Gjáin full af fólki í vanda.

Svona er íslandi í dag, flokkakjaftæðið heldur áfram og nú er baráttan um að ganga á ESB í hávegum höfð án þess að almenningur hafi nokkurn áhuga á þeirri umræðu enda er fólk í vanda ekki að velta sér upp úr þannig hugsunum, það eru stærri verkefni framundan. Samfylkingin var ekki kosin vegna, ESB þetta hitti bara þannig á að hún fékk þennan atkvæðafjölda þegar fólk fór með Ugla sat á kvisti og setti síðan X við endapuntinn. Ég legg til að á meðan þið eyðið tímanum í karp þá væri gott að ráða fagfólk kannski 10 manns til að koma okkur þjóðinni til hjálpar og gott væri að þið tækjuð ykkur langan tíma til þess að mynda stjórn, allavega þann tíma sem fagfólkið þarf til að koma efnahagslífinu í lag.

Stjórmálafólk, vinsamlegast snúið ykkur að fólkinu sem er í gjánni sem þið eruð að reyna að brúa eins og stendur en málið er að brúin hefur ekki verið smíðuð og því traðkið þið bara á fólkinu sem undir er á meðan gjáin er óbrúuð, Hættið brúarsmíðinni og haldið ykkur öðru megin við gjánna og látið kaðlana síga niður og náið okkur upp strax næstu daga því við erum að kafna vegna fjöldans sem er komin í gjánna.

Ég trúi því ekki að þið haldið að þið séuð búin að aðstoða þjóðina í þrengingunum og ef svo er þá eruð þið einfaldlega ekki fólkið sem við þurfum á að halda. Ég hef spurt fjölda fólks þeirrar spurningar hvort aðgerðir stjórnvalda hafi hjálpað eitthvað upp á efnahag viðkomandi og hef ég einungis fengið sama svarið frá öllum, NEI EKKERT. Þarna erum við trúlega að tala um ca 100 manns sem hafa svarað mér eins og ætti það að segja eitthvað um ástandið.  

Óbrúuð gjá í ESB-máli

Er stjórnarkreppa að skella á?

Því miður þá sé ég ekki nokkra glætu í því sem er að gerast í íslenskum stjórnmálum þessa stundina. Það er ekki nokkur glóra í því að VG svíki sína stefnu og kjósendur með því að fara í stjórn sem vill sækja um ESB aðild, það er ekki mikið vit í því fyrir Framsókn að fara í stjórn með Samfylkingu sem hefur ekki á sinni stefnu að koma heimilinum til hjálpar nema að koma sínum málum að og afskrifa hluta af skuldum og koma hjólunum af stað á nýjan leik. Sjálfstæðisflokkurinn er ekki með í dæminu enda ekki stjórntækur eftir afhroðið. Borgarahreyfingin er óskrifað blað sem engin veit neitt um og því kemur upp sú spurning hvort ekki er stjórnarkreppa að skella á.

Það verður fróðlegt að sjá það sem framundan er og það verður líka fróðlegt að vita hvort skýrslan fræga sem við fengum lítið að vita um fyrir kosningar varðandi afskriftir bankanna sé rétt. En þetta kusum við yfir okkur og verðum við trúlega að taka þeim afleiðingum með þyngri byrgðum næstu mánuði og ár. Ég bakka ekki með mína skoðun að leið Framsóknarmanna er sú eina og sanna enda ekkert gerst í að bjarga þeim sem bjargað verður frá því hrunið varð. Þeir eru nokkrir sem tala um að sú leið kosti peninga, þá segi ég, hvað hefur þetta allt kostað okkur almenning og hvers vegna eigum við að moka flórinn eftir óreiðuna og borga allan pakkann og að lokum niðurfærsluleið mun skila peningum fljótt til baka í ríkiskassann svo allt tal um kostnað er bara vitleysa.

Evrópumálin erfiðust

Eina og rétta leiðin.

Ég er orðin sannfærður um að þessi niðurfellingarleið er sú eina rétta í stöðunni og alveg lífsnauðsynleg og hún skilar sér strax. Ég skil ekki hvers vegna fólk ætlar að kjósa yfir sig flokka eins og VG og Samfylkingu því leiðir þeirra munu alls ekki duga og ekki hafa þeir flokkar getað sýnt fram á að þær dugi enda fásynna að halda það. Það hlýtur að vera betra að kjósa Framsókn sem ætlar í aðgerðir strax, ekki veitir af. Við vitum öll að spilling hefur verið í öllum flokkum og enginn frír þar nema kannski nýjustu framboðin. Einhver kann að segja að VG sé ekki spilltur flokkur en ég minni á björgun tveggja fjármálastofnana fyrir nokkrum dögum síðan sem er ekkert annað en spilling.

