Því miður allt og seint.

Já það er dálítið seint að ná verðbólgunni niður þegar búið að er setja þúsundir fyrirtækja og fjölskyldna í þrot þetta er búið að vera okkur dýrt og allir stjórnendur landsins hafa brugðist okkur.

Verðbólga í 2,5 prósent 2010

Pakkið niður og komið ykkur heim.

Ég held að það sé bara tímabært að þetta fólk sem átti að koma þjóðinni til hjálpar í þrengingunum pakki saman sínu hafurtaski og komi sér heim, því hefur mistekist og því ekkert með það að gera þarna lengur.

Og nú þurfum við að hlusta á þetta sama fólk lofa eða lofa engu um framtíð okkar og við eigum að setja X við eitthvað af þessu, hvernig í ósköpum á að taka afstöðu til einhvers flokks í þessum skrípaleik.

Stjórnarskráin ekki á dagskrá

Því miður, heimska ríkisstjórnar

Bubbi hefur svo sannarlega rétt fyrir sér og kom skýrt fram í sjónvarpinu í gær frá Katrínu Jakobsdóttur að hækkun skatta og lækkun launa sé framundan eins og það sé einhver leið. Hvenær í ósköpun ætlar þetta fólk á Alþingi að læra að reikna og koma með aðrar leiðir en þær sem farnar hafa verið hér undanfarin 50 ár með ömurlegum árangri.

Tökum dæmi sem nýjar leiðir en athugum að aðstæður fólks eru svo mismunandi að ekki er mögulegt að grein sér grein fyrir hver áhrifin yrðu en þau yrðu sjánleg og það er málið.

Ef fjölskylda er með lán sem yrði afskrifað um 2.000.000 króna, þessi sama fjölskylda er komin í greiðslujöfnun og er þar sem komin í þá stöðu að ráða við að greiða af lánum sínum og til viðbótar hafa skuldirnar lækkað um 2 miljónir, þessari fjölskyldu er örlítið létt þótt ástandið verði erfitt eitthvað áfram en henni er létt og leyfir sér kannski aðeins meira en annars hefði orðið. Svona væri hægt að ná til þúsundir fjölskyldna með einni aðgerð og hver yrðu áhrifin, jú þeir peningar sem voru notaðir í að afskrifa skuldir fara að skila sér í ríkiskassann með aukinni neyslu og aukinni atvinnu sem fylgir að sjálfsögðu í kjölfarið því aukin neysla kallar strax á aukinn starfsmannafjölda. Er ekki verið að tala um að búa til störf, þarna er tækifæri að búa til mjög mikið af störfum á mjög stuttum tíma, það er nefnilega ekki tapað fé að afskrifa hluta skulda fólks og síðan á eftir að reikna út miljarðasparnað sem myndast vegna þess að fólk heldur frekar íbúðum sínum í stað þess að Íbúðalánasjóður muni eiga um 1.000 íbúðir í sumarlok (munið þennan fjölda í haust) eftir þrot fólks. Ég hef áður talað fyrir þessu á bloggi mínu því þetta er mér hjartans mál að eitthvað sjánlegt verði að gert hér í landi. Ef það hefur farið fram hjá ríkisstjórninni okkar þá er krónan ekki sjáanleg lengur, komin langleiðina á botninn og verður lent á botninum eftir 20 prósent lækkun til viðbótar og þar verðum við trúlega með hana í langan tíma eða þar til við tökum upp annan gjaldmiðil, það er mín skoðun en þessu fylgja mikil tækifæri og þau verður að nýta úr því komið er. Við þurfum að fylla landið af erlendum ferðamönnum og selja þeim allt sem hægt er að selja þeim og við þurfum að koma af stað framleiðslu á ýmsum vörum sem við erum að flytja inn í dag og spara gjaldeyri og þarna getur ríkisstjórnin komið til aðstoðar.

Að lokum, við berjum þetta ástand af okkur fljótt og vel.

Bubbi er sleginn

Lyklarnir á borðið, atvinnutækifæri og fl.

