Gaman, gaman, jákvæð frétt

Til hamingju með skrefið Samtök aldraðra.

Já vissulega munar um 110 störf og er bara virkilega ánægjulegt að lesa svona fréttir.

Sitja ekki og bíða með hendur í skauti

Er að styttast í næsta hrun?

Nú snýst þessi frétt um lækkun vaxta sem er auðvitað mikið og stórt hagsmunamál okkar allra og mikil vonbrigði ef væxtir lækka ekki um ca 3% þann 8 apríl næstkomandi. Stærsta vandamálið er að það virðist ekkert þokast áfram að semja við erlenda kröfuhafa um krónubréfin sem eru ástæða þessa hafta og er ég farin að velta því fyrir mér hvort Margeir Pétursson í MP banka hafi ekki rétt fyrir sér varðandi erlenda kröfuhafa, þeir hafa engan áhuga á því að semja við íslendinga um að eignast hér hluti í fjármálastofnunum og er hans trú að að því verði ekki og því krónubréfavandamálið til staðar áfram. Það er því að öllum líkindum gengishrun framundan og vissara fyrir íslendinga að koma erlendum lánum sínum yfir í íslenskar krónur en svo hækka auðvitað hækkuð verðbólga í kjölfar gengishruns vegna hækkandi verðlags.Verður ekki að fara að vinna alvarlega að því að endurskoða vísitöluna og allavega breyta henni til samræmis við hvernig eyðslan er í dag hjá okkur íslendingum allavega þangað til við eigum möguleika á því að losa okkur við verðtrygginguna.

Að lokum, fleira sem frá Margreiri kom í gær í Íslandi í dag en ég var hrifin af mörgu sem hann sagði og þar á meðal, (það þarf engin þjóð að versla við okkur íslendinga) sem er alveg rétt hjá honum. Hann sagði einnig að vöruskiptajöfnuður væri einungis brot af því sem hann þyrfti að vera okkur í hag og því mál númer eitt að skoða allar vörur sem við erum að flytja inn og snúa nýsköpun að því að reyna að framleiða þessar vörur hér á landi, auðvitað er þetta rétt hjá honum og hinir háu stjórnendur þessa lands ættu kannski að fara hugsa málin á þennan veg í stað þeirra vitleysu sem í gangi er á alþingi.

Voru sammála um að lækka vexti um 1 prósentu

Hlæginlegir sjálfstæðismenn

Maður getur ekki annað en brosað út í annað af þessum kjánaskap sem fer fram á alþingi um þessar mundir, Árni farin að syngja á stað þess að vera málefnalegur, Kristján að kvarta undan launum Evu bestu vinkonu flestra íslendinga í dag sem ætlar að fletta ofan af mestu þjófun sögunnar og gæti kannski skilað einhverju í ríkiskassann að lokum o.s.f.v.

Það er greinilega komin uppgjöf í sjallana því þeir sjá ekki möguleika á því að auka fylgið og verða einungis 25% flokkur. Ég er ekki að segja að það sé neitt miklu betra í gangi í dag hjá ríkisstjórn en varðandi þrefið í dag er bara komin tími á að breita 50 ára hefð og breyta stjórnarskrá án samstöðu allra flokka enda engin möguleiki á því með sjálfstæðismönnum eins og staðan er í dag. Það er margt sem hefði mátt breytast fyrr.

Vilja vísa stjórnarskrármáli frá

Það er af sem áður var um blessað sjálfstæðið

Nú er maður alveg orðin steinhissa á hvernig blessaðir sjálfstæðismennirnir láta, vita þeir ekki að það eru kosningar eftir 24 daga og það þarf að sýna festu í góða stjórnarhætti?

Þetta er bara ekki að virka hjá Davíðs mönnum og atkvæðin eru að fjúka burt með þessum ömurlegu vinnubrögðum, að hóta því að tefja lög til þess að styrkja blessuðu krónuna og lækka þar með skuldir fyrirtækja og heimila er auðvitað forskastanlegt og vera með þessi mannalæti varðandi stjórnarskrárbreitinguna er auðvitað bara bull.

