Ekkert lát á uppsögnum á meðan atvinnuleysi minnkar hjá Jóhönnu og Steingrími.

Já þetta er að takast jafnt og þétt að eyðileggja allt atvinnulíf og uppbyggingu á Íslandi, þessi stjórn er alveg ótrúlegalega lygin og óforskömmuð í framkomu sinni til fólks almennt og hún heldur í stefnu sína þrátt fyrir að sjá að hún hafi ekki gengið upp. Hvað í ósköpum á almenningur að gera í þessu ástandi? Mér lýst ekki á blikuna ef það eru 12 fjölskyldur á dag sem eru að flytja erlendis eins og stendur, það eru bara 756 fjölskyldur fram til áramóta en það gleður sennilega Steingrím og Jóhönnu því það dregur úr atvinnuleysi að þeirra mati, fleiri flytja og fleiri detta út af skránni. Það verða sennilega bara hækkaðir skattar til þess að brúa þennan fólksflótta.

Uppsagnir hjá Símanum

Með þessa ríkisstjórn við völd er allt svart, svo niðurstaða Gallup er ekki óvænt.

Það er alveg borðleggjandi að það er ekki nokkur skapaður hlutur að gerast í landinu, það verður mikið atvinnuleysi í vetur, skuldir fólks verða ekki leiðréttar, það er ekkert traust til staðar til þingmanna eða ráðherra landsins og því er staðan vonlaus, því miður.

Nú er búið að gera almenning að fíflum enn einu sinni eftir að mótmælin miklu fóru fram, það hefur nákvæmlega ekkert gerst í landinu, það voru gefnar væntingar sem voru svo sviknar og nú bíða ráðamenn eftir því hvort almenningur er búin að gefast upp á því að mótmæla, það er bara þannig þeir bíða ráðherrarnir og ljúga því að það séu einhverjir reiknimeistarar að verki, bara rugl og þvæla það vita allir hvernig staðan er hérna og það þarf að leiðrétta þann þjófnað sem hefur átt sér stað og það verður að taka á því með því að draga sístækkandi ríkisbákn saman og það strax. Ég held að fólk ætti að fara að taka sig saman og finna lopapeysurnar og rölta sér svo á Austurvöll og ekki hnika sér þaðan fyrr en þessi stjórn hefur gert eitthvað eða drattast frá völdum með bakið svart af skít.

Íslendingar verulega svartsýnir

Lífeyrissjóðir áfram illa reknir, í áhættu ólgu sjó.

Það er alveg sama hvað margir koma fram með hugmyndir og góðar ábendingar til lífeyrissjóða landsins en þeir láta ekki segjast og halda áfram að fjárfesta í mjög áhættusömum fyrirtækjum hvort sem er á Íslandi eða erlendis. Nú vil ég benda á að bankar eru að ávaxta sitt fé að mestu leiti hjá Seðlabankanum um þessar mundir því það er hagstæðast en ekki lífeyrissjóðirnir, nei þeir gætu hagnast á því og þess vegna gengur það ekki að ávaxta fjármagnið innanlands hjá bönkum og í ríkisskuldabréfum sem virðist vera borðleggjandi ávöxtun samkvæmt tuga viðtala við hina og þessa fræðinga í þessum málum. Kristinn Pétursson talar um hérna á bloggi sínu við þessa frétt að það þurfi að fækka lífeyrissjóðun í 2 til 3 og er ég sammála í meginmáli en vil ganga lengra og fækka í einn sjóð sem mun heita einfaldlega Lífeyrissjóður Íslendinga, sjóður sem verður rekinn með litlum tilkostnaði og sjóður þar sem mjög áfráttarlaus lög og reglur verða settur hvað varðar rekstur hans og fjárfestingastefnu. Við þurfum bara sömu stefnu og er í þýskalandi, lága og örugga ávöxtun og þá fær fólk peningana sína aftur þegar að því kemur og aldrei þarf að skerða lífeyri. Stöðvum valdabaráttuna um peningana okkar og heimtum einn lífeyrissjóð. 

Neikvæð ávöxtun erlendra eigna

Það er fullt af stálheiðarlegu fólki sem ekki á íbúðir sem lendir í gjaldþroti.

