Hreyfingin komin í flórinn með stjórnarflokkunum.

Jæja þessu átti ég ekki von á og nú er útilokað fyrir Hreyfinguna að ná inn neinum þingmanni í næstu kosningum, þvílíkur skandall.
Hvernig dettur Hreyfingunni í hug að ríkisstjórnin fari allt í einu að gera eitthvað sem kemur almenningi vel eins og skuldaleiðréttingu, það er ekki á stefnuskrá Jóhönnu og Steingríms að fara í aðgerðir til skuldaleiðréttinga, þau gáfu sjálf út yfirlýsingu að nú væri búið að gera allt sem hægt er að gera í þeim málum og þar við situr. Það rétta hefði verið að Hreyfingin gæfi út yfirlýsingu þess efnis að hún myndi ekki verja ríkisstjórnina falli ef vantraust kæmi fram þá ætti hún séns í næstu kosningum að koma þingmönnum inn.
Þetta fólk veit greinilega ekki af því að 70 til 75% þjóðarinnar býður eftir að losna við sitjandi stjórn svo megi fara að byggja hérna upp á nýjan leik.

Munu verja ríkisstjórnina vantrausti

Ólafur er yfirburðamaður sem forseti.

Ólafur hefur sannað enn einu sinni að hann er yfirburðamaður sem forseti landsins og mun verja almannahagsmuni eins og hann hefur gert hingað til.
Hvað þátt Jóhönnu varðar þarf nú ekki mörg orð og ætti hún að líta í eigin barm.
Þjóðin þarf ekki nýjan forseta á þessum erfiðu tímum því það eina sem við höfum til þess að verja hagsmuni almennings er sitjandi forseti
hr. Ólafur Ragnar Grímsson og er það skilda okkar að styðja hann áfram.

Vísar ásökunum á bug

Þetta er of grænt fyrir VG.

Þetta er of gott og spennandi til þess að málið fari í gegn á alþingi með þetta afturhaldslið í stólunum en ég var nú að ræða þetta bara síðast í gærkvöldi við tengdson minn, hvað við drægjum alltaf rassgatið í góðum málum eins og þessum og skömm af því að Ísland skuli ekki vera komið miklu framar í þessum málum.

Flytja inn 100 rafbíla í sumar

Búið að henda 250 milljónum í ekki neitt, alltaf til peningar í þannig rugl.

Við erum að tala um lög sem taka gildi sennilega um áramót og þá eru 6 mánuðir eftir hjá þessari ríkisstjórn sem á alltaf peninga í gæluverkefni sín sem engu máli skipta. Því er haldið fram að það þurfi 250 milljónir að byggja undir nýtt ráðuneyti, eigum við ekki yfirdrifið nóg að auðu húsnæði. Það mætti skoða að flytja eitthvað af þessum stofnunum í tómar deildir á Landspítalanum sem dæmi en hann er ekki hægt að reka að fullu vegna peningaleysis.
Þegar ný stjórn tekur við á miðju næsta ári verður það fyrsta verk hennar að breyta þessum lögum til baka og er þá ekki búið að eyða kröftum og peningum í eitthvað sem skiptir nákvæmlega engu máli?

Breytt stjórnarráð samþykkt

Er Ísland á leiðinni í þrot? Allavega þarf að bretta upp ermar, strax.

Þegar maður tekur saman þann pakka sem á þjóðinni dynur þessar vikurnar hlýtur maður að spyrja sig hvort verið sé að leiða landið í þrot.
Það eru mörg mál sem ýta undir þennan slæma grun og ef við skoðum nokkur dæmi þá er þetta niðurstaða mín án þess að ræða sérstaklega hækkandi vexti og verðbólgu.

1:Virkjanir færðar í biðflokk eingöngu vegna þess að nokkrar manneskjur á alþingi vilja ekki virkja en virðast ekki gera sér grein fyrir hvaða afleiðingar það hefur og gríp ég hér inn í grein sem birtist á Vísi í gær þar sem skýrsla Gamma sem unnin var fyrir ríkisstjórnina var kynnt og leyfi ég mér að vitna beint í greinina.

Samkvæmt matinu munu fjárfestingar í orkuframleiðslu og flutningi dragast saman um 120 milljarða króna á árabilinu 2012-2016 og fjárfestingar í orkufrekum iðnaði og afleidd áhrif munu dragast saman um 150 milljarða króna. Samtals verður því fjárfesting og afleidd áhrif um 270 milljörðum króna minni en ella á umræddu tímabili. Uppsafnaður hagvöxtur verður 4-6% minni fyrir vikið og atvinnulífið verður af u.þ.b. 5.000 ársverkum á þessu fjögurra ára tímabili.

2: Sjávarútvegur er settur undir hamarinn samkvæmt hörmulega illa unnu frumvarpi Steingríms en það á að reyna að þvinga þessu í gegn og síðan eiga síðari ríkisstjórnir taka við rústunum og koma sjávarútveginum í lag á ný. Það er nefnilega til önnur leið sem virkar, einfaldlega að setjast niður með mönnum og skoða málið á faglegum nótum og finna leið sem allir geta verið sáttir við. Ég hef það á tilfinningunni án þess að hafa unnið neitt til sjós að þarna sé verið að gera skelfileg mistök sem verða ekki aftur tekin.

3: Skuldavandi heimila eykst enn þrátt fyrir fjölda leiða sem ríkisstjórnin hefur verið að reyna án árangurs, vandinn eykst og það eru hundruðir eða þúsundir fjölskyldna á leið í gjaldþrot á næstunni. Þarna hafa verið gerð gríðalega mörg mistök að mínu mati.

