Hvaða hrokaháttur er þetta eiginlega.

Ég held að það sé eitthvað meira en lítið að hjá Steingrími og Jóhönnu, það er ekkert búið að semja um icesave og það veit enginn hvenær eða hvort það tekst yfirleitt og auðvitað eiga allir að mæta og fella gamla samninginn það er bara okkar skilda sem lýðræðisþjóð, eru ekki stjórnleysingar kallaðir hættulegasta fólkið, fólkið sem ekki myndar sér skoðanir og hefur ekki áhrif á gang mála í þjóðfélögum, það hef ég heyrt og lesið um en kaupi það ekki dýrara en ég sel það.

Þá er komið að því á sunnudaginn að þau segja bæði af sér hjúin en það væri ekki eðlilegt ef þau sætu áfram ef búið er að fella þeirra eigin vinnubrögð. Vonandi fáum við eitthvað fólk í stólana sem getur byrjað að endurreysa landið og aðstoða illa stödd heimili.

Steingrímur: Ólíklegt að ég kjósi

Æi, hættu nú þessum endurtekningum, það er búið að vera stutt í lausn í marga mánuði.

Það er alveg ótrúlegt að hlusta á tvíeykið hana Jóhönnu og Steingrím koma á sitthvorum fjölmiðlinum í marga mánuði og segja bæði alltaf það sama "það er stutt í lausn á ICESAVE" allavega hundrað sinnum höfum við heyrt þetta og ekkert að marka hvað þau segja. Þetta er örvænting.

Æ, ég ætlaði ekki að blogga um icesave fyrr en eftir laugardaginn en ég viðurkenni þó mistökin. 

Segir ekki langt í land í Icesave-deilu

Er ekki komið nóg af þessi bulli öllu saman.

Maður er nú alveg búin að fá upp í háls af þessu ruglmáli og ég rak augun í frétt í gærkvöldi þar sem talað var um að íslendingar væru með nýtt tilboð þar sem höfuðstóllinn hafði verið hækkaður frá síðasta tilboði sem bretar og hollendingar hafa verið að melta, sem sagt, eftirgjöf sem er nú ekkert nema uppgjöf í þessu máli.

Nú segi ég í síðasta skipti fyrir laugardaginn varðandi Icesave, kjósum öll, það skiptir máli að sem allra flestir kjósi, enga leti, mæta á kjörstað og kjósa á móti þessu, ólögum og sjáum til þess að fólk út í evrópu átti sig á því að ekki er sjálfsagt að stjórnvöld traðki á því og láti það greiða skuldir fjárglæframanna.

Síðan fer málið fyrir dóm og við vinnum það þar er það ekki málið?

Utanríkisráðherra bjartsýnn

Enga embættismenn í viðræður.

Alveg dæmigert að blanda slöppum embættismönnum inn í viðræðurnar, dæmt til að misheppnast að ná samningun.

Fundur fyrir hádegi

AGS eru bara glæpasamtök.

Þarna eru á ferðinni glæpasamtök sem eru skipuð fjármagnseigendum sem gera allt til þess að hirða upp bestu bitana þar sem þeir drepa niður fæti, það þarf ekki mörg orð um þetta mál því búið að að skrifa tugi greina þar sem vinnubrögð AGS er fordæmd. Fólk verður að átta sig á því að ímynd íslands er að styrkjast og mun styrkjast enn frekar, hvers vegna, jú, vegna þess að við stöndum í fæturnar og látum ekki bjóða okkur hvað sem er, þá á ég auðvitað við almenning en ekki ríkistjórnina. Það hefur alltaf verið hægt að fá lán frá fleirum en AGS og norðurlandaþjóðum. Við erum að svínbeygja breta og hollendinga og gerum það sama við AGS klíkuna.

 

Vilja hafna aðstoð AGS

Er þráhyggja að plaga hjúin eða eru það stjórnarlokin?

Ég spyr, hvers vegna ættum við að einangrast hvað höfum við gert af okkur til þess að einangrast? Þegar stórt er spurt er oft fátt um svör, þarna er verið að deila um lög og reglur sem hefur verið gert  frá fyrstu tíð og er kallað "engin er sekur fyrr en sekt er sönnuð". Við íslendingar þurfum að fá dóm til þess að fá það staðfest hvort við eigum að greiða skuldir Björgúlfanna og ef við eigum að gera það þá gerum við það en ef dómur fellur okkur í hag þá gerum við það ekki.

Eins og staðan er í dag þá er ég ansi hræddur við að Jóhanna og Steingrímur séu lasin og nauðsynlegt að senda þau í blóðprufu og fá úr því skorið hvort það sé þráhyggja sem er að plaga þau eða hvort það er kvíði fyrir starfslokum sem ráðherra. Eitthvað er að, því viðræðum er lokið og þarf ekkert að velta sér upp úr því lengur og nú kjósum við.

