Er verunni á bekknum að ljúka?

Það verður nú að segja til hamingju með titilinn Eiður Smári en vonandi er bekkjasetunni að ljúka hjá þér og það verður gaman að sjá þig stjórna spilinu og skora mörk fyrir Tottenham á næsta ári og koma þeim í meistaradeildina? 

Eiður Smári spænskur meistari

Ömurleg staðreynd.

Þegar maður skoðar þessar tölur þá verður maður bara mát og hugsra til þeirra sem eiga eftir að lenda í mjög slæmum málum þegar fystingunni líkur, það bíður ekkert nema gjaldþrot því það er nú ekki mikið úr að spila þessi misserin.

Jóhanna og ríkisstjórn, halló heyrið þið í mér, það er fullt af fólki í vandræðum og á leiðinni í gjaldþrot, viljið þið láta allt höggið lenda á ríkissjóði eða viljið þið leiðrétta skuldir fólks og hjálpa því til þess að vinna sig úr möguleikunum? Ég hlusta en ekkert svar, því miður, það eru allir í ríkisstjórninni að hugsa um ESB.

Lántakar með frystingu inn í sumarið

Er ráðherra en á móti eigin máli.

Þetta er furðulegt nokk, þar sem Svandís er ráðherra og er hörð á móti máli sem hún er sjálf að leggja fram með þeirri stjórn sem hún situr í, er þetta eðlilegt?

Tjáir sig ekki um ESB atkvæðagreiðslu

Búum okkur undir stöðnun á gengi.

Jæja góðir íslendingar þá er nú að verða nokkuð ljóst samkvæmt fréttum undanfarinnar daga að það sem er fram undan hjá okkur er stöðnun á gengi, evran verður í kring um 170 krónur og það er nánast ekkert sem segir okkur að krónan muni styrkjast í nánustu framtíð.

Hvað þýðir þetta? Þetta þýðir einfaldlega og við þurfum að fara að gera okkur grein fyrir að svona er þetta komið og því verður ekki breytt fyrr en eftir nokkur ár, öðrum orðum að allar vörur sem innfluttar eru verða dýrar og lúxusbílarnir og annar lúxus verður að víkja og við veljum okkur ódýrari bifreiðakost og margur óþarfinn verður settur til hliðar.

Þetta eru nú bara staðreyndirnar sem eru að verða ljósra og nú verðum við bara að sætta okkur við þetta ástand og spila úr því eftir bestu getu, það sem er alvarlegast við stöðuna er fólkið sem er með gengistryggðu lánin sem eru orðin svimandi há og þannig verða þau, ríkisstjórninni finnst að þannig eigi það að vera og engra aðgerða að vænta frá þeim bænum.

Það var auðvitað vitað að AGS myndi verða með puttana í öllum okkar aðgerðum og þar með vaxtaákvörðunum og þannig verður það og það verður slagur um hver lækkunin mun verða í júní og fróðlegt að sjá hvort Seðlabankinn mun hafa vinninginn og lækki vexti myndarlega eða hvort AGS sjái til þess að vextir lækki lítið.

En það er fyrir öllu að við almenningur gerum okkur grein fyrir þeirri þrónun sem framundan er og lifum samkvæmt því og þeir sem þurfa verða bara að leita allra leiða í þessum blessuðu hengingarólum stjórnarinnar sem boðið er upp á og bíða þar til heilbrigðari stjórn kemst að. Ég reyndar skil engan vegin hvers vegna Jóhanna myndaði ekki stjórn með Framsóknarflokknum og Borgarahreifingu þar sem hefði ríkt traust innan stjórnarinnar í stað glundroðans í dag.

Vaxtastefnunni hafi verið lýst í viljayfirlýsingunni

Óstjórnin er byrjuð.

Eins og mig grunaði, það er byrjað á því að sýna gott fordæmi og fjölga ráðherrum, funda á Akureyri með tilheyrandi kostnaði og nú er það samstarfsráðherra það er nú ekki öll vitleysan eins.

Katrín verður samstarfsráðherra

Svört glundroðastjórn með enga stefnufestu.

Eftir lestur á stjórnarsáttmála svörtu glundroðastjórnarinnar eins og ég ætla að kalla hana er maður nánast orðin verulega áhyggjufullur og eiginlega þunglyndur því það er eiginlega ekki nokkur skapaður hlutur sem í þessu plaggi eykur manni von um betri daga. Ég held að það hefði bara verið betra að sleppa þeirri vinnu sem lögð var í snepilinn og Jóhanna hefði bara komið fram á blaðamannafundi að tjáð þjóðinni að nýja stjórnin myndi reyna að gera það sem hún gæti en sennilega væri ekki neitt sem hún gæti gert fyrir okkur.

Gylfi Arnbjörnsson segir að hann sé frekar ánægður með snepilinn og að Jóhanna hafði lýst því að hún tæki einarða afstöðu til að taka á skuldastöðu heimilanna, hún er búin að segja þetta margoft og hver tekur mark á henni lengur.