Mér finnst Gylfi skjóta sig í báðar lappir með svona óábyrgum ummælum, veit maðurinn ekki að það er fullt af fólki sem leigir sér húsnæði á Íslandi, sem betur fer segi ég miðað við hvernig er að eiga húsnæði á þessu landi. Gylfi vill ekki aðstoða það fólk sem ekki á húsnæði en er það óheppið að lenda í gjaldþroti með tilheyrandi óþægindum árum saman vegna meingallaðra gjaldþrotalaga. Að sjálfsögðu á sama að gilda fyrir alla varðandi fyrningarfrest skulda og það er að mínu mati mannréttindabrot að það skuli vera hægt á annað borð að viðhalda kröfum áratugum saman og hleypa fólki sem verður fyrir þessu óláni aldrei inn í eignasamfélagið aftur. Ég vona bara að þessir hugleisingjar sem á þingi sitja styðji þetta frunvarp og það verði að lögum sem allra fyrst til þess að við getum fengið þær þúsundir fólks sem er og verður gjaldþrota aftur inn í þjóðfélagið eins og venjulegt fólk það er þjóðarhagur. Gylfi, hugsaðu betur það sem þú lætur út úr þér.

Á ekki að vera „hundahreinsun fyrir útrásarvíkinga“

Það má auka tekjur Guðbjartur, bara svo þú vitir það.

Þetta er orðið alveg óþolandi að hlusta á þessa ráðherra þusa fram og aftur um stöðu ríkissjóðs og hækka um leið skatta aftur og aftur. það gengur ekkert upp hjá þessu blessaða fólki því það virðist bara ekki skilja að það er hægt að auka tekjur ríkissjóðs um fleiri miljarða á mánuði með því að koma atvinnuuppbyggingu af stað og með því að lækka vörugjöld, virðisaukaskatt, tekjuskatt, áfengisgjald og olíugjald. Þetta liggur allt fyrir svart á hvítu því í dag dregst neysla svo mikið saman vegna skattlagninga að ríkissjóður tapar og tapar tekjum.

Tapa 250-270 milljónum á dag

Þjóðstjórn gengur ekki upp, þarf utanþingsstjórn.

Þjóðstjórn gengur ekki upp þar sem Samfylking og VG ættu fulltrúa í henni og það vill engin hafa það fólk við stjórn í dag. Það þarf utanþingsstjórn fagmanna og Ragna Árnadóttir mætti gjarnan verða forsætisráðherra. 

Mótmæla niðurskurði og vilja þjóðstjórn

Sama niðurstaða nefndar, bara álver sem er raunhæft að byggja á Húsavík.

Jæja Katrín, nú ert þú að verða komin í "eitthvað nýtt eða eitthvað annað" deildina frægu sem var stofnuð hjá Vinstri grænum þegar flokkurinn var stofnaður en eini gallinn er að Vinstri Grænir hafa leitað og leitað og leita og leitað o.s.f.v en ekkert fundið eftir öll þessi ár. Úff, hvað þetta erfitt segir VG fólk sem ekkert finnur enn og ekkert gerist í atvinnumálum þjóðarinnar.

Katrín, nú ríst þú upp úr þessu endæmisbulli og stendur við þær ákvarðandir sem teknar voru áður en þessi óstjórn tók við hérna og kemur því í gegn að álverið verði ákveðið og byggt á Húsavík. Einnig átt þú að leggja þig fram við að losa um þær hömlur sem stöðva alla atvinnuuppbyggingu í landinu, það er þitt starf sem Iðnaðarráðherra og notaðu nú þessa síðustu daga sem stjórnin á eftir að lifa og sýndu í hvað þér býr annars átt þú ekki möguleika á ráðaherrasæti næstu áratugina. Ég hef trú á að þú sért ekki svona mikil gunga eins og VG liðið.   

Rooney á eftir að verða ánægður í Tottenham og fá nokkra titla í vetur.

Við Spursarar getum alltaf tekið á móti góðum fótboltamönnun ekki málið, Rooney velkomin og við getum sett Robbe Keen og Jenas upp í kaupverðið og 10 millur á milli.

Man.Utd selur ekki Rooney í janúar

10 ára plan á ríkishallann og málið er dautt.

Það er alveg ótrúlegt hvað þarf að rétta ríkissjóð af á skömmum tíma, eins og himinn og jörð séu að farast, það verður að leita til annarra landa en koma að ESB eftir lántöku til lengri tíma og gera plan samkvæmt því eins og að eyða tildæmis út halla á ríkissjóði næstu 10 árin, er það ekki alveg eðlilegt eftir að við komumst í þessa stöðu að reka ríkissjóð með halla í nokkur ár? 

Áhyggjur af stöðu velferðarkerfisins

Sókn er besta vörnin.

Það er bara að vona að Íslenska liðið þori að pressa aðeins á Portúgalana þó þeir séu góðir, taka þá frekar snemma á miðjunni og mata stungur inn á Heiðar og 1 -0 sigurinn verður sætur? Bjartsýnn, hver er það ekki á Íslandi í dag. 

Byrjunarlið Íslands gegn Portúgal