Gremja Eyjamanna mjög svo skiljanleg, óþolandi ástand.

Þetta ævintýri er auðvitað alveg ótrúlegt dæmi og eftir að ég ræddi þessi hafnarmál við mann sem vel til þekkir til fjölda ára þá var þetta dauðadæmt alveg frá byrjun vegna sandburðs að landi og síðan bætist við sandurinn sem rennur til sjávar. Þar ofan á er svo oft rok í rassgatið á skipunun sem ætla að reyna að sigla inn í höfnina að stórhætta stafar að þegar rassgatið á döllunum hendist upp í loftið og þegar það skellur niður aftur þá er dallurinn komin í allt aðra stefnu. Það hlýtur að vera djöfulegt að sigla inn í höfnina við svona skilyrði.

Það er spurning hvort Árni Johnsen hafði ekki bara rétt fyrir sér að fara bara strax í að hanna  göngin á milli lands og Eyja, það hafa allavega farið miklir fjármunir í lítið nema vandræði við þessa mislukkuðu hafnargerð. Það er samt umhugsunarefni með allan þennan hóp manna sem var alfarið á móti þessari framkvæmd, hvers vegna var ekki hlustað á þau rök sem fram komu á þeim tíma en öll hafa þau ræst í dag?

Því miður þá er nú Ögmundur ekki rétti maðurinn til þess að bregðast skjótt við og stórhætta af því að hann banni bara siglingar á milli lands og Eyja ef á eftir honum er ýtt ?

En auðvitað á að leyfa siglingar minni farþegaskipa á milli lands og Eyja ef veður leyfir.

Getum ekki staðið í logni og horft á höfnina lokaða

JÁ = Ég legg blessun mína yfir verk útrásarvíkinganna, vilt þú gera það?

Það verður að segjast eins og er að ef maður segir já við Icesave þá er maður að leggja blessun sína yfir þann þjófnað sem hér á landi hefur orðið. Þú ert að segja að þú sért sáttur/sátt við stjórnun landsins á þessum tíma, þú ert bara ánægður/ánægð með fjármáleftirlitið, fjármálaráðherra, viðskiptaráðherra, forsætisráðherra og allt þetta fólk sem gerði upp á bak á þessum tíma. Við því að segja já ertu líka að samþykkja að fjármálaeftirlitið í Bretlandi og Hollandi hafi staðið sína vakt til sóma og allt satt og rétt sem frá þeim kom. Hryðjuverkalög breta ertu líka að samþykkja með þessu blessaða já sem landráðafólkið Steingrímur og Jóhannna vilja endilega fá til þess að þröngva okkur inn í ESB.

Það getur ekki verið að þú setjir já ef þú hugsar málið til hlýtar, viltu samþykkja ofangreint eða segja blákalt NEI og bíða þess að réttlætið sigri að lokum???? 

Nei, nei og aftur nei, fyrir bjartari framtíð.

Steingrímur hefur ekki gert nokkurn skapaðan hlut fyrir Íslendinga undanfarin 2 ár og því ekki að marka eitt einasta orð sem hann segir, því segjum við að sjálfsögðu nei í kosningunum og hvet ég nei fólkið að vera duglegt að mæta og kjósa.

Hvetja félagsmenn til að kjósa já

Nýtt Ísland eða gamla Ísland áfram.

Það er alltaf verið að gaspra um að það þurfi að breyta stjórnkerfi Íslands en það er jafnóðum lokað á alla möguleika til þess að koma þjóðinni út úr því að vera lokað kommúnistaríki. Það var athyglisvert að hlusta á viðræður á Bylgjunni í morgun þar sem einmitt kom frá VG fólki að þeirra eigin flokkur væri búin að svíkja allt sem hægt er að svíkja og að flokkurinn væri orðin flokkur fjármagnseigenda. Tekjur ríkisins koma frá fólkinu í gegn um beina skatta og síðan er þeim skilað til þeirra sem eiga peningana.

Segir ríkisborgararétt ekki til sölu

Ég lýt á stjórnlagaþing sem brandara eins og það er framkvæmt.

Það á ekki af þessu volaða Alþingi að ganga hvernig í ósköpum því tekst að vinna hvert málið á eftir öðru á með þvílíkum þjösnaskap og óheiðareika að manni verður bara óglatt af þessu öllu saman. Ég er ánægður með bréf Salvar þar sem mín hugsun á þessu máli kemur skýrt fram en það má bæta við það að það voru fáir sem mættu á kjörstað og kusu til stjórnlagaþings í upphafi og þar með er ekki umboð meiri hluta þjóðarinnar til þess að sína þessu verki áhuga. Það hefur komið fram í þessari umræðu hvort tillögur stjórnlagaþings skuli fara beint í þjóðaratvæðagreiðslu þegar ráðið verður búið ljúka sínum störfum. Er það skynsamlegt eða ekki, munu 10 til 20% þjóðarinnar mæta í það skiptið tiil þess að kjósa um eittvað sem þessi ríkisstjórn mun síðan breyta, ég held að þessi stjórn sem sýnir mikla kommúnista og einræðistilburði muni aldrei hleypa þessu óbreyttu í gegn og verður þessum tillögum sópað í skúffuna og ekkert verður úr þessu annað en kostnaðurinn.

