koma ríkisstjórninni frá í leiðinni.

Nú er tækifærið þar sem fjöldi fólks er samankomið á Austurvelli og koma ríkisstjórninni frá völdum strax í dag.

Mun draga máttinn úr útveginum

Forsetamálin eru í mjög góðu standi á Íslandi og ekki breytinga þörf.

Það er einfaldlega mín skoðun að forseti Íslands Ólafur Ragnar Grímsson hafi staðið sig óaðfinnanlega í embætti og að kjósa einhver annan óðs manns æði.
Þóra var mjög tvístígandi í kappræðunum á Stöð 2 hvort óvissuástand væri á Íslandi eða ekki.
Ég er 51 árs gamall og hef aldrei upplifað eins mikla óvissu á landinu eins og í dag. Óvissan er jafnvel það mikil að þjóðarhagur er í húfi og má þar nefna sem dæmi. ESB spreðið, rammaáætlun og kvótafrumvörpin allt eru þetta mál sem hafa skapað mikla togstreitu og óvissu hjá þjóðinni.
Við þessar aðstæður er því nauðsynlegt að hafa forseta sem hefur reynslu og er með bein í nefinu til þess að grípa inn í ef illa er að fara.
Þóra er virkilega góð sjónvarpskona og trúlega fremst á sínu sviði þar á bæ og snýr vonanandi aftur til fyrri starfa.

Kjósum Ólaf Ragnar Grímsson.

Hlutverkið stórt, bein völd lítil

Hvernig verður vöruskiptajöfnuður eftir að sjávarafurðir lækka í kjölfar frumvarpa.

Þetta er ömuleg niðurstaða að afgangurinn skuli vera einungis 200 miljónir í maí og á sama tíma á að leggja fram frumvörp sem munu alveg örugglega lækka verð sjávarafurða verulega og tímabært að fólk horfi blákalt á það mun gerast. Markaðurinn sem unnist hefur erlendis í sölu sjávarafurða er árangur síðustu áratuga og er þeir aðilar sem hafa náð þessum markaði verða fyrir skerðingum vegna þess að einhverjir reynslulausir menn þurfa að komast í veiðar þá munu þessir markaðir hrynja og hvar stöndum við þá?
Það er ekki nóg að tala um skattlagningu greinarinnar, það þarf að gera sér grein fyrir hvað liggur á bakvið of mikla skattlagningu. Kannski Steingrímur læri eitthvað á fundinum hjá Brim í hádeginu, það er ekki seinna vænna.
Það þýðir ekkert að skrifa einhvern óhróður á mig vegna minna skoðana, ég hef ekki mígið í saltan sjó né unnið við fisk en ég kann að lesa og fylgjast með sjávarútvegi og hef gert í langan tíma.

Vöruskiptin hagstæð um 200 milljónir

Fornleifafræðingar í sömu súpu og útgerðamenn, dæmigerð vinnubrögð ríkisstjórnar.

Það er nánast sama hvar stigið er niður, ríkisstjórn Íslands vinnur ávallt á móti almennum borgurum og er alveg sama hvort er verið að tala um frumvarp um menningarminjar, frumvarp um að kollsteypa sjávaútvegi, ESB kaftæðið og skuldaleiðréttingar, svona er hægt að halda lengi áfram.
Það er sama hvað hver segir að það er tjón fyrir þjóðina að hafa þetta fólk við stjórn hér á landi, þetta er bara spurning um hvort þeim tekst að fullkomna tjónið og skilja svo eftir sig sviðna jörð.
Þar sem þetta fólk virðist ekki geta talað við fagfólk og kynnt sér rekstur þeirra greina sem á að ofurskattleggja þá veit það ekki hvaða afleiðingar þetta getur haft.

Fornleifafræðingar gagnrýna frumvarp

Nú blasir nýtt hrun við okkur, kæru landar.

Það er ljóst að ríkisstjórnin ætlar að troða í gegn kvótafrumvörpunum með alls kyns mútum og lýgi sma hvað það kostar.
En við sem þjóð verðum að bæða fyrir hrun í sjávarútvegi og það mun koma illa við okkur öll.

Nýjar áherslur í atvinnumálum

Samantekt á góðum verkum vinstri stjórnarinnar.

