Viðbjóðslegt landráð ef satt reynist.

Á vinnubrögðum Steingríms undanfarið ár trúi ég honum til alls og ef þetta satt reynist þá má hann fara að pakka og ákveða hvert við sendum hann til varanlegrar útlegðar og Jóhönnu með.

Grunur um leynimakk

Er ekki eðlilegt að Steingrímur fjúki?

Ég er bara að velta fyrir mér hvort það er ekki eðlilegt að Steingrímur og ríkistjórn hans og Jóhönnu hröklist frá náist samningar sem verða mun betri en núverandi samningar. Mín skoðun er sú að það sé hálfgert landráð að hafa reynt að koma þessu í gegn án þess að láta reyna á betri samninga en hann Svavar blessaður veifaði í okkur. Ég reyndar vil ekki borga krónu en ef það verður hægt að semja um þetta helvítís fokking fokk mál og koma einhverjum aðgerðum af stað hér heima þá er það örugglega þess virði. Aftur kem ég með þá skoðun mína að hérna verði mynduð þjóðstjórn þar sem allir vinni að sama markmiði að koma hjólum atvinnulífsins af stað og afskrifa í hvelli 30 til 35% hjá almenningi og meira hjá þeim sem þurfa. Síðan að lokum, Íraksumræða á alþingi má bíða framyfir kreppu.

Skýrist á næstu klukkustundum

Sýnið hnefana samningarnefnd, Landsbankann eða ekki neitt?

Það er magnað að við skulum vera komin allt í einu í þessa stöðu að geta beinlínis ógnað viðsemjendum með lýðræðislegri kosningu, það er merkileg staða. Ég er á því að þetta mál væri farsælast að leysa með því að afhenda eignir Landsbankans til breta og hollendinga og ljúka málinu þar með, ef það tækist erum við laus við þá óvissu hvað fæst úr þrótabúinu. Þetta eru kannski drómórar en mikið rosalega yrði það gott ef væri hægt að ljúka þessu máli alfarið þannig að íslendingar stæðu eftir stoltir með sitt framlag á móti ríkisstjórn Íslands. Get eiginlega ekki skrifað meira í bili er hálf óglatt eftir að hafa heyrt Jóhönnu fagna því brosandi að við séum að fara í aðildarviðræður við ESB, alveg ótrúlegt að nokkrar manneskjur skuli fagna þessu með allt niður um sig annarstaðar.

Bjartsýni um árangur í viðræðunum ytra um Icesave

ESB vantar fisk og orku, Ísland tilvalið skotmark.

Jæja það er komið að því að ausa peningum í þessar tilgangslausu viðræður og kerlingin getur sofið betur því það er hægt að fara að eyða þessum 200 miljónum sem ríkisstjórnin á aukalega undir koddanum í viðræður sem munu kannski skila því að okkur verður boðin aðild en við munum fella í kosningum. Svona er ísland í dag.

Munu mæla með aðildarviðræðum

Sendum Buchheit einan út til samninga ásamt fagmönnum.

Mikið er gott að vera búin að semja við sérfræðing að semja um Icesave ef til samninga kemur en mér er ekki sama að það séu íslenskir stjórnmálamenn í nefndinni þeir geta ekki annað en talað af sér og klúðrar málum, það segir sagan okkur. Setjum saman nefnd sem er skipuð af okkar færustu lögfræðingum og enga íslenska pólítík í málið. Tek undir það sjónarmið að afhenda eignir Landsbankans til breta og hollendinga og búið mál í eitt skipti fyrir öll.

Buchheit leiðir samninganefnd

Aðildarumsókn dregin til baka?

Ég á nú ekki von á því að umsóknin verði dregin til baka og þær 2000 miljónir sem á að eyða í tigangslausar viðræður sparaðar til þess að hjálpa illa förnum fjölskyldum á íslandi en mikið væri það nú skynsamlegt því aðild að ESB yrði felld með ca 70 til 80% ef marka ma kannanir sem gerðar hafa verið og síðan þarf ekki annað en hlusta á fólkið í landinu það vill ekki ganga í ESB.

Hvað varðar að Jóhanna gefi ekki kost á sér í viðtöl við blaðamenn í förinni er einfaldlega það að hún og Steingrímur hafa aldrei reynt að styrkja okkar málstað útávið það er ljót staðreynd og hneykslanleg.

