VG er alveg sama um lokun á Grundartanga, VG vill ekki atvinnu hér á landi.

Vg er alveg að ná því að skattleggja okkur út af kortinu í viðskiptum við umheiminn, alveg sama hvort "eitthvað annað" bjóðist þá neita þeir því samt sem áður. Ég skil ekki hvernig ríkissjóður skrimtir án þess að fá aðrar tekjur en skattlagningu á eignalausan almenning, kannski er hann bara á hausnum hvort eð er og komin uppgjöf í stjórnina?

Hundruð myndu missa vinnuna

Eftirstöðvar leyndra tilvonandi afskrifta upp á borðið strax. Fjölmiðlamál sem sefur.

Maður er auðvitað búin á fá sig fullsaddan að allri þeirri lýgi sem hefur viðgengist hér á landi að undanförnu í nánast öllu stjórnkerfinu. Það er að verða eðlilegt að halda sannleikanum frá almenningi og þetta hefur norræn velferðastjórn innleitt hér á landi.

Í DV í dag er listi yfir menn sem hafa fengið akskriftir sem eru svo háar upphæðir að maður fær nettan svima að sjá þetta á prenti en þetta eru staðreyndir og sönnun þess að þessi leið var valin í stað þess að taka á vandamálum fjölskyldna, því miður mínir kæru landar.

Nú hefur Jóhanna Sigurðardóttir sagt að ekkert frekara verði gert fyrir heimilin þrátt fyrir að nú er hættulegasti hópurinn að komast í veruleg vandræði það eru þeir sem hafa þokkalegar tekjur þegar vinnu er að hafa en búa í yfirveðsettu húsnæði og fá enga niðurfellingu vegna þess að þeirra lán eru hjá íbúðarlánasjóði og þar gilda önnur lög en tildæmis hjá Landsbankanum.

Ég þekki marga sem eru í þessari stöðu. Það sem er alvarlegt við þessa stöðu er að flestir í þessum hópi sem eru trúlega nokkur þúsund fjölskyldur munu trúlega velja gjaldþrotaleiðina og hvers vegna, jú vegna þess að þetta fólk þarf að velja á milli þess að semja um að binda sig ævinlangt við skuldirnar á íbúðinni sem hækka vel um þessar mundir eða að fara í gjaldþrot og byrjað upp á nýtt eftir tvö ár og þá allavega skuldlaus, er þetta einhver spurning?

Það verða gríðarlegar afskriftir vegna þessa og það hljóta að vera til áætlanir hjá hinu opinbera eða hjá (hinu leynda) hverjar þessar afskriftir geta orðið, allavega einhverjir tugir miljarða og síðan er það stóri pakkinn sem engin vill tala um sem er einnig að mesti leiti á Íbúðarlánasjóði, það eru öll húsnæðissamvinnufélögin félög sem leiga úr samkvæmt búseturéttarákvæðum, já þarna erum við að tala um þúsundir íbúða sem félögin leiga út en eru allar með tölu með stökkbreitt lán sem verður að afskrifa um gríðarlegar fjárhæðir til þess að félögin geti lifað. Sumir segja að þau geti bara farið á hausinn ef þau standa svona illa en þá stendur eftir búseturéttur þúsunda manna sem er í uppnámi og ekki væri það til að bæta stöðu fjölskyldna að tapa þeim rétti sínum.

Fjölmiðlar verða að taka sér tak og fara ofan í þetta mál og fá upp á yfirboðið hvað er að gerast á þessum vígstöðvum því ef íbúðarlánasjóðir þarf að afskrifa segjum 100 milljarða í heildina vegna þeirra málaflokka sem ég hef rætt hér, þá þarf sjóðurinn helling af fé frá ríkinu sem er ekki til. Staða ríkissjóðs er ekki rétt nema öll þessu mál séu opinber.
Þeir sem til þekkja komi þessu rétta boðleið til fjölmiðla, takk.

Ögmundur virðist óhæfur til þess að gegna ráðherrastarfi.

Það lítur greinilega þannig út samkvæmt svörum Ögmundar varðandi Nubo að ráðherrann gerir sér ekki einu sinni grein fyrir þeim tekjum sem af svona framkvæmdum verða, það liggur fyrir áætlun frá þessum manni og að sjálfsögðu færa hundruðir starfa miklar tekjur í ríkissjóð, það sér meira segja barn á grunnskólastigi. Þessi maður er algerlega óhæfur til starfa að mínu mati og á að segja af sér þingmennsku hið allra fyrsta svo þjóðfélagið geti farið að snúa sér að því að afla tekna áður en þorri fólks verður fluttur úr landi.

