Allt tekur sinn tíma.

Þetta er svo sem ekki mikil frétt að Icesave muni taka langan tíma í dómskerfinu en ef það gæti sparað þjóðinni hundruði miljarða þá er það þess virði og það er líka þess virði fyrir evrópu að fá dóm í svona máli sem enginn er sammála um hvernig á að leysa.

Nú er bara einbeita sér lengra austur eftir lánafyrirgreiðslu og fara að hugsa aðeins um fallandi fjölskyldur í landinu en nú virðist ljóst að holskefla er framundan á næstu vikum í þeim efnum því nú er venjulegt fólk sem tók ekki þátt í eyðslufylleríinu líka búið með sína peninga líka og þolir ekki meira. Því miður þá er hætt við að landflóttinn sé að aukast all verulega, það er allavega mikið að gera hjá skipafélögunum í búferlaflutningum. Nú duga ekki 20% afskriftir lengur, heldur erum við að tala um 35 til 40% flatar afskriftir á almenning.

Icesave tæki eitt til þrjú ár fyrir dómstólum

Áfram talar Steingrímur okkar málstað niður.

Fólk hlýtur nú er vera búið að fá nóg af málflutningi Steingríms að hann vilji bara borga Icesave sama hvað það kostar, bara borga, borga og borga.

Nú finnst mér mál til komið að Steingrímur hætti alveg að koma fram í fjölmiðlum til þessa að veikja málstað okkar sem reyndar styrkist með hverjum deginum en að hafa fjármálaráðherra á ferðinni út um allt til þess að vinna á móti okkur gengur einfaldlega ekki upp. Stígð þú nú til hliðar Steingrímur og taktu Jóhönnu með þér td í gott frí til London í góðan vinahóp og látið fagfólk vinna að þessum málum og klára þau.

NPR fjallar um Icesave-deiluna

Gott framtak Attac. Stöndum sameinaðir íslendingar.

Það er gott að Einar Már og co skuli halda þennan kynningarfund í noregi og ekki veitir af og koma okkar sjónarmiðum á framfæri eins og fólkið í landinu upplifir stöðuna, þá á ég við fólkið fyrir utan ríkisstjónina sem telst ekki með okkur þrælunum.

Ég hef orðið miklu sterkari trú á því að við eigum eftir að ná miklu betri samningum vegna þessa blessaða Icesave máls ef við stöndum þétt saman um að láta ekki kúga okkur, við höfum rétt í þessu máli og eigum því að sækja hann. Svo væri það auðvitað bara draumur ef við gætum losað okkur við AGS því það fyrirbæri hefur aldrei gert nokkuð sem sæmandi þykir fyrir nokkra þjóð sem lent hefur í sambærilegum efiðleikum en til þess þurfum við lánasamninga við norðurlönd, kínverja, rússa eða bandaríkjamenn og það sem allra fyrst. 

Attac til opins fundar í Ósló

Á að taka allar innistæður út úr Landsbankanum?

Það eru alltaf að koma fram nýjar upplýsingar um að Landsbankinn sé í raun að verða aftur eins og hann var undir stjórn Björgúlfanna. Það er farið að reka stór fyrirtæki á kostnað skattgreiðenda og virðist ekki hlustað á þá aðila sem vilja kaupa yfirtekin fyrirtæki eins og td Húsasmiðjuna en erlent fyrirtæki vildi skoða kaup á henni en ekki var hlustað á það og nú er búið að skipta þar um forstjóra og búið að koma þar fyrir manni sem er sjálfsagt vinur einhvers sem fer með stjórn Landsbankans. Það var vitað að þetta gæti gerst að einkavinavæðingin næði tökum sem hún hefur nú gert og smákóngaveldið stækkar hratt. Þar sem stjórnmálamenn styðja þessa þróun og gera ekkert til þess að stöðva hana er bara eins leið sem er því miður sú að landsmenn taki sig saman og færi allar innistæður sínar yfir í aðra bankastofnun þá er búið að stöðva Landsbankann og þá þróun sem er í gangi þar.

Afsögn Jónínu og úr landi með hana.