Þess vegna segi ég að þessu máli átti að ljúka eftir dóm hæstaréttar og bíða þar til alþingi væri í stakk búið að vinnna þetta mál að heilindum og samstöðu, þótt það hefðu liðið eitt til þrjú ár hefði það engu breitt nema kannski því að það hefðu verið unnið af alþingi öllu ásamt þjóðinni allri.

Veikt umboð stjórnlagaráðs

Verðtryggðu lánin komin af stað á ný. Hvar eru mótmælaleiðtogarnir?

Það er ekkert nýtt að gerast á Íslandi í efnahagsstjórn, verðbólga lækkar og verðbólga hækkar, sömu skaðræðis vísitölurnar í gangi, krónan lækkar jafnt og þétt, það er engin peningastefna í gangi, það er engin atvinnustefna í gangi, við höfum ekkert fólk við stjórn landsins sem er rekstrarlega menntað, við erum með handónýtt alþingi sem mælist varla í trausti og ofan á allt saman þá erum við með ofurskattastefnu og það er enn verið að hugsa að hækka skatta. Þetta er stefna sem setti okkur í þessa stöðu sem við erum í dag og horfum á það eins og það er blákalt, sama hvoru megin þið ágætu lesendur eruð í pólítík (ég er hvoru megin í dag) þetta er niðurstaðan af svokallaðri norrænu velferðastjórn sem er orðatiltæki sem ég hef aldrei skilið, svipar til orðsins gegnsæi?

 Það er verið að spá í að draga saman ríkisútgjöld í Bretlandi og það eru mörg hundruð þúsundir manna á götum úti að mótmæla en hér á Íslandi þar sem staðan er hundrað sinnum verri sitja allir heima og bíða eftir því að þjóðin fari í gjaldþrot í stað þess að standa upp og reka þessa stjórn frá völdum og fá utanþingsstjórn til valda hér, alla vega næsta árið til þess að koma einhverju í verk hér á landi. Icesave mun engu breyta, alveg sama hvort það verður fellt eða samþykkt, svo felum okkur ekki á bak við það. Nú vil ég sjá góðan leiðtoga teygja úr skrokknum og blása til alvöru mótmæla, því staðan er mörgum sinnum verri nú heldur en þegar síðustu mótæli voru haldin á Austuvelli en skiluðu engu því miður. 

Verðbólga eykst

Ég er ætla að huga að komandi kynslóðum og set því X við NEI.

Það er alltaf gaman að lesa skoðanir fólks á Icesave því það eru svo oft sömu rökin með og á móti en mikið er ég búin að kynna mér og lesa um Icesave og er því alveg ákveðin fyrir þjóðarhag að hafna þessum samning. Það er fyrst og fremst vegna þeirra ofurvaxtagreiðslna sem mun lenda á fólkinu eftir nokkur ár og þá blasir gjaldþrotið við. Það má tildæmis spurja Íslendinga hvort þeir vilji greiða skuldir eins og Húsasmiðjunnar, Steypustöðvarinnar og Vallá sem urðu gjaldþrota, viljið þið það, ef ekki þá á það sama við um Landsbankann.

Segja já við Icesave

Inga Lind tekur ekki sæti, telur að um sniðgöngu við Hæstarétt sé að ræða.

Mér finnst frábært að sjá einstaklinga standa upp og segja við þessa háu herra og dömur á alþingi að nú sé nóg komið þegar þingið er farið að taka einhliða ákvarðanir á móti Hæstarétti. Ég vona bara að aðrir sem kosnir voru af sárafáum Íslendingum í sögufrægri kosningu taki í sama streng og fari fram á nýja kosningu og að krafa verði að 50% kosningabærra manna taki þá í henni svo hún sé lögleg, það er lýðræði. Ætlum við ekki annars að reyna að búa til nýtt og réttlátt Ísland?

 Inga Lind: Til hamningju með þessa ákvörðun.

Frábært að einkaframtakið er að vakna.

Þetta eru bara gleðilegar og jákvæðar fréttir.

Milljarðasamningur um rafbíla

Jæja þá er þínum tíma lokið Jóhanna.

Nú er ljóst að Jóhanna mun segja af sér bæði vegna þessa máls um jafnréttislög og vegna þeirra vandamála sem hún hefur komið þjóðinni í. Hún má eiga það blessunin að hún var góður heilbrigðsráðherra og bætti mjög kjör þeirra lægst launuðu en hirti það síðan allt til baka sem forsætisráðherra, Já svona er nú ísland í dag.

Sakaði ráðherra árið 2004 um vankunnáttu á jafnréttislögum