Það er búið að mynda stjórn sem er eins ósamstíga í stærsta gæluverkefni stjórnmálasögunnar eins og mögulegt er,  ESB og hélt ég á tímabili í gær þegar Steingrímur og Jóhanna sátu hlið við hlið á blaðamannafundi og Steigrímur var að lýsa andstöðu flokks síns við ESB mjög ákveðið að Jóhann ætlaði að vaða í hann, þvílík var heyftin á fasi hennar og mátti þakka fyrir að hún hélt sér á stólnum. Ég er ekki viss um að stjórnarandstaðan hleypi ESB málinu í gegn um þingið í skjóli þess að ríkisstjórnin er ósammála í því.

Þetta er svo máttlaus og ótrúverðug stjórn að ég ætla að halda mig við fyrri spá að hún springi í byrjun desember næstkomandi.

Góðir íslendingar það er komið að því að herða sultarólina enn frekar, á meðan ný stjórn leggur sinn kraft í ESB umræðu, ekki það sem við þurftum.

Ný ríkisstjórn

Jæja, það byrjar vel, eða hvað?

Nú á maður eftir að lesa og lesa og kynna sér hvað þessi stjórn ætlar að framkvæma og hvað verður sett í forgang svo að ég ætla nú að dæma þessa samsuðu í rólegheitum. Það sem maður tekur fyrst eftir er að það á að fjölga ráðherrum um tvo en ég hélt að það væri kreppa og þörf á að spara og skera niður er það kannski miskilningur hjá mér að það á að skera niður í ríkiskerfinu um tugi miljarða á næstunni, það segja allvega (vinir okkar) í ASG. Það jákvæða er að ráðnuneytum verður fækkað síðar en ég hefði viljað sjá ákveðnari aðgerðir í þeim málum.

Gylfi sem hefur móðgað og niðurlægt almenning að mínu mati undanfarna daga verður áfram ráðaherra, kemur mér mjög á óvart en passar alveg við þá stefnu að hlusta ekki á fólkið í landinu. Svandís í ráðherrastól sem umhverfisráðherra er nokkuð áhyggjuefni þar sem margt í fari hennar gefur vísbendingar um svipaða hegðun og Kolbrún hafði fram að færa en gefum henni séns og vonum að hún loki ekki á öll ný atvinnutækifæri vegna skoðana sinna því það er nefnilega fólk í landinu sem þarf störf.

Mál númer eitt í þessari stjórn er ESB sem áður og ekki er minnst á að lán almennings þarfnist leiðréttinga vegna óstjórnar að undanförnu en ég átti svo sem ekki von á neinum aðgerðum fyrir okkur almenning enda stjórnin búin að segja að það sé búið að redda því öllu saman. Eins og ég sagði í bloggi mínu í gær, við almenningur borgum allan glundroðann á næstu 100 til 120 árum.

Gott í bili. 

Óbreytt stjórnskipan

Áfram afneitun á ástandinu, við greiðum allann pakkann.

Það er greinilegt að það verður afneitun áfram í nýrri stjórn á skuldavanda fólks en það virðist alltaf vanta svar frá ráðafólki hvort því finnist það virkilega sanngjarnt að fólk greiði upp lán sem hafa hækkað svona gríðarlega eins og hefur gerst vegna óstjórnar. Við erum líka að tala um að lán lengist í mörgum tilfellum það mikið að fólk nær aldrei að greiða þau upp í því lífi sem það lifir í dag, eru þetta sanngjörn úrræði? Hrannar, það hlýtur að vera erfitt að koma svona fram fyrir Jóhönnu og bulla þetta framan í þjóðina.

Fyrir 20 árum síðan varð svona misgengi á lánum og eignir hröpuðu í verði og það þýddi að staðan hjá minni fjölskyldu fór úr skuldleysi í bullandi mínus svo miljónum skipti. Við fengum svokallaðar misgengisbætur í formi ávísunar frá ríkissjóði upp á 150 kr, já þetta er rétt 150 kr en við gengum út úr íbúðinni með miljónir í skuldir sem við höfum aldrei náð að hrista af okkur og greiðum enn af vegna þessa sama vandamáls sem er í gangi enn í dag, óstjórn, verðtrygging. Hvað er sanngjarnt við þetta?

Aðgerðirnar eru taldar duga flestum

Athyglisvert, leggja evrunni.

Þetta er nú hlutur sem maður hefur átt von á því að færi að gerast því það er að myndast sundrung í ESB og það er ekki eins spennandi kostur og hann var hérna áður fyrr. Því tek ég undir með þeim bloggurum sem hafa þá skoðun að við getum byggt okkur upp sjálf og við eigum efniviðinn, það þarf bara að nota hann rétt. Írarnir eru að átta sig á þessum möguleika.

Írar fleygi evrunni

Gáfuleg jöklaferð eða þannig.

Alltaf gerist þetta að ferðamenn eru að þvælast upp á fjöll og jökla þrátt fyrir að veðurspá sé mjög óhagstæð og veltir maður oft fyrir sér hvort einhver tilkynningarskilda er þegar svona ferðir eru farnar svo að vitað sé um ferðir fólks í vafasömu veðri. Það fylgir þessu mikill kostnaður að leita fólk uppi og koma því til byggða fyrir utan þá áhættu sem fylgir því að vera í leit í vitlausi veðri. En það er alltaf ánægjulegt meðan allt fer vel og engin mannskaði verður.

Bjargað af Vatnajökli