Þetta er alveg ótrúlegt að svona einræðishugsanir skulu skjóta upp kollinum hérna á íslandi, forsetinn nýbúin að fara eftir vilja þjóðarinnar og svo kemur þetta frá þingmanni, burt með svona landráðafólk.

Þingmaður skorar á forsetann að segja af sér

Strákarnir okkar, gott fordæmi fyrir okkur íslendinga.

Ég horfði á þáttinn með strákunum okkar í gærkvöldi á RUV þegar þeir gerður þessa glæsiferð til Peking á síðustu ólimpíuleika og gerður sér lítið fyrir og tóku silfrið. Við þetta áhorf hríslaðist um mann hrollur af allri samtöðunni og árangrinum af henni, menn ræddi málin fram og til baka og fundu ávallt niðurstöðu sem varð að árangri, þetta var þjóðarstollt sem maður fann og því miður þá hefur ekki verið mikið um það undanfarið ár en forsetinn minnti mann aðeins á þetta stolt þegar hann hafnaði Icesave.

Ég veit að margir segja að við höfum ekkert til þess að vera stolt yfir en það er einfaldlega rugl, þarna er fólk á ferðinni sem er búið að gleyma út á hvað þjóðrastolt gengur en vonandi rifjast það upp á evrópukeppninni í handbolta sem hefst í næstu viku, við getum tildæmis byrjað á því að vera stolt af því að strákarnir okkar eru með í þessari keppni. Nei góðir íslendingar, þótt nokkrir óábyrgir stjórnmála og viðskiptamenn hafi gjörsamlega skitið í buxurnar og erfitt verður fyrir þá að þrifa þær eftir sín mistök erum við enn þjóð og við erum þjóð sem hefur verið stolt af eyjunni okkar og getum verið það áfram, þótt illa ári eins og stendur. þetta er tildæmis í þriðja sinn sem ég verð fyrir eignaupptöku frá hendi stjórnvalda á 25 árum sem er skítt en við rífum okkur alltaf upp aftur sama á hverju bjátar.

Eins og staðan er í dag þá er aðalatriðið að láta ekki tvær þjóðir þjappa okkur niður, heldur rísum við upp og förum fram á það að þessu ágreiningsefni verði komið fyrir dómstóla því það er nauðsynlegt að fá úr þessu icesave máli skorið hvort við raunverulega eigum að greiða eða ekki. Það hlýtur líka að vera gott fyrir evrópubatteríið að fá dóm í svona máli og þar með fordæmi þar sem það virðist ekki á hreinu hver réttur okkar er í þessu máli. Íslendingar fellum öll Icasave ekki 75% heldur öll.

Steingrímur, bjóddu norðmönnum drekasvæðið, þá ertu laus við icesave.

Það er alltaf sama sagan með þetta blessaða stjórnarlið okkar að það ætlar sér ekki að átta sig á að við erum þjóð sem er að berjast fyrir sjálfstæði okkar og koma í veg fyrir kúgun í hæðstu stærðargráðu. Steingrímur þú átt að tala um Icesave á meðan við höfum tækifæri á en þú verður að fara að tala með þjóðinni en ekki alltaf á móti henni. Við almenningur viljum annan samning eða dómstólaleiðina og þú verður bara að sætta þig við það að þú ert í vinnu hjá okkur en ekki bretum og hollendingum eða við skulum allavega vona það. leggið nú áherslu á að reyna að koma af stað nýjum viðræðum með alla flokka með ykkur því við höfum ekkert með kosningar að gera eftir að núverandi samningur verður felldur í kosningu.

Síðan þar sem óhefðbundið ástand er í gangi þá má kannski reyna óhefðbundnar leiðir eins og að ræða hvort norðmenn séu til viðræðu að taka yfir drekasvæðið gegn því að greiða erlendar skuldir okkar upp, við munum ekki hafa efni á því að gera þarna nokkurn skapaðan hlut næstu áratugi enda ekki okkar sérsvið. það hefur líka sýnt sig að við erum bara ekki hæf til þess að semja um leit á þessu svæði þar sem landið er orðið svo áhagstætt skattalega séð að ekkert fyrirtæki vill hefja leit við þessar aðstæður, við getum vel lifað á núverandi auðlindum okkar og förum létt með ef rétt er staðið að málum.

