Er stóri hvellur að skella á?

Já ég verð nú bara að segja að maður fékk bara vægt sjokk að sjá þessa frétt og því fylgdi hnútur í maga. Það virðist þokast í þá átt að ESB verði mál númer eitt á næstunni án þess að það geri neitt fyrir landann. Það sem heldur í manni voninni að heilbrigðari stjórn með mannlegri sjónarmið númer komist hér að er sú að ef þetta fer saman þá springi það innan skamms aftur enda flokkar að fara í samstarf sem eiga enga samleið. Ég spái stóra hvell ca nóv-des næstkomandi. 

Stjórnarsáttmáli í smíðum

Vekur kannski stjórnvöld?

Það er búið að sýna sig að þeir flokkar sem eru að reyna að mynda stjórn um þessar mundir ætla sér að láta fólk borga allan pakkann og það er bara ekki bjóðandi stefna, lán verður að niðurfæra strax. Þessi leið að hætta að greiða af lánum er mjög vafasöm fyrir bankanna og íbúðalánasjóð og kæmi þessum stofunum í mikinn vanda mjög fljótt ef stór hópur ákveður að fara þessa leið en hvað á fólk að gera, þær leiðir sem eru í boði í dag eru svo nánasarlegar að það er nánast hlægilegt að þær hafi verið samþykktar á Alþingi, til hvers að eyða tíma í einhver lög sem skiptir engu máli nema fyrir lítinn hóp fólks og skila svo meginhlutann eftir í skítnum.

Kannski er þetta bara eina leiðin fyrir almenning að sýna fram á að fólk getur engan vegin greitt allar þessar skuldir sem búið er að klína á það með óstjórn, þetta er ennþá lýðræðisríki og nú er bara að sjá hvað gerist.   

Margir íhuga greiðsluverkfall

Hvaða traust?

Ég er bara sleginn yfir að lesa þessa vitleysu og skil engan veginn hvernig fólk getur svarað spurningunni á þennan hátt sem útkoman sýnir. Vorum við ekki að mótmæla íslenskum stjórnmálum fyrir stuttu síðan og rákum ríkisstjórn frá völdum, höfum við ekki verið að gagnrýna sofandahátt stjórnmálamanna, höfum við ekki verið að gangrýna spillinguna sem verið hefur í öllum flokkum. Nei nú verðum við aðeins að fara hugsa okkar gang því það hefði engin átt að svara því að traust sé hér að finna í stjórnmálum.

Málefni og traust skiptu mestu

Stjórvöld bregðast fólki, ekki nýtt.

Enn eitt dæmið af mörgum sem ég hef verið að staglast á sem sýnir vanvirðingu ríkisstjórnar gangvart fólki og nú lög um hópmálsókn en lagt var frumvarp fram í mars sem komst ekki að. Já þetta er farið að minna svolítið á komma ríki þar sem einræði ræður ríkjum en í okkar tilfelli eru það nokkrar hræður í svokallaðri ríkisstjórn sem sjá um einræðisstjórnunina. Hvar eru tildæmis viðbrögð frá ríkisstjórn um skýrslu Gísla Tryggvasonar talsmanni neytenda, ekki hef ég heyrt viðbrögð enda, hvar er upplýst umræða um stöðu bankanna, hvers vegna er ekki hægt að hliðra til og greiða út atvinnuleysisbætur fyrir helgina? Þetta er allt eins, við skiptum ekki neinu máli og ekki virðist ástandið eftir að skána.

Á fjórða hundrað vilja stefna bönkunum

Dæmigert, fólkið skiptir ekki máli.

Þetta er bara staðan eins og hún er, enn einu sinni sjáum við hvað almennir borgarar þurfa að þola vegna þess að stjórnvöldum er sama um fólkið. Hvers vegna í ósköpum er ekki greitt út tildæmis síðsta virka dag mánaðarins, það myndi minnka líkur á svona skandal mjög mikið eða eyða honum. Því miður þá er þetta svona.

Bætur greiddar út eftir helgi

Jæja Jóhanna, hvað nú?

Jæja, þetta er töluverður áfangi í að gera ríkisstjórn grein fyrir ástandinu í landinu og hvernig búið er að rústa heimilinum og almenningi í landinu. Það verður að segjast eins og er að ég hef enga trú á að núverandi ríkisstjórn muni einu sinni líta á þetta dæmi heldur horfa fram hjá því og röfla um ESB. Þau eru margbúin að sýna að við skiptum þau engu máli og þau vilja fjöldagjaldþrot heimilina enda að verða stutt í þau ósköp sem það sem því fylgir.

Við eigum kannski eina von, og þá meina ég kannski, það er að stjórnarmyndunarviðræður fari í vaskinn.

Vill neyðarlög um íbúðalán

Ríkisstjórnin laug.