„Sporin hræða“

Það er haldið áfram niðurrifs starfsseminni hér á landi.

Einfaldlega það sem ég átti von á það er alveg sama hvar á landinu eiga að fara fram framkvæmdir þá eru þær stöðvaðar og þar er Ögmundur í fyrsta sæti og Steingrímur í öðru sæti. Hér mun ekki verða til atvinna þetta eina og hálfa ár sem þessi stjórn á eftir að sitja og við það verðum við að sætta okkur við, því miður en það mun taka stuttan tíma að koma landinu á skrið eftir að þetta lið fer frá völdum, til þess höfum við allra þjóða mestan efnivið að vinna úr.

Vaðlaheiðargöng ekki framarlega

Styttist í nýjar tölur um minna atvinnuleysi frá svokallaðri (velferðastjórn?)

Jæja, brottflutningurinn fram yfir þá sem hingað flytjast heldur áfram að vera mikill og á hlýtur hann að aukast miðað við stöðuna í þjóðfélaginu í dag.
H
ér er erfiður vetur framundan atvinnulega séð og því engin ástæða til þess að dveljast áfram á klakanum sem getur svo sem verið ágætur en ekki á meðan svona ástand varir.

Nú fara að birtast nýjar tölur um að atvinnuleysi hafi minnkað og er mjög auðvelt að reikna það dæmi því ekki er um aukin störf að ræða um þessar mundir því sögur fara að hópuppsögnum fyrir áramótin og hruni nokkurra stórra fyrirtækja. Þá er bara að telja brottflutta og draga frá aðflutta og þá er mismunurinn minna atvinnuleysi, þetta eru nú aðferðirnar sem notaðar eru í dag.

Fjöldi barna og unglinga meðal brottfluttra

Sama siðblindan áfram og engin tenging við fólkið í landinu.

Það er alveg rosalega ömurlegt eða bara helvítis fokking fokk að þurfa að upplifa að sjá stjórnmálamenn nánast njóta þess að pína fólk og nú er verið að reyna að hafa atvinnuleysisbætur af fólki í þrjá mánuði, fólki sem er búið að vera atvinnulaust í þrjú ár.
Hvers konar rugl er í gangi hérna, hvernig væri að fara að snúa sér að því að byggja upp þjóðina í stað þess að halda áfram að brjóta hana niður.
Þjóðin hefur vald til þess að koma þessu landráðafólki frá völdum hér á klakanum og nú vil ég sjá alvöru leiðtoga stíga fram og draga upp baráttu fána sem verður ekki dregin niður fyrr en þetta fólk segir af sér, þetta tekur tvo til þrjá daga og þá verður þetta lið sem stjórnar hér að taka sitt dót úr skúffunum eða öll þau mál er varða almenning sem hafa farið í skúffuna og setja á tætarann og best fyrir okkur væri að það kæmi sér úr landi.

Togast á um lengingu bótatíma

Átti Jóhanna við að þúsundir myndu missa vinnuna á árinu en ekki að hún ætlaði að búa til helling af störfum?

Ég bara spyr vegna þess að það eru hundruðir manns að missa vinnuna fram til áramóta miðað við þann samdrátt sem á sér stað þessar vikurnar og veturinn lýtur mjög illa út atvinnulega séð.
Það er ekkert sem bendir til þess að þessi ríkisstjórn sé að gera eitthvað til þess að skapa ný störf.

Á sjöunda tug missa vinnuna

Steingrímur er einfaldega opinber starfsmaður frá byrjun til enda sem kann ekki að hugsa um almenning.

Ömurlegri málflutning en sá sem er í þessari frétt hef ég bara ekki séð á prenti í minni lífstíð og vonandi verður lát á því að hlusta á mann sem veit ekki hvað tilfynningar fólks eru en tala þannig að hann viti eitthvað um þá hluti.

Raunveruleikinn er ljós og það vitum við allir landsmenn að þessum manni hefur mistekist all hrapalega og er það ljóst eftir að 50% heimila ná ekki endum saman í dag.
Hvað er að gerast þegar maðurin segist hafa gert allt sem hann gat til þess að bjarga fjölskyldum, maðurinn sem setti 900 miljarða í að endurreisa bankakerfið sem auðvitað blómstrar í dag.