Mikilvægustu kosningarnar

Sko þarna kom eitthvað af viti.

Það er alltaf gaman að geta lesið svona fréttir sem segja allt sem segja þarf og ástandið í hnotskurn. Auðvitað áttu stjórnvöld að vera búin að færa niður skuldir heimilanna það er ekkert annað hægt og ég hlusta bara ekki á þetta rugl um að hægt sé að lengja í skuldunum og fara fram á að fólk eyði öllu sínu lífi í allt of háar afborganir af skuldum vegna efnahagshruns þjóðar.

Niður með skuldirnar strax og þá geta hjólin farið að snúast á nýjan leik og mun fleyri fjölskyldur munu þrauka þetta af. Kjósum Framsókn, því þetta er þeirra leið. 

Þörf á tafarlausum aðgerðum í þágu heimila

Framsókn er niðurstaðan

Það er búið að vera mjög erfitt að taka ákvörðun um hvað á að kjósa sem fyrrverandi Sjálfstæðismaður, var lengu vel að spá í að skila auðu en held að það sé nauðsynlegt að kjósa þó það sem maður hefur trú á að geti hjálpað okkur.

Sjálfstæðisflokkurinn er úr myndinni.

VG er of afturhaldssamur flokkur að mínu mati og síðan fór illa í mig þessi misnotkun hjá Steingrími á valdi sínu að forða tveimur fjármálastofnunum frá falli með því að lána þeim peninga af almannafé á 2% vöxtum á meðan allir stóru bankarnir eru fallnir (spilling) af verstu gerð og boðaðar skattahækkanir munu ekki skila því sem VG er að hugsa um, hvað verður td um fjármagnstekjuskatt þegar fjármagnstekjur verða nánast engar þegar vextir eru orðnir lágir og verðbólga kannski engin eða jafnvel verðhjöðnun. Eignaskattur er ánýðsla á eldra fólki sem á eignir en hefur lágar tekjur og á engan rétt á sér.

 Samfylkingin er að leysast upp í vitleysu, einn vill þetta og annar vill hitt og stefnir í að ekki verði hægt að mynda áframhaldandi ríkisstjórn vegna evrópumála sem mér finnst ekki að eigi að vera stórt kosningamál heldur á stóra málið að vera, aðgerðir strax fyrir heimilin.

Minnstu flokkarnir eru ekki að mínu skapi svo að eftir að hafa lesið stefnuskrá Framsóknarmanna er ég ákveðinn að kjósa þá, persónulega finnst mér Sif hefði átt stíga til hliðar er þarna er mesta endurnýjunin og stefnuskráin er mjög vel uppsett og hún er raunhæf og niðurfærsluleiðin er fær að mínu mati og eina leiðin sem getur skilað okkur mörgum þrepum ofar í kreppunni á stuttum tíma.

Ég hvet fólk að hugsa sinn gang vel og kynna sér málin og kjósa rétt og muna að það gerir ekki neitt fyrir okkur að ætla að bíða í 4 til 6 ár eftir að ESB aðild, það sem við þurfum eru aðgerðir strax eftir kosningar. Satt að segja var ég bjartsýnn á núverandi stjórn er hún er margbúin að sýna að hún hugsar einungis um valdabaráttu og innanflokks mál en ekki okkur almenning og það getur ekki verið það sem við viljum.  

Margir ætla að skila auðu

Fáránlegt dæmi um hækkun kostnaðar.

Okkur hjónunum datt í hug í byrjun árs 2007 að prófa að taka bifreið á einkaleigu því okkur sýndist að það væri ekki dýrara heldur en eiga bifreið ef maður reiknaði dæmið til 3 ára og er þá búið að reikna inn smurkostnað sem er innifalin í leigunni og síðan viðgerða og viðhaldskostnað sem alltaf fellur til en er á ábyrgð bifreiðaumboðsins í þessu tilfelli.

Við tókum bifreið á leigu sem kostaði 3.070.000 kr og var leigan 57.000 kr á mánuði í febrúar 2007, lánið var gengistryggt 50% og hinn helmingurinn verðtryggður (sem betur fer). Leigan þróaðist þannig að meðalleiga fyrir árið 2007 var 665.796 eða 55.483 á mánuði vegna þess að hún lækkaði á tímabili vegna styrkingar krónunnar.

