Afsögn Jóhönnu í kvöld?

Jæja, þetta er í annað sinn á stuttum tíma sem Jóhanna er í ríkisstjórn sem er mótmælt kröftulega og verður örugglega hrakin frá völdum að lokum, þetta er ekki glæsilegur ferill hjá henni blessaðri. Hún er búin að eyðileggja tvö húsnæðislánakerfi, hún er búin að sitja sem ráðherra í hrunastjórn og nú er hún búin að stuðla markvisst að fátækt og óréttlæti varðandi skuldaleiðréttingu landsmanna. Svo má ekki gleyma því að Samfylkingin er með kúkinn upp á bak varðandi atvinnumálin, ég hef orðið áhyggjur af þessu orði "atvinna" því það er deyjandi orð því enga atvinnu er að hafa þar sem Jóhannna er búin að stöðva alla uppbyggingu í landinu eða er hún kannski blásaklaus í því máli eins og hún slapp frá síðustu stjórn þar sem hún sat í miklum peninganefndum en hafði ekki hugmynd um annað en hér væri allt í blóma, það kemur nú ekki á óvart að hún geti ekki stjórnað landinu með þennan bakgrunn. Eitt sem stjórnin þarf að átta sig á er að það er hægt að stefna að því að AUKA TEKJUR með atvinnu sem gerði það að verkum að ekki þyrfti endalausan niðurskurð til velferðamála.

Mótmælafólk, gangi ykkur vel í kvöld, ég kæmi örugglega ef ég ætti heimangengt. Munum eitt, það þarf ekki að slasa neinn í mótmælum, þetta fólk inn í þinghúsinu er bara svona og getur ekkert við því gert, því miður.

 

 

„Tunnumótmæli“ við stefnuræðu

Athugasemdir

[Sigurður Haraldsson, 4.10.2010 kl. 11:13]

Sæll það er rétt engan þarf að slasa þegar tunnurnar eru barðar en eldar munu loga!