4: Atvinnumál er bara ekki hægt að ræða því það er engin atvinnustefna til í landinu í dag og það eitt og sér gæti hrakið okkur í þrot því ríkissjóður hlýtur að fara tapa miklum tekjum þar sem minna og minna kemur frá atvinnulífinu og ég tala nú ekki um þegar ofangreind mál fara að bíta líka.

5: Fjárfestingu virðist vera haldið frá landinu þar sem hvert dæmið á eftir öðru virðist hrynja þrátt fyrir undirritaðar viljayfirlýsingar erlendra aðila sem hætta svo við að fjárfesta hér vegna þess einfaldlega að engin veit hvað gerist hér á landi í atvinnu eða skattamálum. Það er engin stefna til þess að örva erlenda fjárfestingu en ef einhver er ekki sammála mér og heldur öðru fram þá verð ég kannski að sætta mig við að það sé til stefna en þá er sú stefna bara ekki að virka og því óþörf.

Ég er hræddur um að við séum á hraðri leið á botninn ef ekki verður brett upp ermar, spítt í lófana og farið að vinna.

Guðbjartur er maður vonbrigðanna, hvað eftir annað, hvað segir það???

Enn einu sinni vonbrigði, hvað segir það um vinnubrögð vinstri stjórnarinnar sem hann situr í?

Launamunurinn mikil vonbrigði

Aðgerðir verða kynntar seinna, kannast einhver við þetta.

Þegar Hreyfingin segist muni styðja vantrausttillögu gegn ríkisstjórninni þá er það vegna verka hennar til þessa, því engin veita hvaða skandal hún á eftir að gera á næstu vikum. Hreyfingin verður því að taka hreina og beina afstöðu að styðja tillöguna en ekki ef ríkisstjórnin muni gera eitthvað, hún hefur ekki gert neitt af viti hingað til og hvers vegna ætti að verða breyting á því? Þessi stjórn verður að fara strax til að lágmarka skaðann sem hún stendur fyrir og allir sem styðja það góða verkefni eiga hróst skilið.

Tilbúnir að styðja vantraust

Verða engar framkvæmdir á Íslandi fyrr en haustið 2013?

Það virðist vera alveg sama um hvaða framkvæmdir eru um að ræða á íslandi undanfarin 3 ár, þeim er rústað, frestað eða að hlutaðeigandi treysta sér ekki að framkvæma á meðan núverandi stjórn situr á Íslandi vegna óvissu um í hvaða skattaumhverfi landið verður í næstu viku, það örar eru breytingar á álögum hér á landi. Ég segi að ef það á að leggja Vaðlaheiðagöng til hliðar og byrja á því að undirbúa næstu göng næstu 3 árin þá er vonin farin að eitthvað gerist hér á landi næstu 14 til 20 mánuðina því það mun taka nýja stjórn tíma að breyta öllum skattalögum og reglugerðum til einfaldari og réttalátari gjaldtöku en nú er og láta atvinnulífið rúlla af stað til þess að auka tekjur ríkisins og koma okkur á rétta braut á ný. Við ráðum ekki við heimskreppur eða bankakreppur en atvinnulífið er það sem mestu máli skiptir og því eykst tjónið með hverri vikunni sem líður með þetta afturhaldsfólk við stjórn. Mér er alveg nákvæmlega sama hvað gríndómurinn sagði í gær, við eigum að taka á framtíðinni en ekki því sem liðið er en það virðist skipta öllu máli á alþingi í dag að tala um það sem engu máli skiptir í dag því það er liðin tíð.
Ef menn telja að það sé í lagi að leggja þránd í götu sjávarútvegs á Íslandi ofan á allt annað sem á undan er gengið þá segi ég bara, Landsdómur bíður ykkar.

Skattgreiðendur verði ekki blekktir

Vitlausasta frumvarp sem lagt hefur verið fram í sögu landsins?

Það lítur þannig út að Steingrímur sé að setja enn eitt metið á alþingi, hann á lengstu ræður sögunnar í málþófi sem hann er svo á móti í dag. Hann hefur trúlega svikið flest kosningarloforð allra og nú leggur hann fram sjávarútvegsfrumvarp sem er alveg kolvitlaust og í raun bara landráð að leggja svona þvætting fram.
Við erum með eitt besta fiskveiðikerfi heimsins og framleiðum eitt besta hráefni sem fáanlegt er í heiminum og verðmæti aflans er gott.
Þetta er ávinningur af þeirri stefnu sem rekin hefur verið og veiðireynsla er það verðmætasta sem við eigum í þessi landi og óðs manns æði að rústa því sem áunnist hefur þjóðarinnar vegna.
Útgerð í landinu er að greiða mjög mikla fjármuni til ríkisins nú þegar svo ekki sé talað um öll þau störf sem hún skapar og öll þau þjónusta sem hún kaupir, þetta má bara ekki tala um virðist vera.
Nýliða umræðan er stórhættuleg og er hún einungis til þess að friða einhverja þingmenn sam hafa lofað að breyta einhverju, bara breyta, sama hvað það kostar.
Þetta frumvarp verður að draga til baka og byrja alveg upp á nýtt á nýjum forsendum og alveg lágmark að þeir þingmenn sem vilja breyta hlutum kynni sér þá mjög vel og viti hvað breytingar kosta og hvaða akkur er vegna breytinganna sem þeir boða. Það er lágmarkskrafa að þetta fólk sem starfar á launum frá okkur almenningi vinni sín störf faglega en ekki á þann hátt sem nú viðgengst á alþingi, ég á við alla þingmenn ekki einungis stjórnarþingmenn.

Fantaleg samkeppnisskilyrði

Skipun að ofan.

Það liggir í loftinu hver bað Ólínu að koma með þetta innslag.

„Sennilega til að niðurlægja hann ekki“