Tryggvi Þórarinsson

29.9.2011 | 21:21

Skandall að Jóhanna skuli halda völdum, hún segir að það sé allt í lagi hér!!!

Nú er komið að því að koma þessari konu frá völdum, kona sem hefur bæði staðið sig vel og illa sem ráðherra í gegn um tíðina en sem forsætisráðherra þá hefur hún aldrei náð takti við okkur fólkið í landinu, það er eins og við séum ekki til. Bankar, íbúðarlánasjóður ásamt ýmsum fjármálastofnunum hafa haft forgang og hafa enn. Steingrímur er alveg sama vandamálið og Jóhanna og ekki er þörf á fleiri orðum um hann. Öll í kór Jóhanna, Ólína og Ögmundur hafa ekki góða lykt á bakinu eftir þessa viku.

Tökum eftir að það er það sama að gerast núna og þegar bankabólan byrjaði hérna um árið að núna eru sérfræðingar frá bönkunum farnir að koma í viðtöl og spá um hvað (á að gerast hér á næstu tveimur árum) ekki hvað gerist. Þarna á ég við tildæmis að fasteignaverð muni hækka um 18% á næstu 2 árum, tilhvers að vera að koma þessu á framfæri? Til þess að tala verðið upp og til þess að bankarnir haldi verðinu uppi og þar með handónýtum efnahagsreikningum sínum þar sem fasteignir eru allt og hátt skráðar og því hagnaðartölur blekking. Það væri gaman að fá þær tölur upp á borðið tildæmis hvað á eftir að afskrifa marga tugi miljarða af húsnæðisleigufélögum eru það 10, 20 eða 30 miljarðar?

En Jóhanna segir að þetta sé allt í lagi og við eigum bara að bíða eftir engu, er þetta í lagi? Það verður fróðlegt að sjá hvort hún þorir að mæta og taka við undirskriftunum frá Hagsmunasamtökum Heimilanna en það væri samt gott að fræða hana um fyrir hverja þau samtök vinna.