Æ,æ mér dettur bara ekkert í hug.

Hárrétt að mínu mati, fólk þarf að kynna sér málið áður en það dæmir.

Það er með ólíkindum þessi málflutningur fólks sem virðist bara hafa það eitt að markmiði að yfirskattleggja sjávarútveginn, það er hreinlega ömurlegt að lesa svona ómálenfnaleg skrif.
Ég er ekki og hef aldrei verið í sjávarútvegi en ég hef lesið mikið um sjávarútveg og veit nokkuð um rekstur svo ég get allavega sagt að ég hafi kynnt mér þessi mál svona almennt séð.
Það kostar mikla peninga að smíða skip og þegar um svona fjárfestingar er að ræða þá þarf að fjármagna stóran hlut smíðinnar með lánsfé, þannig er það og þannig verður það sama hvort á á byggja álver, þörungaverksmiðju, kísilverksmiðju, gagnaver eða hvað sem er. Sama hvaðan fjárfestingin kemur þá er það gott fyrir landann að einhver þori að fjárfesta í landi þar sem er engin stjórn er á einu né neinu nema skattahækkunum er afrek út af fyrir sig.
Ég er meðvitaður hvað sjávarútvegur skilar ótrúlega miklum fjárhæðum í ríkiskassann bæði í gegn um tekjuskatt, launaskatta, og kaup á þjónustu og vöru, þá virðisaukaskatti.
Við erum að tala um þá grein sem skilar langmestum fjárhæðum í kassann en samt vilja menn eins og Steingrímur fara umdeilda leið sem engin sátt er um í þjóðfélaginu að setja himinhá gjöld á greinina.
Ég hef þá skoðun að ef þetta frumvarp fer í gegn þá verði það til þess að verð og gæði sjávarafurða muni hrynja þegar hinir og þessir með enga reynslu í faginu verða komnir af stað og leiga sér kvóta og fara svo á hausinn innan skamms tíma og þá erum við komin svona 30 ár aftur í tímann þar sem enginn stöðugleiki verður í sjávarútvegi og tekjur rikissjóðs munu lækka til muna og hver er þá ávinningurinn?
Ef menn vilja þjóðaratkvæðagreiðslu um málið þá er verið að fara ranga leið að mínu mati, þar sem þekking almennings er mjög takmörkuð á þessu sviði og því veit fólk ekkert hvað er verið að kjósa um.
Ég bara skil ekki hvers vegna Steingrímur byrjaði ekki á því að heimsækja þessi fyrirtæki til þess að kynna sér starfssemi þeirra, tekjur, gjöld, hagnað, skuldir, verð afurða og hvaða tekjur ríkissjóður hefur af greininni í dag? o.s.f.v að þessu loknu hefði verið hægt að setja fram frumvarp sem sátt hefði kannski náðst um og greinin gæti starfað áfram við að halda okkur í fremstu röð.

Nýjasta skipið selt úr landi?

Er að myndast nýr skuldahópur óverðtryggðra lána sem lendir kannski illa í því?

Við búum á Íslandi, landinu þar sem aldrei hefur verið stöðugleiki hvað fjármál varðar og því verðum við alltaf að vera viðbúin því að sama hvaða lán við tökum, þau munu hækka. Spurningin er bara hvað hækka þau mikið, hvað hækka vextirnir mikið ef um óverðtryggð lán er að ræða og hvað hækkar verðbólgan ef um verðtryggð lán er að ræða, svona er veruleikinn.
Ég bloggaði nokkuð eftir hrun þess efnis að fólk ætti alls ekki að kaupa eigið húsnæði á landinu fyrr en það er komin peningastefna og vonandi nýr gjaldsmiðill í landinu því annars veit engin hvað gerist næstu mánuði. Nú er Seðlabankinn byrjaður enn á ný að nota þessa ævafornu aðferð að hækka vexti sem verður gert næstu mánuði án þes að það hafi nein áhrif í þjóðfélaginu það þekkjum við íslendingar njög vel. Við búin í stjórnlausu landi og því ber að varast að fara í fjárfestingar.

Óverðtryggð lán næm fyrir vaxtahækkunum