Leigan var 934.008 fyrir árið 2008 eða 77.834 á mánuði eða hækkun um 268.212 á milli ára og þá var okkar reikningsdæmi dottið upp fyrir sig, krónan hafði eyðilagt dæmið og það var ekkert vit í þessu lengur en við erum bundin þessum samningi í 3 ár.

Eins og staðan er í dag lýtur út fyrir að leigan fyrir þetta ár verði á bilinu 1.100.000 til 1.200.000 eða um tæplega 100% hækkun á 3 árum en þetta er allt í fínu lagi að mati ríkisstjórnarinnar okkar, lausnin er bara að lengja í lánunum og hlaða upp vaxtakostnaði og fara svo með stæl á hausinn þegar kemur að því að greiða að nýju.

Það má segja að þótt samningurinn okkar hafi orðið um 700.000 króna hærri á leigutímanum en við reiknuðum með þá verðum við laus frá bifreiðinni þegar við skilum henni og sitjum ekki uppi með gríðarleg afföll af henni eins og flestir bifreiðaeigendur þurfa að þola. Ég heyrði af bifreiðaviðskiptum um daginn þar sem bifreið sem á var sett 3.000.000 var seld á 1.800.000 sem er 40% afsláttur frá ásettu verði, þarna er fólk líka að tapa miklum fjárhæðum fyrir utan gríðarlegar hækkanir á gengis og verðtryggðum bílalánum.

Frábært framtak hjá FÍB að vekja máls á þessum þjófnaði, það eru svo sannlega mörg heimili að sligast vegna bifreiðakostnaðar eins og FÍB bendir á.

Óska eftir upplýsingum stjórnmálaflokka vegna bílalána

Staðreynd

Sama hvað flokkurinn heitir, það þarf að lækka vexti strax.

Stjórnmálamenn ákvarði vexti

Fengu slettu til baka.

Ég sé nú ekkert óeðlilegt við það að svona gerist þó ég sé ekki fylgjandi svona framkvæmdum en stjórnmálamenn hafa slett yfir okkur skuldum sem við ráðum ekki við svo það er nú ekki hættulegt þótt þeir fá smá skyr á móti það er hægt að þrífa en ekki skuldirnar.

„Þetta var bara innrás“

Er þetta áherslan í stöðunni í dag.

Það á ekki af þessu blessaða stjórmálafólki okkar að ganga þessa dagana og nú er það forstætisráðherra sem fer að rugla um fjármál flokkanna og að það eigi að fara að rannsaka fjármál þeirra 9 ár aftur í tímann. Ég á bara ekki orð yfir því að það sé endalaust hægt að eyða tíma og peningum almennings í svona rugl á meðan fjölskyldurnar ramba á barmi gjaldþrots.

Nú segi ég nei takk, vinsamlegast notið þær 100 eða 200 miljónir sem færu í svona rannsókn í eitthvað uppbyggilegt fyrir fólkið, það er búið að eyða nægu fé almennings í t.d. blessaða Baugsmálið, sá einhverstaðar skrifað að kostnaðurinn væri um 1.500 miljónir kr fyrir ekkert. 

Að lokum, það er tímabært að nota tímann í aðgerðir áður en það er orðið of seint og gott fólk, hugsum okkur vel um hvort það núverandi stjórn sem við viljum áfram? Ekki veit ég það ennþá, ég veit ekki einu sinni hvað núverandi stjórn ætlar að gera eftir kosningar ef þeir ná meirihluta, er það ekki lágmark að fá að vita hvað maður er að setja X við?

Fjármál flokkanna verði skoðuð

Léleg landsstjórn alltaf dýr

Það er talað um miklar upphæðir sem greiddar eru út í atvinnuleysisbætur en gerum okkur grein fyrir því að þetta eru smáaurar miðað hvað fjölskyldurnar hafa tapað en auðvitað hækka þessar bætur og verða háar á meðan ekki er vilji til þess að búa til störf í landinu, það er meiri áhugi á skattahækkunum heldur en nýjum störfum hjá núverandi stjórn. Samkvæmt fréttum sem eru hálfóskýrar hafnaði Steingrímur Sigfússon að framlengja niðurgreiðslusamning á raforku til garðyrkjubænda ef þetta er rétt, þá er nú ekki mikið eftir að atvinnustefnu VG.

Það vantar peningasteymi inn á þennan litla markað okkar og af því verður að vinna strax og er niðurfærsla lána að hluta til besta leiðin og störfum byrjar að fjölga á nýjan leik. 

Þurrausinn í nóvember