Gott tækifæri þarna.

Eins og ég hef bent á fyrr þá eru fullt af tækifærum hjá íslendingum og ef við horfum á þessa frétt þá eru nokkur ár síðan var byrjað að rækta korn hér á íslandi en samt er dæmið ekki stigið til fulls. Við náum ekki að að framleiða nema örlítið brot af því sem við þurfum til íslenskrar framleiðsu. Samkvæmt því sem maður hefur lesið, hefur maður heyrt í einum og einum kornbóndanum sem er bara ánægður með sinn hag í greininni en sjálfsagt verða áföll þar eins og í öllum öðrum greinum, eins og óhagstætt veðurfar og fl. en þarna er vissulega tækifæri sem þarf að byggja undir og flytja inn minna magn af korni og spara gjaldeyri. Svo er alltaf gott að minna á að við ættum ekki að þurfa að flytja inn grænmeti nema í mjög litlum mæli ef rétt er haldið utan um greinina og er þar um stórar upphæðir að ræða í gjaldeyrissparnaði. Stjórnmálamenn, nú er bretta upp ermarnar og byrja, ekki eftir neinu að bíða.

Hafa þurft að hækka um 42-43%

Þú segir ekki Gylfi!

Þarna kom kallinn okkur á óvart og er bara sammála því að vextir lækki, Gylfi bara svo þú vitir þá er það ASG sem ákveður hvað lækka má vexti í hvert sinn en auðvitað myndu allir fagna vaxtalækkun og þá er ég að tala um 5 til 6 % lækkun en ekki 1,5 til 2% sem hún verður að öllum líkindum. Jóhanna er svo rosalega bjartsýn að hún vill að vextir verði komnir niður í 2 til 3 prósent um áramótin, Jóhanna það eru rétt tæpir 8 mánuðir til áramóta er það ásættanlegt miðað við ástandið í dag? Ég myndi halda að vextir yrðu að vera komnir í 2% eftir 3 mánuði hámark til þess að eiga einhverja von um að geta farið að byggja upp fyrirtækin.

Steingrímur sagði á blaðamannafundi að skýrsla umboðsmanns neytenda yrði send seðlabankanum til umsagnar, okey, hann veit af skýrslunni sem er gott en hefði ekki verið tildæmis jákvætt að hann hefði sagt á fundinum að hann hefði beðið um flýtimeðferð á umsögn frá bankanum því bankinn hefur staðið sig hörmulega varðandi skýrslu um stöðu heimilanna sem er búin að taka mjög langan tíma. Það vantar alltaf kraftinn í allar aðgerðir, eins og menn ætli sér að gera eitthvað, nú er bara ekki tími nefndanna sem skila nánast aldrei neinu frá sér. 

En eitt er ljóst að það er að setjast glundroðastjórn að borðinu sem er ósammála um grundvallaratriði ríkisstjórnarsamstarfs, þetta á allt eftir að koma í ljós þegar við förum að horfa upp á ruglið sem fram fer á Alþingi okkar íslendinga. 

Myndi fagna djarfri vaxtalækkun

Gæti breyst fljótt.

Já það er nú svo að með þessum átroðningi stjórnvalda á okkur almenningi þá gætum við farið að styttast á nýjan leik og þá gætum við handmjólkað belju án þess að setjast innan nokkurra ára.

Íslendingar meðal hávöxnustu þjóða

Út með ULB. Byggjum okkur upp sjálf.

Jæja ágæti íslendingar, þá er það loksins að komast á hreint að það er verið að mynda ríkisstjórn sem nær ekki saman um evrópumálin og er þetta uppgjöf hjá Samfylkingu að mínu mati en vonandi verður þetta til þess að stjórnarflokkarnir væntanlegu fari að pússa skítinn af gluggunum og sjá hvað er að gerast þarna úti í þjóðfélaginu og þá kannski verða þeir varir við margt forvitnilegt.