Samkvæmt ákvörðunum stjórnvalda er búið að ákveða að fara svokallaða gjaldþrotaleið heimilanna með tilheyrandi áföllum fyrir þjóðarbúið en gott fólk við höfum því miður ekkert um þetta að segja og ekkert að gera annað en að skila inn lyklunum til félags og viðskiptaráðherra og biðja um sanngjarnan húsaleigusamning svo ekki þurfi að flytja. Það verður því miður bara að taka hlutunum eins og þeir eru og í þetta skiptið er ekki um efnahagslægð að ræða heldur stórkreppu sem stjórnvöld kunna ekki að bregðast við. Það að skila inn lyklunum er ekki eins auðvelt hér á landi og tildæmis í bandaríkjunum þar sem fólk var bara laust allra mála og laust við lánið ef ég hef skilið fréttir þaðan rétt. Þar sem ekki á að koma til móts við okkur fjölskyldufólk og veita raunverulega aðstoð er að skila inn lyklunum eina ráðið og þótt því fylgi allskonar óþægindi lögfræðilega séð, þá held ég að það sé mun skárri leið heldur en að vera að nota hvern aur í afborganir af eign sem er hvort eð er töpuð það er eins og að henda aurunum út í ruslatunnu. Þetta er það sem gerist á næstu vikum og mánuðum en stjórnvöld munu átta sig á þessu þegar það er orðið of seint eins og ávallt og ríkið mun allt í einu standa með þúsundir íbúða í höndunum og allt fer til, já ég veit eiginlega ekki hvert.

Þökk sé síðustu og núverandi ríksstjórn.

 Eitt besta blaðaviðtal sem ég hef lesið í gegn um árin er viðtalið við Sigurð Gísla Pálmason í síðasta laugardagsblaði Fréttablaðsins, þetta er bara alveg nákvæmlega það sem hefur gerst hjá okkur sem fram kemur í þessu viðtali, orkan á útsölu, einræðisherrann í á íslandi var allt of mikill hagvöxtur, Landsvirkjun stendur mjög illa o.s.f.v. frábær lesning fyrir alla. Eftir þessa lesningu fór ég að hugsa út í atvinnuuppbyggingu á íslandi og þá dettur manni í hug atvinnustefna flokkanna eins og við viljum skapa 20.000 störf, við viljum búa til 6.000 störf, byggjum upp nýja atvinnustarfssemi og þannig bull sem skiptir okkur engu máli, ég vil tildæmis sjálfur búa til 25.000 ný störf í nýjum atvinnugreinum sem menga ekkert og nota nánast enga raforku en ég kemst ekkert áfram með það markmið nema að vinna markvissa áætlun á því hvernig störf á að skapa, hvað kostar það, hvað tekur það langan tíma, þetta er það sem vantar hjá öllum flokkum í dag að útlista nákvæmlega hver stefnann er og hvernig á að fylgja henni eftir. Ein tillaga sem þyrfti að útfæra, er skynsamlegt að fara strax í að kanna hvort það er hagkvæmt fyrir íslendinga að framleiða rafmagnsbíla og nota ál til þess að framleiða þá, sumir halda því fram að þetta sé gríðalega hagkvæmt fyrir íslendinga þegar búið er að reikna dæmið til enda, lítill innflutningur, mikið af vinnuafli þarf til, innlendur orkugjafi, útflutningsmöguleikar, er þetta ekki eitthvað til að skoða, nýjar leiðir.

Við kjósendur þurfum vandaðar og rökstuddar stefnuskrár sem geta gengið upp og þá getum kannski ákveðið hvað við viljum kjósa eins og ég hef áður komið inn á er mér persónulega alveg sama hvaða flokkur er við stjórn svo framarlega að hann vinni að uppbyggingu þjóðar okkar og skapi fólkinu viðunandi framfærslu með sanngjörnum húsnæðiskostnaði, sanngjörnu vöruverði, sanngjörnun vaxtakostnaði og fjölbreyttu og skapandi atvinnulífi en fyrsta skref er losa um hjá fólki til þess að það geti farið að kaupa þjónustu á nýjan leik, við það eitt skapast hundruðir starfa strax og peningar fara að streyma í ríkiskassann í formi launaskatta og virðisaukaskatts. Þessi þjóð á góða tíma framundan ef rétt er haldið á spilinum.  