Önnur leið er að setjast niður með norðurlandaþjóðunum að standa ekki upp aftur fyrr en komin er samningur um að þær láni okkur það fé sem þarf til á 3% vöxtum sem sparar okkur 50 miljarða ári miðað við vextina í núverandi icesave samningi. Þetta er engin rosa upphæð fyrir allar norðurlandaþjóðirnar, veðið á bakvið lántökuna getur verið Drekasvæðið en ekki almenningur.

Reynið nýjar leiðir því þetta sem gert hefur verið hefur engu skilað hingað til.

 

Ríkisstjórnin í vandræðalegri stöðu

Öfugmæli, nú er umheimurinn að átta sig.

Það er undarlegt að heyra prest tala svona þegar það er stuðningur við íslendinga vex á undraverðum hraða og nú er umheimurinn að átta sig á hvaða kúgun á sér stað frá hendi breta og hollendinga, er presturinn á styrk frá Steingrími og Jóhönnu eða hvað?

Ég segi að mér varð ótrúlega létt er forsetinn hafnaði lögunum og í raun kom á óvart hvað tilfinningin varð sterk að finna að lýðræðið heldur og það bar á því að manni vöknaði augu og stolt barst fram í brjósti manns. Þetta stóra mál snýst ekki eingöngu um að klára málið og borga eins og ríkisstjórnin er að reyna að gera. Stóra spurningin er eins og efast er um út um allan heim í dag, eigum við að greiða svona mikið eða eigum við að greiða miklu minna eða eigum við ekki að greiða neitt, það er spurningarnar sem þarf að svara áður en gengið er til samninga við þessar þjóðir. Það er skilda okkar íslendinga að fella þennan samning til þess að halda stolti okkar á lofti sem einstaklingum ekki sem útrársavíkingar heldur sem þjóð. Fellum samninginn sameinuð sem þjóð.

„Við erum líka týnd“

Svona er að hafa þjóðina ekki með sér.

Það hefur sýnt sig betur og betur að eftir því sem þjösnast er meira á fólki með því að leiðrétta ekki skuldir, hækka skatta fram úr hófi ásamt óbeinum sköttum (olía, áfengi, matvöru o.fl.) þá er ekki hægt að fara fram á að fólk fylgi þessari stefnu og þessa vegna er svona komið. Fólk skráði sig á listann fræga sem varð til þess að forsetinn tekur þessa ákvörðun sem var mjög eðlileg ákvörðun og við áttum okkur á því allt í einu að við búum ennþá í lýðræðisríki en margir voru farnir að óttast að svo væri ekki lengur þvílík hefur framkoma ríkisstjórnar gagnvart fólki í landinu verið, hrein og bein valdníðsla.

Góðir íslendingar, nú fellum við þennan samning með 80% atkvæða og förum að snúa okkur að uppbyggingu þjóðarinnar, það eru ekki stjórnmálamenn sem gera það fyrir okkur við verðum að taka völdin og byggja upp og með því að fella samninginn eru skilaboðin skýr, þetta er stefna sem við viljum ekki og nú er komin tími til þess að huga að fólkinu sem býr hér (ennþá).

Það er á valdi dómstóla að skera úr um kröfur breta og hellendinga á íslendinga.

Endurreisnaráætlun í uppnám

Glæpamál í vændum, Ice crime málið.

þetta grunaði mann alltaf að svona færi þegar menn eru pólítískt skipaðir til þess að taka að sér mál sem þeir eru alls ekki hæfir til að taka að sér og þetta vissi öll þjóðin en Steingrímur kaus þessa leið. Hvers vegna voru ekki færustu lögmenn þjóðarinnar fengnir til þess að reyna samninga í málinu, þetta er ekkert smámál sem hægt er að senda einhvern útbrunnin pólítíkus til þess að semja um. Nú skulum við fella þennan samning og láta reyna á dómstólaleiðina það er bara ekkert annað þjóðinni bjóðandi úr því sem komið er.

Að lokum, stjórnin segi af sér á stundinni aðgerða sinna á árinu vegna en hvort eitthvað betra getur tekið við veit engin því það er búið að stúta öllu sem mögulegt er að stúta.

Gleðilegt nýtt ár bloggarar.

Guðbjarti misboðið