Það fyrsta sem þetta hátt setta fólk mun sjá er að fólkið er fullt af gremju og því líður illa, mjög illa og því finnst það hafa verið hlunnfarið og það er búið að ræna fólkið peningum og húsnæði þess líka. Þau munu sjá að það er búið að loka fullt af fyrirtækjum og að það eru 18.000 manns atvinnulausir og það sem verra er það eru þrír bankar sem fyrir einhverju tilviljun lentu í eigu ríkisins? Bankar sem eru allir reknir með bullandi tapi vegna þess að það er lítið um innlán til þeirra, vegna þess að fólk treystir þeim ekki og þeir fá ekki lán erlendis frá vegna þess að þeir eru taldir ónýt fyrirtæki og síðan geta þeir lítið lánað því þeir eiga svo lítið af peningum, þeir eru víst geymdir á reikningum í skattaparadísum og enginn kemst í þá. Svo munu þau einnig sjá að fullt af fyrirtækjum eru komin með íslenska skjaldarmerkið upp á front húsnæðis síns í stað fyrirtækjaheitis. Og allt gerðist þetta á nokkrum mánuðum og eina sem við höfum séð er langatöng í sméttið en við megum víst ekki gleyma því að stjórnin bíður upp á lengri skuldakaðla sem öllu eiga að bjarga.

Jæja ESB (ULB) þessi ömurlega leiðinlega umræða um að komast inn á samtök sem eru í dag í að upplifa erfiðustu efnahagskreppu frá lokum seinni heimstyrjaldar og gríðarlegt atvinnuleysi. Hagkerfi þess dregst saman um 4% á þessu ári, er það þetta sem er svona gríðarlega mikilvægt að komast og taka þátt í eða er það kannski bara þráhyggja einhvers hóps að hoppa þarna um borð og veltast svo bara um stjórnlaust, nei við þurfum þess ekki, við erum nú þegar að veltast um stjórnlaus, almenningur rúllar í allar áttir án þess að ná nokkru taki neins staðar. Svona í alvöru talað þá held ég að íslendingar myndu hafna inngöngu í ESB með mikilum meirihluta atkvæða vegna þess að við erum mjög sérstök þjóð sem hefur ágæta möguleika á því að vinna sig út úr þessum vandræðum en til þess þurfum við stjórnmálamenn með nýjar leiðir í nýju umhverfi, það þýðir ekki að hjakka endalaust í sama farinu, hleypum fagfólki að í stjórnkerfinu sem getur unnið án þess að hafa gömlu hugsunina hangandi yfir hausnum á sér og það er mjög mikilvægt að fólk sé ekki heilaþvegið inn í gamla pakkann eins og tóks alveg skýnandi vel með viðskiptaráðherrann okkar sem breitti skoðun sinni á undaverðum tíma varðandi leiðréttingu skulda.

Ísland er auðugt land mikilla tækifæra og það er málið sem við þurfum að hella okkur í að virkja tækifærin og gleyma öllu ESB (ULB) kjaftæði á meðan. Við höfum sjávarútveg sem ég sé ekki nokkra ástæðu til þess að vera hrófla við með breitingum á kvótakerfi, það á frekar að efla þennan útveg og kannski fá hann til ef hægt er að fullvinna meira af vöru hérna heima og skapa meiri gjaldeyristekjur en reynslan er hjá þeim sem reka hann en ekki hjá stjórnmálamönnum. Ég sá grein um daginn þar sem komið er inn á að ESB (ULB) sé að hugsa um að setja upp kvótakerfi sambærilegt því sem er á íslandi,segir það ekki allt sem segja þarf? Við eigum landbúnað sem framleiðir hágæða vörur sem ekki eru fullar að einhverju aukaefnadrasli þótt eitthvað sé um það í litlum mæli en við eigum að gera miklu betur í ræktun á grænmeti og ávöxtum og þar kemur til handvömm ríkisins að niðurgreiða ekki rafmagn í meira mæli til þess geira á sama tíma og rafmagnið er selt á útsölu til álvera án þess að ég sé neitt á móti nokkrum álverum. Við eigum öflug fyrirtæki á sviði hugbúnaðarframleiðslu, við erum að byggja upp fyrirtæki sem eru að flytja út íslenskt vatn sem lúxusvöru, það er áhugi erlendra fjárfesta að byggja nokkur gagnaver á íslandi og sólarkýsilverksmiðju. Síðan er það  ferðamennskan sem gæti gefið okkur gríðalega mikinn gjaldeyri ef stjórnvöld áttuðu sig á því að tækifærið er núna að auglýsa ísland aðeins upp og fjölga ferðamönnum alveg gríðarlega, meðfylgjandi yrði fullt af nýjum störfum í landinu. Við eigum að mína mati að virkja og selja orkuna á nýjum forsendum eða á hærra verði en álver hafa fengið hana því vatnsorkan ætti að gefa okkur miklu meiri tekjur en hún gerir í dag og gerum okkur grein fyrir að sæstrengir verða betri og betri og það mun koma að því að við getum selt orku á fínu verði yfir til evrópu innan nokkurra ára ef unnið er að málinu heilshugar. Að lokum þá er það blessuð olían en leyfum henni bara að fá sinn tíma enda lítið sem við getum gert annað en að bíða, ekki borum við sjálf eftir henni.