Heimilin eiga að borga allan pakkann, ný afskriftarleið.

Já það er ekki undarlegt að fólk sé orðið sárt og svekkt eftir að hafa horft upp á blessuðu stjórnmálamennina okkar lofa öllu fögru að mikið verði gert til þess að bjarga heimilunum en svo verður niðurstaðan sú að heimilin eigi að greiða allan pakkann að fullu en á lengri tíma.

Það eru að koma kosningar og við almenningur búin að fá hverja vatnsgusuna á eftir annari í andlitið og því er það í okkar hendi að kasta einhverju af vatninu til baka í andlit þeirra stjórnmálamanna sem geta ekki komið með ákveðnar afskriftarleiðir sem kosningarloforð númer eitt, kjósum þá ekki, það skiptir okkur engu máli hvað flokkurinn heitir sem loforðið gefur það sem þarf eru lausnir ekki vinstri eða hægri eitthvað, bara leiðir. Allir vita að gjaldþrotaleiðin sem er verið að fara verður þjóðfélaginu rosalega dýr en það má kannski segja að það verður mjög ódýrt að leiga húsnæði þar sem bankarnir og íbúðalánasjóður mun sitja uppi með þúsundir eigna sem verða á leigumarkaði og framboð því mjög mikið. Ég sá að Íbúðalánasjóður á nú fjórfalt fleiri eignir en á sama tíma fyrir ári.

Ég er bara mjög ánægður með Hagsmunasamtök heimilanna og að þau skuli vera að beita sér og nú er bara að beita stjórmálamönnum miklum þrýstingi að koma fram með leiðir fyrir kosningar því eftir kosningar skiptum við engu máli lengur.

Ég ræddi afskriftarmál við mæta mann í morgun og hafði hann þá hugmynd að afskrifa ætti 2.000.000 kr á línuna og sjá svo til hverju það skilar og þá stendur eftir hópur sem þarf einhverja frekari aðstoð en ef það fólk missir íbúðir sínar að þá verði gerður leigusamningur við það um áframhaldandi búsetu og að leigan verði á gangverði þess tíma og að hún muni fylgja launahækkunum en ekki bullvísitölum sem alla eru að setja á hausinn, er þetta ekki skoðandi leið?

Málsókn til varnar heimilum

Turninn á eftir að falla

Það er nánast með ólíkundum að fólk skuli sýna það í könnunum að það munu kjósa vinstri græna sem er með atvinnustefnu sem skapar atvinnu eftir nokkur ár en málið er að okkur vantar mikið að atvinnu strax og þar með stóriðju og að láta sér detta í hug að reyna að stöðva Helgurvíkurframkvæmdina sem er komin af stað er auðvitað móðgandi fyrir landsmenn, þessi flokkur er einfaldlega og lokaður fyrir íslendinga, að rækta gúrkur dugar ekki, það þarf stórátak og skapa mikið að störfum á stuttum tíma.

Þessi flokkur á ekki að vera nema 15% flokkur á landsvísu er hef ég grun um að það verði reyndin eftir kosningar.

Ekki tveir turnar heldur þrír

Gjaldþrotin koma þó.

Já það má segja það að ekkert á að gera fyrir almenning nema að seinka gjaldþrotunum. Greiðslujöfnun er engin leið úr þessum ógöngum með gengislánin, staðan er svo alvarleg hjá þúsundum fjölskyldna að því verður vart lýst á prentuðu máli.

Við skulum athuga að gengið á eftir að falla all rosalega þegar höftin verða aflögð og gjaldeyrinn rennur úr landi vegna þessara blessuðu krónubréfa en ég hef enga trú á því að það takist að semja við eigendur krónubréfa þeir vilja ekki fjárfesta á íslandi.

Það er bara ein leið að mínu mati til þess að losa fólk undan gengislánunum er hún að þessum lánum verði breytt í krónur á sanngjörnu gengi og það sem allra fyrst áður en næsta gengishrun verður. Það sama á við um verðtryggð lán, endurskoðun á þessari blessuðu vísitölu strax og færa lánin aftur á vísitölu fyrir hrun.

