Redknapp komin á ystu nöf?

Sem gamall Tottenham maður hef ég sjaldan verið svekktari yfir gengi liðsins heldur en í vetur, það hafa mörg stigin farið forgörðum fyrir algjöran klaufaskap. Að mínu mati er stjóranum um að kenna í fjölda tilvika þar sem hann er algjör gunga að þora að skipta út mannskap. Í leiknum á móti Wolves stillti hann upp hálgerðu varaliði í byrjun sem er algjört vanmat á andstæðningnum, auðvitað átti hann að byrja með sitt sterkasta lið ogt skipta síðan varamönnum inn á og fór sem fór en mér fannst nú Eiður standa fyllilega fyrir sínu í þessum fyrri hálfleik sem hann spilaði og átti margar góðar sendingar. Síðan er það þessi fyrri hálfleikur á móti Bolton sem var hræðilegur og algjör skömm fyrir Tottenham að sína vona leik, Redknapp lætur tvo menn hita upp eftir 25 mínútur en skiptir hvorugum inn á, það voru skilaboð inn á völlinn að það sé í lagi að spila illa í stað þess að refsa mönnum. Það á að láta svona stjóra víkja, þetta er ekki nægur metnaður fyrir Spurs að mínu mati. Vítaskytta leysir ekki vandamál Tottenham, heldur það að nota mannskapinn og láta menn finna fyrir því að þeir þurfa að vera sívinnandi til þess að fá að spila. Ágætt að fá útrás fyrir sárindin með því að blogga, því ekki heyra þeir í manni við skjáinn. 

Redknapp leitar að nýrri vítaskyttu