Ég held að Bjarni hafi engin tök á sínum mönnum né sjálfum sér en kannski væri betra að hann gæti bara stjórnað sjálfur en ekki baklandið.

Geta setið fram að kosningum

Okkar líf á íslandi, er það sanngjarnt? spáðu í það.

 

Húsnæðiskaup, verðtrygging, sparnaður, vextir, lífeyrissjóðir.

Ágæti lesandi:

Ég er bara venjulegur 48 ára Íslendingur sem hefur upplifað þetta dæmigerða sem fylgir því að búa á þessu landi sem er að mínu mati ágætis land, fallegt með misgóðu veðurfari, góðu kraftmiklu fólki með mikinn metnað á flest öllum sviðum. Ég held að það sé ágætt að lesa svona hugrenningar venjulegs íslendings í stað kreppufrétta og fer ég nú stutta ferð yfir ýmsa þætti þjóðfélagsins sem mætti bæta með nýju íslandi.

Mín uppeldisár voru að mínu mati bara ágæt og ekkert út á þau að setja, það var ekið um á Skoda, maður horfði upp á foreldra sína vinna baki brotnu allan sólarhringinn að koma sér þaki yfir höfuðið á meðan maður var úti að leika sér frá því maður vaknaði og fram á kvöld, samhliða skólanum.

Þetta streð á foreldrunum virtist ganga ótrúlega vel upp með svona miklu eigin vinnuframlagi og engin verðtrygging var á þessum litlu fjármunum sem fengust lánaðir til húsnæðiskaupa eða íbúðabygginga á þessum tíma og brunnu lánin fljótt upp í verðbólgunni og fólk átti bara eignirnar skuldlausar eftir nokkur ár.

Já svona voru þeir tímar en 1980 urðu miklar breytingar á íslandi er kom fram snillingur sem lagði til að verðtrygging yrði lögð á íbúðalán og átti hún að verða til tveggja ára eða svo en nú eru bara allt í einu liðin 28 til 29 ár og viti menn verðtryggingin er enn á íslandi og hún hefur jafnfram sett tugþúsundir íslenskra fjölskyldna og fyrirtækja í gjaldþrot á þessum tíma og nú á þessu ári slær hún nýtt met og setur fleiri íslendinga í gjaldþrot enn nokkru sinni fyrr og vitið hvað, verðtryggingin er líka skattlögð í dag og greiðir fólk 10% skatt af öllum verðbótum sem það fær inn á innlánsreikninga sína, bíddu nú við, er verðtrygging hagnaður, ég hélt að verðtrygging ætti einungis að viðhalda virði peninganna en væru ekki skattskyldar tekjur, það verður því að líta svo á að bankarnir hafa verið að fá inn hagnað af verðtryggingunni, allavega einhvern mismun ef ég skil rétt, allavega eftir skilgreiningu ríkisskattstjóra?

Það tala flestir stjórnmálamenn um að það sé svo svakalega hættulegt að afnema verðtrygginguna þótt aðeins sé vakning um að hún er krabbamein þjóðarinnar.

stopp, það eru flest allar þjóðir heimsins reknar án verðtryggingar og hvers vegna er það ekki hægt á Íslandi?

Það hefur sýnt sig að það var meira en hættulegt að setja verðtrygginguna á, það hefur orðið til þess að allt hrynur hérna á nokkurra ára fresti vegna hennar og óstjórnar í gengismálum.

Ef það tapast einhverjir fjármunir við að afnema verðtrygginguna, hjá lífeyrissjóðum og íbúðalánasjóði eins og menn tala um  þá verður bara að hafa það, nú þegar hafa tapast gríðarlegir fjármunir almennings í lífeyrissjóðum og af verðtryggðum útlánum og þá verður bara að endurskoða lífeyrissjóðskerfið í heild sinni, stokka það upp og koma öllum sjóðum undir einn hatt sem heitir Lífeyrissjóður Íslands sem yrði rekin í einu húsi og annaðist alla umsýslu lífeyrissjóða landsins með þessu myndu sparast miljarðar á ári, séreignasparnað ætti að leggja niður vegna mikils taps á eigu almennings í þeim sjóðum og koma upp nýju örvandi sparnaðarkerfi fyrir landsmenn sem gæti verið eitthvað svipar séreignakerfinu en þeir fjármunir færu inn í ríkissjóð og yrðu nýttir til þess að byggja upp land og þjóð og ríkistryggðir með sanngjörnum vöxtum.