Hérna hef ég nefnt nokkur tækifæri og er þetta trúlega bara brot af þeim því nýsköpun getur líka gert kraftaverk ef henni er fylgt eftir og það má heldur ekki gleyma því að við þurfum að halda utan um þau fyrirtæki sem eru til staðar til þess að missa þau ekki úr landi en mikil hætta er á að það gerist næstu mánuðum ef ekkert er gert td. varðandi gjaldreyrishöftin og held ég að það væri skynsamlegt að hugsa það til enda hvort það er raunhæft að losa okkur undan ASG láninu og þeim kröfum sem því fylgja og byggja upp á eigin forsendum, það sparar okkur risaupphæðir í vaxtagjöldum sem mætti þá nýta í uppbyggingu landsins. 

Það verður tekin upp ný mynt að mínu mati en það þarf ekkert endilega að vera með inngöngu í ULB en það stendur fyrir Upplausnarbandalagið eða ESB eins og það er kallað.

ESB-málið til Alþingis

Steingrímur, vaknaðu maður.

Hvaða rugl er í þér Steingrímur minn, heldur þú virkilega að fólk viti ekki um þær leiðir sem í boði eru til þess eins og fresta gjaldþrotum fólks, heldur þú að við séum algjörir hálvitar sem búum í þessi landi. Ef íbúðalánasjóður fer á hausinn vegna leiðréttinga lána einstaklinga þá fer hann bara á hausinn annað eins höfum við nú upplifað. Það er því miður alltaf að koma betur og betur í ljós að það verður sennilega gjaldþrotastjórn gegn almenningi sem er verið að mynda um þessar mundir, það er bara þannig. 

Varar við örþrifaráðum

Gylfi, það eru þúsundir í stöðu Svanbergs.

Það er alltaf gott að vekja athygli á vandamálinu með þessum hætti og ekki veitir af fyrir framan sofandi ráðamenn. Er ekki einhver í aðstöðu til þess að setja upp undirskriftarlista á netinu til þess að safna undirskriftum þeirra sem eru að gefast upp og þeirra sem hafa gefist upp að greiða þessar himinháu afborganir og í leiðinni er aðgerðaleysi stjórnvalda mótmælt harðlega. Skuldir skulu afskrifaðar um 20% og skal jafræðisreglu beitt í því dæmi því allir hafa orðið fyrir sprengjunni en trúlega þarf að setja eitthvað þak á hámarksupphæð? 

Það væri allavega mjög forvitnilegt að sjá hvaða fjölda er verið að tala um sem myndi skrifa sig á svona undirskriftarsöfnum. Helgi í Góu skilaði inn um 23.000 undirskriftum þar sem krafist er uppstokkun á lífeyrissjóðakerfinu og þökk sé þeim mætamanni, ætli það mætti ekki búst við svipuðum fjölda sem skrifaði upp á uppgjöf í greiðslubirgði eða jafnvel stærri hópur? 

Kikna undan skuldum

Gylfi skilur ekki vandamálið.

Fátt fer meira í taugarnar á mér en stjórnmálamenn sem tala og tala og hafa í reynd enga hugmynd hvað þeir eru að segja.

Gylfi, hvers vegna heldur þú að fólk sé að gefast upp að greiða af skuldum sínum?

