Jóhanna getur treyst því að ég krossa við NEI eins og meirihluti þjóðarinnar mun gera.

Ríkisstjórnin getur alveg teyst mér, mitt nei mun ekki breytast, sama hvað þið reynið til þess að breyta afstöðu minni.

„Ég treysti þjóðinni“

Mennta fólk til þess að það geti unnið erlendis?

Það er spurning hvort Jóhanna á við það að koma sem flestum af atvinnuleysisbótum í nám á sama tíma og ekkert gerist í atvinnumálum þjóðarinnar.
Er þá ekki markmiðið að nota skattpeninga almennings til þess að mennta fólk svo það geti fengið góð störf erlendis, ég sé ekki betur en svo sé.

„Misskildasta ríkisstjórn sögunnar“

Öll félög leggi fram kröfu að vanefndastjórnin fari frá völdum.

Mér finnst persónulega ekki skynsamlegt að segja upp samningum en ef öll félög landsins sem komu að samningaborðinu leggja fram kröfu þess efnis að þessi ríkisstjórn fjármálafyrirtækja fari frá völdum strax og boðað verði til kosninga án tafar sé sterkasta leiðin. Ef stjórnin ætlar sér að sitja áfram þrátt fyrir að öll helstu verkalýðsfélög landsins hafi lagt til að hún færi frá völdum þá verða þessi félög að fara fram á að fjöldamótmæli fari fram á Austurvelli.

Ef þessi leið er farin þá er það allavega leið almennings og lýðræðis sem hefur nú ekki verið mikið um undanfarið, allar aðgerðir og leiðir sem farnar hafa verið eru á móti almenning og við það verður ekki unað lengur.

Verkalýðsfulltrúar, sýnið nú hvað í ykkur býr og stöðvið þessa stjórn vanefnda.

Íhuga uppsögn samninga

Verið að rústa landsbyggðinni en hvar er verið að hagræða?

Það er alveg sama hvar er borið niður, alltaf skal landsbyggðin verða fyrir barðinu ef talað er um niðurskurð hjá hinu opinbera og svo má líka nefna stórhækkaðan flutningskostnað til landsbyggðarinnar sem er að veltast út í verðlagið, hvar eru þessar umtöluðu aðgerðir til flutningsjöfnuðar?

Það er víða á höfuðborgarsvæðinu sem má taka til og hagræða, ég vil nefna tildæmis Hagstofuna, hvar er hún til húsa, jú auðvitað í einni dýrustu götu landsins í Borgartúni en hvað er Hagstofan að gera í Borgartúni? Hvers vegna er hún ekki í ódýrara húsnæði? Vegagerðin, íbúðarlánasjóður, Ríkiskaup, Fasteignamat ríkisins og svona má lengi telja upp ríkisfyrirtæki sem eru með dýra staðsetningu miðað við þá starfssemi sem þar fer fram.
Ég myndi ætla að það mætti spara mikla fjármuni að taka aðeins til í þessum efnum en það má víða bera niður í dýrum ríkisrekstri á Íslandi, stjórnkerfið tekur bara ekki á vandanum, inn í kjarnanum sem er óþarft umfang ríkisrekstrar.
Ef tekið væri á þessum málum með festu þá þarf ekki ávallt að láta landsbyggðina verða verst úti vegna niðurskurðar. Það er tildæmis mun hagstæðari húsnæðiskostur fyrir margar ríkisstofnanir á landsbyggðinni frekar en á höfuðborgarsvæðinu.

Opinberum störfum fækkar á landsbyggðinni

Ekkert undarlegt við landflóttann og hann á eftir að aukast.

Fólk þarf ekkert að vera hissa þótt landflótti sé í hámarki þessi misserin á íslandi. Hér er bara sú staða að ekkert hefur gengið upp til þess að koma landinu upp úr kreppunni, ég hlusta ekki á neinar lygar lengur um hagvöxt og að allt sé á góðri leið hérna, hagvöxtur er vegna þess að fólk hefur verið að eyða sparnaði sínum og nú fer hann að klárast og hvað þá.

Það er verið að fara sömu fúlu leiðina hér eins og alltaf hefur verið, hækkanir, hækkanir og hækkanir sem fara út í verðlagið og hækkar lán landsmanna, sama leiðin og það segir okkur að hér hefur ekki orðið nein breyting, allt er við sama heygarðshornið. Spilling hefur aukist alveg gríðarlega eftir að þessi stjórn komst að og valdapólíkin er að tröllríða öllu um þessar mundir, það er ekki verið að hugsa um líðan þjóðarinnar, það er verið að hugsa um að halda í völd, sama hvað það kostar, völdum skal haldið.

Maður er búin að blogga svo mikið um þetta allt saman og hefur mikið af því sem maður var hræddur um að myndi gerast hér á landi því miður gerst og yfirgangur stjórnarinnar í garð almennings er loksins orðin gegnsær, okkur skal troðið inn í ESB sama þótt stór meirihluti þjóðarinnar sé á móti því og mun verða á móti því.

Landflótti áfellisdómur yfir ríkisstjórninni

Afleiðing ofsköttunar.

Þetta er bara enn eitt dæmið um ofsköttun, fólk hefur ekki ef á því að ferðast lengur. Tekjur ríkissjóðs dragast saman.

Ekki minni umferð frá 2005

Mótmælasvelti er vissulega sorglegt, svona er ísland í dag.

Maður fær bara hroll af því að lesa um þetta mál og það sem verra er að þúsundir Íslendinga lifa við ófullnægjandi þjónustu eftir að vinstri stjórnin komst að.

Sorglegt að fara þurfi þessa leið

Heimilin í vondum málum samkvæmt könnun Hagstofunnar.

Það eru mjög fróðleg skrif í DV í dag þar sem er vitnað í könnum Hagstofunnar um stöðu heimilanna í dag og þar sýnir hvað staðan er í raun erfið, allavega mikið verri en ríkisstjórnin heldur.

Heimili sem eiga efitt með að ná endum saman hefur fjölgað úr 33.100 í 62.600 eða tvöföldum frá hruni.

Endilega lesið þessa frétt og sjáið þann mikla árangur sem ríkisstjórnin hefur náð með heimilin á sama tíma og fjármálastofnanir skila tuga milljarða hagnaði.

Þetta er réttlætið.

Skelfilegar fréttir að Hreyfingin skuli íhuga að styðja þá óstjórn sem verið hefur.

Bara fá orð, ef Hreyfingin gengur inn og styrkir þessa stjórn má stimpla hana sem landráðafólk sem stuðlar að því að halda almenning áfram í gíslingu fátæktar og skattpíningar.

Breytingar á ríkisstjórninni ræddar

Takk fyrir árið kæru bloggarar, og hafið það sem best um áramótin.

Ég vildi bara þakka ykkur skoðanaskiptin á árinu en því miður þá er það nú svo að mjög margt þarflegt kemur fram á blog.is sem hinir ýmsu háu herrar og dömur þyrftu að lesa til þess að komast í takt við þjóðfélagið.

Íslendingar eiga skilið að stjórnvöld hlusti á þá og forgangsraði eftir efnum til þess að það mannlega fái að blómstra en ekki einhverjir draummórar einstakra embættismanna sem hafa vald til þess að láta sitt blómstra en gleymir öllum hinum sem þurfa að blómstra líka, fátækt á ekki að líðast á íslandi í þeim mæli sem hún er og þar þarf að lyfta grettistaki.

Ég vona bara að næsta ár verði ár fólksins sem á landinu býr, alls fólksins, enga mismunun og sátt verður að nást um hin ýmsu mál.