Við verðum að átta okkur á að það eru ekki stjórnendur lífeyrissjóðanna sem eiga fjármuni þeirra, það erum við íslendingar sem höfum greitt okkar peninga þarna inn ásamt vinnuveitendum og það erum við sem gerum kröfu á að þetta kerfi verði stokkað upp strax. 

En burt séð frá lífeyrissjóðasukkinu.

Verðtryggingin er skaðvaldur sem við verðum að losna við strax á þessu ári.

Ef þú ert í íbúðahugleiðingum (Ekki kaupa) ef þú þarft að taka verðtryggt lán.

Það er sama hver segir það er ekki hægt að gera áætlanir til lengri við núverandi aðstæður og hefur reyndar ekki verið hægt frá því 1980. Fólk ætti alls ekki að láta sér detta í hug að kaupa sér húsnæði eins og staðan er í dag, alls ekki kaupa ykkur húsnæði á verðtryggðum lánum án þess að vita hvað er framundan, ef gengismálin klikka endanlega hækkar verðbólga á ný, verðlag á húsnæði getur lækkað mikið á næstunni o.s.f.v. þið skuluð leiga ykkur húsnæði og bíða þar til óverðtryggð íbúðalán verða í boði með vonandi 3 til 5 % vöxtum og helst til 80 eða 90 ára og þá er hægt að gera áætlanir til framtíðar og þá erum við farin að sitja við sama borð og flestar aðrar þjóðir. Hafið þetta hugfast, það er hagstætt að leiga í dag, ég tala af eigin reynslu.

Ég veit að það er ekki gott fyrir markaðinn að hugsa svona en ég vil bara ekki að fólk lendi í þessari stöðu að vera með greiðslubyrgði af lánum svo háa að það er ekki nokkur möguleiki á því að eiga afgang og geta notið lífsins á meðan maður er ofan torfunnar.

Fólk þarf að geta ferðast, stundað tómstundir, íþróttir, fara út að borða, skemmta sér, eiga sparnað þegar þetta óvænta kemur upp á og bara hvað sem er annað en að eyða lífinu í að greiða af skuldum sem gefur manni akkúrat ekkert, þú átt kannski eitthvað í íbúð þegar þú fellur frá eftir að hafa greitt af henni kannski í 45 ár og ef þú reiknar dæmið þá ertu sennilega búin að greiða íbúðina upp 5 til 6 sinnum í verðbótum og vöxtum. Þetta er auðvitað ekkert vit og skilur ósköp lítið eftir sig í lífslok. Þetta getur hugsanlega breyst án verðtryggingar og eðlilegra greiðslubirgðar og lán til lengri tíma, það verður minna eftir í eignum í lokin en það sem situr eftir er trúlega eftirminnilegra líf heldur en greiðslur af skuldum. Það er í höndum stjórnvalda að breyta þessu.

Nú líður að kosningum og ætla ég ekki að reyna að hafa áhrif á hvaða flokk þið kjósið enda hef ég ekki hugmynd um hvað ég á sjálfur að kjósa og hef ég sagt mig úr þeim flokki sem ég hafði trú á en það er mikilvægt að kjósa því öðruvísi fáum við ekki afgerandi niðurstöðu í kosningarnar, þótt skilað sé auðu þá er það betra en kjósa ekki og svo er um að gera að kynna sér nýjar reglur sem eiga að leyfa persónukjör

Það sem skiptir okkur landsmenn mestu máli eru þau atriði sem ég hef verið að skrifa um hér, við eigum að fylgja þeim aðilum sem vilja vinna hörðum höndum að því að losa okkur við verðtrygginguna strax, við þurfum ákveðna aðgerðaáætlun í gengismálum, það þarf uppstokkunaráætlun varðandi lífeyrissjóðina og við þurfum fjölskylduvænt samfélag.