Nú er það komið í ljós að Sigmundur hafði rétt fyrir sér og blessuð stjórnin reyndi að troða sannleikanum undir mottuna frægu þar sem ansi margt er nú að finna og er hún sjálfsagt að verða að fjalli mottan sú arna. Enn einu sinni erum við að fá í andlitið að upplýsingum er haldið leyndum fyrir okkur sem við áttum að fá á yfirborðið fyrir kosningar og enn einu sinni er komið í ljós að neyðaraðgerða er þörf til þessa að forðast vosbúð. Það er allavega ljóst að bankarnir eru í djúpum skít

Hættum að eyða tíma í ekki neitt og myndum þjóðstjórn strax og ráðum fagmenn til starfa í ráðherrastöður og byrjum, það er ekkert farið að sjást eftir átta mánuði og við getum ekki beðið lengur eftir stjórnin klári kaffið og koníakið og taki til starfa en sennilega er konninn í boði ríkisins og því bið í aðgerðir allavega ekki fyrr en eftir þynnkuna.

Um 40 prósent lána slæm

Telja kjark í fólkið

Það er skelfilegt ef við förum að fá svínapest inn i landið okkar ofan á allt annað og vonum bara að svo fari ekki, allavega að það verði hægt að hefta hana eins og kostur er. En því miður þá held ég að það hafi lítið upp á sig að ríkisstjórnin telji kjark í okkur, henni hefur nú ekki tekist að gera neitt fyrir okkur almennig í 8 mánuði, því miður.

Forsætisráðherra fyrirbyggi hræðslu

Hættið stjórnarmyndun fyrir fólkið

Ég held að farsælast fyrir fólkið í landinu væri að þessum stjórnarmyndunarviðræðum yrði hætt strax og hafnar viðræður við Framsókn og Borgarahreyfingu. Þetta segi ég vegna þess að þá aukast líkur á því að ef saman næðist að farið yrði í aðgerðir fyrir fólkið í landinu.

Við virðumst bara ekki vera til í hugum Jóhönnu og Steingríms, það er bara EBS og ekkert annað sem kemst að, hvers konar vinnubrögð eru þetta eiginlega og ofan á allt saman þá ætla þessir svokallaðir foringjar einræðis að taka þann tíma sem þeir þurfa, bara svona í rólegheitum yfir kaffi og konna.

Ágætu íslendingar, ég hef trú á því að það styttist í næstu byltingu, við verðum að fara að bleyta í handklæðunum og smella þeim í rassgatið í þessum sofandi herrum og frúm til þess að ná lífsmarki í þau og við verðum að fá þau til þess að gera sér grein fyrir þeim vandamálum sem fjölskyldurnar standa fyrir. Það er svo magnað að ríkisstjórnin skuli trúa að hún hafi gert eitthvað til hjálpar, hugsið ykkur, þau trúa að nokkur frumvörp sem fjalla um að splæsa kaðalinn aðeins lengri svo hann herpist ekki að hálsi okkar og morgun heldur hinn daginn dugi til. Er þetta það ástand sem við þurftum áfram? Í allri kosningarbaráttunni hef ég ekki heyrt mynnst á okkur fólkið frá VG eða Samfylkingu, allavega er það þá í mýflugumynd, það er bara ESB sem kannski getur gert eitthvað fyrir okkur eftir 6 til 8 ár ef við samþykkjum að ganga í þetta eignaupptökubandalag.

Enn ósætti um ESB-málið

Beið í 10 ár á fæðingardeildinni?

Þar sem ég hef mikið bloggað um stjórnmála og stjórnleysismál fannst mér komin tími á að slá á léttari strengi inn í bloggsamfélagið og kem hérna með stutta og sanna sögu af sjálfum mér.

Þannig var að fyrir mörgum árum síðan var eiginkona mín ólétt og allt gekk það vel fyrir sig og leið að því að fæðingin nálgaðist og gerðist það upp úr miðnætti að við skelltum okkur á fæðingardeild Landspítalans. Þetta hafði verið erfiður dagur hjá mér og var ég alveg óskaplega þreyttur og var ég hreinlega í vandræðum að halda mér vakandi. Konunni var komið fyrir á stofu og svo var bara að bíða eftir að hlutirnir gerðust. Á þessum tíma reykti ég og brá mér frá í reykherbergi sem þá var til staðar á sjúkrahúsinu og um það leiti sem ég er að koma að herberginu hitti ég hjúkrunarkonu sem spurði mig hvort ég vildi að hún færði mér kaffisopa og játti ég því að sjálfsögðu enda fínt að fá koffín til að halda sér vakandi. Hjúkrunarkonan kom með kaffisopann og datt mér í hug að spyrja hana hvað langur tími þyrfti að líða frá fæðingu þar til ég mætti heimsækja konuna og var ég trúlega að skipuleggja daginn eftir eða hvenær ég ætti að heimsækja konuna daginn eftir. Hjúkrunarkonan spurði mig þá spurningar sem hjóðaði svona, hvað er langt síðan konan fæddi, hún hefur trúlega ekki vitað hvort fæðing væri afstaðin eða ekki svo ég svaraði henni að það væru tíu ár síðan. Ég fékk ekkert svar við frá henni heldur heyrði ég bara hláturskast hennar út ganginn og skildi ekki neitt í neinu.

Málið var einfaldlega að það voru tíu ár síðan konan mín fæddi barn síðast og því fannst mér eðlilegast að svara hjúkkunni þannig en ég áttaði mig ekki á þessari uppákomu fyrr en daginn eftir þegar ég var orðin útsofin og hafði gaman að, sé mig alltaf fyrir mér á biðstofunni ár eftir ár að bíða eftir að fá að kíkja á konuna.