Ef það hefði verið ákveðið að leggja niður eins og tvo banka og lækka höfuðstól allra sem skulduðu, þá væri það fólkið í landinu sem blómstraði og gæti haldið uppi verslun og þjónustu. Þetta er hroðalegt að fá svona landráðafólk yfir landann á erfiðum tímum, fólk sem elskar fjármálstofnanir fram yfir sitt eigið fólk.

Ömurlegt að þurfa að horfa upp á þetta.

Munum áfram nota krónu

Maðurinn á götunni spáir betur en stjórnvöld.

Það er sama hvar borið er niður, maðurinn á götunni spáði því að landflótti yrði mikill og er hann enn að aukast, þetta hefur ræst og það er skýringin á minna atvinnuleysi, færri sem búa í landinu. Við erum að mennta fólk til þess að það geti starfað erlendis.

Maðurinn á götunni hefur sagt að skuldavandamál heimila séu mun alvarlegri heldur en stjórnvöld halda, nú er að komið að því að greiðsluviljinn er ekki að verða neinn og fólk tekur að sjálfsögðu þær ákvarðanir að kaupa á sig gjaldþrot og byrja upp á nýtt, það er ekki neinn vilji frá stjórnvöldum að koma í veg fyrir að þessi þróun fá að blómstra og því verður þetta niðurstaðan og fjármálastofanir munu eignast þúsundir íbúða næsta árið.

Maðurinn á götunni er búin að átta sig á því að það er lífeyrissjóðir, Íbúðarlánasjóður og bankar sem halda uppi himinháu leiguverði hér á landi með því að koma ekki þeim hundruðum íbúða á leigumarkað sem þeir eiga, allt planað og þessu var spáð af manninum á götunni.

Maðurinn á götunni hefur haft áhyggjur af eignarhluta banka í fyrirtækjum og þeim fjármunum sem ausið er í þau í samkeppni við manninn á götunni og er það orðið ljóst að þannig er það.

Maðurinn á götunni hefur sagt að hann muni ekki styðja inngöngu í ESB og hann hefur sagt að engin tiltrú sé á störfum alþingis er þar með ekki tímabært að núsitjandi ríkisstjórn segi af sér þar sem hún hefur ekki mannin á götunni með sér þar sem það er hann sem virðist ávallt hafa rétt fyrir sér?

Fimm flytja úr landi á dag

Mesta spilling sem verið hefur á þessi landi frá upphafi að mínu mati. Norrænnt hvað?

Þó ég hafi ekki lifað nema í rúm fimmtíu ár þá hef ég ekki lifað aðra eins spillingu í þessi þjóðfélagi heldur en nú er og hef ég ekki lesið um að hún hafi verið svona rótæk fyrir minn tíma.

Það er sama hvar borið er niður, td. stjórnmálin þar sem menn hafa leikið sér með almannafé til þess að styrkja hinar og þessar fjármálastofnanir og síðan taka þær stofnanir við og leika sér með fé viðskiptavina sinna til þess að fara í samkeppni við fyrirtæki sem eru rekin af einstaklingun eða hlutafélögum og allt gerist þetta þegar hin norræna velferðastjórn tekur við en þá veit maður hvað stendur á bak við þann titil.
Síðan má nefna eftirlitsstofnanir sem virðast vera gjörsamlega óvirkar, og á ég þar við Samkeppnisstofnum, Fjármálaeftirlitið, viðskiptaráðherra og fjármálaráðherra en þessir ráðherrar hafa dregið fyrrverandi forsætisráðherra fyrir Landsdóm fyrir sömu afglöp og þeir eru að fremja um þessar mundir.

Það getur ekki gengið að reka heila þjóð á þessum forsendum að almenningur sé látinn þola endalausar skattahækkanir og hækkanir á opinberri þjónustu á meðan fjármálastofnanir leika lausum hala undir stjórn erlendra vogunarsjóða.
Þessi þjóð heitir Ísland og rekur sig á að framleiða græna orku sem verður að virkja, fiskveiðar eru stór þáttur og að honum þarf að fara varlega að til þess að eyðileggja ekki þann útveg og að síðan er það ferðaþjónusta en ef þetta er allt virkt þá værum við ekki í djúpum skít eins og er í dag. Allar þessar greinar skapa störfin sem við þurfum og síðan taka hina greinarnar við verslun og þjónusta þegar fólk eignast peninga til þess að eyða.

Þetta er Ísland í dag.

Ummælin ekki pólitísk afskipti