Jóhanna í einkaheimsókn

Málið snýst ekki um hvað skilar sér frá Landsbankanum.

Jóhanna reyndu nú að fara að gera þér grein fyrir því að Icesave er krafa fólksins um sanngjarna meðferð þjóðarinnar á almannafé, það er ekki víst hvað við þurfum að greiða, um það þurfum við að finna sanngjarna lausn við breta og hollendinga. Ef Landsbankinn skilar meiru en áætlað var þá er það bara gott fyrir þjóðina ekki bara ykkur ráðherrana. Svo talar forsætisráðherra um að umsamdir vextir séu ekki háir miðað við vexti AGS, er það eitthvað skrýtið að AGS sé með háa vexti því þarna fer fyrirtæki sem er með allt á hælunum eftir að hafa skilið þjóðir eftir í holræsunum eftir að hafa rústað efnahag landanna sem þeir komu í til aðstoðar. Við skulum ekki bera okkar saman við svona ruslsjóði eins og AGS við eigum að miða við þá vexti sem eru í gangi í bretlandi og hollandi og ekkert annað kemur til greina. Ég segi enn einu sinni, reisið þið Jóhanna og Steingrímur hausinn upp af bringunni og talið röddu fólksins í landinu, það er ykkar verk og fyrir það fáið þið greitt, engan hræðsluáróður framar, takk fyrir.

Eignir Landsbankans gætu skilað meiru en áður var talið

Fagna glundroðanum og fjöldagjaldþrotunum framundan. Þurfum leiðtoga.

Hvað er fólk sem staðið hefur sig svona herfilega illa í stjórn landsins að fagna, það er einfaldlega ekkert tilefni til þess að fagna og ef talað er um að eitt ár sé síðan ógnarstjórnin tók við þá ættum við að gráta en ekki fá okkur tertu en kannski gráta þau yfir tertunni og tárin gera tertuna að einhverskonar samsulli sem ekki er gott en þá líkist hún vinnubrögðum stjórnarinnar.

Nei nú er tímabært að finna einhver utanaðkomandi aðila sem er með leiðtogahæfileika og getur staðið hnarreistur fyrir framan þjóðina og rifið hana upp úr öldurótinu, þetta er vel hægt ef réttur aðila stendur í brúnni og stjórnar skútunni í einhverja ákveðna átt en ekki láta hana reka stjórnlaust eins og verið hefur undanfarið ár. Nýjan forsætisráðherra strax sem vill vinna með okkur fólkinu, ópólítískan aðila sem hefur mikla reynsku í alþjóðamálum og rekstri, leiðtoga með bein í nefinu. Engar kosningar, bara finna foringja.

Kaka í tilefni dagsins

Passar Jóhanna, hvorki vörn né sókn.

Þetta sléttpassar hjá Jóhönnu að líta til landsliðsins sem hvorki spilar vörn né sókn þessa dagana, nákvæmlega eins og stjórnvöld.

Landsliðið fyrirmynd í sóknaráætlun

Afsögn Jóhönnu væri það besta fyrir íslendinga.

Alveg er þetta ótrúlegt að forsætisráðherra íslands skuli haga sér eins og landráðamaður út um allan heim og tala á móti málstað okkar fólksins í landinu, getur hún ekki bara sætt sig við það að við erum að fara að fella þessa ömurlega Svavars samninga í þjóðaratkvæðagreiðslu og við viljum hætta þessu ESB kjaftæði og spara þær 2000 miljónir sem eiga að fara í aðildarviðræður. Við viljum aðgerðir innanlands strax á meðan fólk hrökklast ekki burt frá þessu allherjarrugli sem hér er á ferð.

Ég fer að halda það þurfi uppþot í landinu til þess að stöðva Jóhönnu og Steingrím, þetta gengur bara ekki lengur hvernig þau tala, þau eru í vinnu fyrir þjóðina og ekkert annað á að hafa forgang en fylgja eftir vilja meirihluta þjóðarinnar. Ég vil afsögn Jóhönnu og að ráðin verði forsætisráðherra á faglegum forsendum sem treystir sér til að fara okkar máli.

 

  

Icesave skaði ekki alþjóðleg tengsl