Íbúðalán í greiðslujöfnun

Hvaða árangur er konan að tala um?

Alltaf verður maður meira og meira afhuga vinstri stjórn ef á að kalla þetta árangur, já hvað kallar hún árangur, það hefur nánast ekkert gerst sem skiptir máli og krónan er komin í djúpan skít og við fylgjum með en ekki stjórnin okkar, hún er að skila svo miklum árangri eða þannig.

<:AtomicElement>Ef þið ætlið að nota atkvæðið í einhvern flokk þá held ég að þessi stjórn sé ekki það sem við þurfum, ég var bjartsýnn þegar hún tók við en nú lýst mér ekki á blikuna.

Byggja þarf velferðarbrú

Krónan er óviðráðanleg

Þá er það að verða ljóst að gjaldreyrishöft eru ekki að skila okkur neinu og gengið stefnir hratt í sama farið og í bankahruninu og nú styttist í hækkanir á vörum og þjónustu með tilheyrandi verðbólguþrýsting. Við verðum að fara að sjá nýjar leiðir farnar þar sem þessi nýja seðlabankastjórn er bara með nákvæmlega sömu áherslur og sú gamla. Þetta hávaxtarugl er eingöngu að gera okkur illt verra eins komið er í ljós. Upptaka á öðrum gjaldmiðli strax takk fyrir og burt með AGS og gjaldreyrishöftin.

Miklar sviptingar á gjaldeyrismarkaði

Nýjar staðreyndir, látum ekki kúga okkur til fátæktar.

Jæja góðir íslendingar.

Þá er það að koma betur í ljós sem margir hafa verið að ræða um á götuhorninu hvort við höfum einhver möguleika að greiða skuldir fyrir fyrrverandi bankamenn og afglopa stjórnmálamenn, erlendar skuldir sem þessir hópar stofnuðu til. Málið er svo alvarlegt að ég held að megin þorri þjóðirinnar muni ekki átta sig á þessu fyrr en við erum búin að kjósa einhverja samsuðu af fólki sem á margt þátt í hvernig komið er fyrir okkur. Eftir kosningarnar fáum við að heyra sannleikann hvað er framundan sem er annaðhvort haftastefna í gengismálum sem mun færa okkur lengst aftur í tímann með tilheyrandi fátækt og hin leiðin er haftaleysi í gengismálum sem hefur það í för með sér að krónan á eftir að falla um 30 til 50% með tilheyrandi fjöldagjaldþrotum vegna hækkandi erlendra skulda og síðan óðaverðbólgu í kjölfarið vegna hækkandi vöruverðs á innflutningi. Við erum komin í þá stöðu að það er sama hvernig er logið að okkur, málið er erfiðara en uppi hefur verið látið.

Eins og komið er hlýtur að vera betra fyrir okkur að neita að greiða allan þennan erlenda skuldapakka og hætta samskiptum við ALG og redda okkur sjálf út úr þessum vondu málum.Við fáum einhverjar þjóðir upp á móti okkur í einhvern tíma og það verður bara að hafa það, það er betra en að við endum sem alvarlega fátæk þjóð.

Að mínu mati er ekkert vit að vera að stofna til þingkosninga á svona tímum því ef það er eitthvað sem við þurfum að losna við næstu tvö árin eða svo er flokkakjaftæðið, það er ekki það sem við þurfum, það sem við þurfum er Þjóðstjórn með hæfa einstaklinga innanborðs og vinna málin með það í huga að hugsa um fólkið í landinu og gera því kleift að komast upp úr skítahrúgunni sem það fékk yfir sig frá óstjórnarmönnum.

Eina leiðin til þess að sýna að við erum búin að fá nóg á þessu sama flokkastappi eins og hér hefur alltaf verið er að skila auðu í næstu kosningum, nema einhver hafi rótækari leiðir og þá er bara að láta þeir heyrast. Ég hef ekki verið talsmaður þess að skila auðu til þessa en í þessu árferði og óstjórn er bara ekki annað í boði.