Það eru fleiri þjóðir en ESB þjóðir í heiminum sem geta lánað okkur þetta smotterí sem vantar til þess að geta greitt að lánum í lok næsta árs en ég held að tímanum sé best varið í að afla tekna til þess að greiða af lánum en ekki taka lán (það gerðu útrásarvíkingarnir) tækifærin eru gríðarleg mörg á íslandi með gengið svona skráð en það þarf þá að vinna í málinu. 

Times: Hætta á einangrun Íslands

Árshátíð VG héðan í frá 24 febrúar. ESB hátíð.

Jæja þetta er góður dagur fyrir VG og sennilega þeirra stærsta stund í lífinu, áfanganum er náð ESB aðildarviðræður framundan og við 1000 miljónum fátækari innan skamms.

Fyrir utan VG daginn mikla 24 febrúar 2010 þá rennur örugglega ekki af Jóhönnu fyrr en aðildin er komin i gegn.

En því miður þá munu íslendingar kolfella aðild svo tilgangurinn með þessu er engin.

Mælir með aðildarviðræðum

Opnaði fyrst huga þinn Steingrímur áður en þú biður aðra um það.

Alveg er þetta dæmigert, við erum að öðlast sterka stöðu á alþjóðavettvangi gagnvart Icesave og Steingrímur nánast grátbiður kúgarana að koma með eitthvað til þess að það sé hægt að undirrita það. Farðu nú bara að hugsa um þjóðina og gleymdu þessu fjárans máli, við fáum niðurstöðu úr því frá dómstólum. Ef stjórnin fellur eftir atkvæðagreiðsluna þá verður svo að vera og er ég viss um að þú kemst ekki að aftur eftir að hafa setið á stólnum í yfir eitt ár án aðgerða þjóðinni til góða.

 

Komi til viðræðna með opnum huga

Þá er það bara dómsmálaleiðin, verum bjartsýn á þá leið.

Þá virðist það vera komið á hreint loksins að ekki verður samið um Icesave beint við breta og hollendinga og er guðs mildi. Þetta hefði líka aldrei gengið með tilkomu allra þessara embættismanna, það átti eins og svo fjölmargir hafa haldið fram að láta harðsvíraða samninganefnd ganga í málið án aðkomu Steingríms, Bjarna og hinna þið skiljið mig.

Nú er bara að kjósa á móti núverandi samning og sýna sameiningarmátt okkar íslendinga og síðan verður málið sent dómstólum og síðan kemur niðurstaða eftir nokkur ár. Eftir að við fellum Icesave fellur ríkistjórnin sjálfvirkt og er von mín að utanþingsstjórn verði skipuð ekki þjóðstjórn, því ég held að það sé engin á alþingi sem getur gert nokkurn skapaðan hlut fyrir okkur landsmenn, við þurfum alvöru fagfólk með þekkingu á rekstri sama hvers lenskir þeir eru, bara að hlutirnir fari að stað aftur. Það er kannski einn ráðherra sem gæti haldið starfi sínu, það er dómsmálaráðherra sem hefur staðið sig alveg ágætlega að mínu mati.

Svona sem innskot, það var frétt í morgun þar sem kom fram að starfsmenn á plani væru í útrýmingarhættu vegna þess að bensínverð er orðið svo hátt að engin vill kaupa þá þjónustu lengur, þá spyr ég, er það ekki eðlilegt að fullt af atvinnugreinum dragi saman svo um munar við þessar aðstæður þar sem verð á vörum og þjónustu er orðið svo hátt að fólk getur hvorugt keypt en samt tókst Steingrími og Jóhönnu að reikna út að tekjur ríkissjóðs myndu hækka við allar þessar rosalegu skattahækkanir. Þetta eru greinilega algjörir snillingar.

Afþökkuðu lokatilboð Bos

Ekki eyða tíma í óþarfa rugl lengur, gagntilboð strax á kúgarana.

Þetta er nú meiri endæmis vitleysan og held ég að hún aukist jafnt og þétt, það þarf að láta samninganefnindina um þetta mál og pólíttíkusarnir geta farið að sinna landinu á meðan, það eru einmitt þingmennirnir sem eru að tefja málið. Þetta tilboð breta og hollendinga er kolvitlaust og ekki þarf að eyða mörgum klukkutímum í að ræða ekki neitt. Ég skynja þetta þannig að samninganefndin vilji setja þrotabú Landsbankans á móti Icesave og búið mál ekkert vaxtakjaftæði, það er eðlilega leiðin og í raun of sanngjörn fyrir hollbretana, ef ekki, þá kjósum við um þetta mál og fellum það og síðan er það bara dómstólaleiðin, þetta er það sem amenningur vill og það er hann sem ræður för er það ekki annars?

Vilja 2,75% álag á vexti