Tryggvi Þórarinsson

17.8.2010 | 12:14

Fólk er að fara, ríkisstjórnin hefur brugðist alvarlega.

Nú er það orðið ljóst að landflótti er bara að byrja því að framundan er holskefla uppboða á eignum fólks, það er allt stopp í dómi hæstarétts varðandi gengistryggð lán svo ekki er hægt að ganga frá því máli svo fólk viti hvar það stendur bæði hvað íbúðalán, bílalán, einkaleigubíla o.s.f.v en ef það mál fer þannig að almenningur fái það sem honum ber þá skiptir það miklu máli upp á framhaldið, þessi stjórn ætlar sér ekki að láta það mál fara þannig að réttlætið sigri það er ljóst.

Það er ekkert að gerast varðandi atvinnumálin og nú er tíminn að líða undir lok þar sem tímabundin störf sem ríkisstjórn bjó til að sögn Steingríms en það er ekkert annað sem tekur við svo það fólk fer á atvinnuleysisskrá aftur.

Og nú byrjar ruglið aftur um Icesave og ESB á alþingi, ráðherrar ljúga hver ofan í annan og almenning, spennandi eða hitt og heldur.

Hvað er það sem heldur fólki á landinu næstu mánuði eins og klakanum er stjórnað í dag, já, hvað er það??? Ekki veit ég svarið.

Þetta er sorglegt hvernig er haldið á málum í þessu ríka landi sem er troðfullt að auðlindum sem eru þúsunda miljarða virði en engin sem er við stjórn landsins virðist hafa hundsvit á því hvernig á að vinna úr þeim málum, eina leiðin virðist vera að hækka skatta eins og það hafi einhverntímann skilað árangri. Við verðum að fá nýtt fólk til starfa við stjórn landsins og þar á meðal fagfólk til þess að stjórna framkvæmdaþættinum að nýta auðlindir okkar og skapa þannig tekjur inn í þjóðfélagið á nýjan leik. Við verðum að átta okkur á að við íslendingar erum ekki nema meðal stórfyrirtæki í umfangi svo að það þarf ekki hóp að fólki sem ekkert veit til þess að reyna að stjórna hér.