Hvers vegna er skýr krafa í þjóðfélaginu um leiðréttingu skulda?

Hvers vegna fjölgar þeim íbúðum sem lenda í eign bankanna og íbúðalánasjóðs?

Þetta er bara alls ekki flókið, fólkið ber ekki þennan skuldapakka eftir glundroða stjórnmálamanna undanfarin ár.

Hvers vegna svarar ekki forsætisráðherra kalli fólksins um leiðréttingu skulda? Er það vegna þess að hún skilur ekki vandamálið frekar en þú?

Gylfi þú ert greinilega með góðar tekjur og ekki mjög skuldugur og þekkir því ekki vandamálið og kemur mér mjög á óvart að þetta greindur maður skuli tala svona en trúlega er það bara svona þegar í pólítíkina er komið þá rofnar sambandið við almenning. Kallaðu saman fund í ríkisstjórninni og prófið öll að hrista vel hausinn og opna augu og eyru og þá kannski verðið þið meðvitaðri um vandann.

Þið getið röflað fram og aftur um þær leiðir sem í boði eru án þess að ná til fólksins því fólk veit að þær leiðir duga engan vegin til og það er staðreynd sem best er bara að viðurkenna og fara að vinna í þessum málum af alvöru. Það er ekki fólkinu að kenna ef það hættir að greiða af lánum sem það ræður ekki við, það er skandal í þessu landi um að kenna sem verður að leiðrétta og það verður leiðrétt, það er bara spurning hvort þarf byltingu til þess.

Flestir geta staðið í skilum

Hei Norge og ísland í annað sætið

Já ég er sannfærður um að noregur á eftir að vinna keppnina í ár með skemmtilegum og öðruvísi flutningi á sínu lagi. Ísland með sýnum hljómfagra og fallega flytjanda á eftir að koma á óvart og er mín spá, annað sætið.

Íslandi spáð góðu gengi í Moskvu

Nýta tækifærið til fulls.

Þetta eru spennandi tölur hvað varðar ný störf og nú er að halda rétt á spilunum og nýta tækifærið og byggja upp á þessum hluta landsins en ég vona nú að Húsavíkingar fái eitthvað í sinn hlut af kökunni því það blæs nú ekki byrlega með álverið eftir yfirlýsingar Össurar fyrir kosningar. Það væri nú ekki slæmt ef álverið kæmi líka og að olíuævintýrið gengi upp þá væri þessi landshluti í góðum málum og á hann það svo sannarlega skilið. Reyndar yrðum við öll í góðum málum sama hvar við búum á landinu.

Það er eitt atriði varðandi þessa möguleika sem við verðum að hafa áhyggjur af og lítur það að þeim meirihluta sem verið er að hnoða saman því ég er hræddur um að Samfylkingin muni gefa allt of mikið eftir til VG hvað varðar umhverfismál og þá eru það öfgarnar sem munu ráða för en ekki skynsamleg atvinnuuppbygging sem þessi. Síðan verður fróðlegt að fylgjast með hvað Össur gerir ef hann verður ráðherra áfram sem ég reikna með.  

Íbúum fjölgi með olíunni

Komin tími á Eið Smára.

Ég hef nú ekki bloggað um þetta málefni fyrr en finnst tími til að vekja athygli á því að Eiður Smári var hetja hérna áður fyrr með Chelsea sem ég sá ég í þætti fyrir nokkrum dögum síðan og rifjaðist þá upp fyrir mér hvað hann var magnaður fótboltamaður. En það eru liðnir tímar og hann er búin að missa metnaðinn að vera eitthvað nafn í boltanum og er að gleymast smátt og smátt en kannski dugar bekkurin honum á góðum launum. Ég er á þeirri skoðun að svona magnaður fótboltamaður eins og hann var og er enn inn við beinið eigi að nota þann tíma sem eftir ert í íþróttinni og láta ljós sitt skína á nýjan leik og fara í lið sem hann verður stjarna í og vera í sviðsljósinu næstu 2 til 3 ár bara til að enda á toppnum. Ef ég á að benda honum á gott lið þá er það er það án efa Tottenham. 

Barcelona gjörsigraði Real Madríd