Förum fram á ákveðin svör stjórnmálamann fyrir kosningar til þess að vita hvert stefnir.

Og að lokum það verður að aðstoða fólk úr fjötrum skuldanna og leyfa því að blómstra.

 

Tryggvi Þórarinsson

Íslendingur

 

Nú er það gagnsæið

Já það má segja það að mikil lykt er af þessu máli og alveg óskyljanlegt að þetta mál skuli vera afgreitt í skjóli nætur og nánast reynt að klóra yfir það. Gerum okkur greint fyrir því hvað hefur gerst í landinu að undanförnu, hvað er að koma undan steinunum sem er verið að velta.

Getum við almenningur fengið 2 % vexti á okkar skuldir, já takk þá er málið samþykkt. En það er krafa almennings að rétt sé unnið að svona viðkvæmum málum og að allt sé upp á borðinu og skal þetta mál útskýrt í smáatriðuðum fyrir okkur íslendingum, takk fyrir.

Gagnrýna samninga við fjármálafyrirtæki

Veruleikafyrring ríkisstjórnar

Nú er ég endanlega búin að missa alla trú á að eitthvað verði gert til hjálpar heimilinum yfirleitt og hvaða fjölda eru menn að tala um þarna sem þurfa trúlega á greiðsluaðlögun að halda er þetta fólk með hugann við það sem það á að vera að gera. Á mannamáli þá hefur greiðslubyrgði 3 manna fjölskyldu sem skuldar lítið og er í frekar hagstæðu leiguhúsnæði aukist um gríðarlegar upphæðir og nú er ég að tala um rekstur á bifreið (einkaleiga sem kemur svipað út og að skulda helming í 3.000.000 kr bifreið) innkaup á matvöru og afborganir lána, já þetta eru einungis 3 útgjaldaliðir og hvaða tölu erum við að tala um jú, það eru á milli 550 til 600 þúsund á ári sem útgjaldaaukningin er og það þýðir að fjölskyldan þarf að vinna sér inn 1.000.000 króna til þess að ná því að dekka aukninguna eftir skatta. Þetta dæmi er um  fjölskyldu sem skuldar lítið svo að það þarf ekki að ræða þær þúsundir fjölskyldna sem skulda um það bil 20-25 miljónir í húsnæði í hvaða stöðu þær eru. Nei við hlustum ekki á svona rugl, það eru þúsundir fjölskyldna sem þurfa mjög mikla aðstoð og sumar niðurfellingu hluta skulda og það strax, gjaldþrotin kosta miklu meira ef það er leiðin sem stjórnin er í raun að fara.

Fjöldinn sem þarf greiðsluaðlögun vanmetinn

Ályktun en engin afstaða?

Það er nú bara þannig með sjálfstæðisflokkinn að þessi flokkur getur ekki lengur tekið ákveðna afstöðu til mála sem skipta verulegu máli og má þar nefna tildæmis evrópumál að nýloknum landsfundi þar sem er talað um leiðir sem gætu tafið það mál mjög mikið, við íslendingar sem erum byrjaðir margir hverjir að svelta þurfum bara að fá það á hreint strax hvort þetta er góð leið eða ekki. Það þarf að fara í þetta mál í hvelli og kynna okkur það. Þetta úrræðaleysi flokksins er sama ástandið og eftir hrunið þá var ekki hægt að taka neinar ákvarðanir og því miður þá held ég að þetta verði flokknum ekki til framdráttar að geta ekki komið með afdráttalausar skoðanir og stefnu, rökstutt mál sitt og framkvæmt. Ég vil koma þeirri skoðun minni á framfæri að ég tel að það hefði verið flokknum til góða að fá Kristján sem formann en 58% kosningin á Bjarna er ekki afdráttarlaus stuðningur.

Og að lokum þá verður flokkurinn að fara að loka á Davíð Oddsson og hætta þessu endalausi klappi fyrir manni sem gerir flokknum ekkert nema slæmt, hann ætti að líta í eigin barm áður en hann reynir að eyðlileggja mannorð annarra.<:AtomicElement> 

Málamiðlun um Evrópumál