Ásmundur er nú stígandi Framsóknarmaður, gott hjá honum.

Mér lýst vel á Ásmund að velja flokk sem hefur tekið til í sínum herbúðum, svona allavega að mesti leiti og ég spái því að Framsóknarflokkurinn eigi eftir að verða forystuflokkur í íslenskum stjórnmálum með sama áframhaldi. Það er góð og skýr stefna hjá flokknum og hann virðist ætla að halda fast í þá stefnu sem mótuð hefur verið, hann hefur líka sýnt fram á að hans leið með 20% almenna leiðréttingu lána hefði verið farsæl leið fyrir fólkið en því miður þá tókst flokkum sem þykir vænt um fjármálastofnanir að ná völdum og því fór sem fór, hér ríkir fátækt og stöðnun.

Sigmundur Davíð er stígandi sem formaður og á eftir að verða feykilega sterkur í nánustu framtíð.

Ásmundur Einar í Framsókn

Koma svo VG grænir, fjölgum álverum hið fyrsta.

Það er ekki annað hægt en að gantast svolítið með blessaða VG liðið sem hefur ekki tekist að skapa eitt starf eftir að flokkurinn komst í stjórn og allt hefur mistekist sem lagt var upp með, hvert og eitt einasta atriði. Það verður ekki vinstri stjórn á Íslandi næstu 300 árin allavega sem betur fer. Það sem er svo magnað með VG er að það komst í stjórn með ákveðnum kosningarloforðum sem hafa svo öll verið svikin og kjósendur þeirra sitja sveittir eftir og naga handabökin og hugsa, hvað hef ég gert með því að veita þeim atkvæði mitt. Svona er Ísland í dag.

Hækkandi álverð skilar auknum tekjum

Enn einu sinni étur verðtryggingin heimilin og rétt að byrja.

Nú erum við að fara í sama farið enn og aftur vegna vísitölunnar og áhrif kjarasamninga eiga eftir að koma beint á bakið á okkur ofan þær verðbólguhækkanir sem þegar hafa átt sér stað á árinu. Þetta sýnir okkur hvað stjórnmálamenn á íslandi eru ömurlega þröngsýnir og miklir afturhaldssinnar, þeir fara allir sömu leiðina og ekkert breytist. Gamla Ísland lifir áfram.

Vaxandi verðbólga

Fella á alla samninga, stjórnin þarf að fara áður en lengra er haldið.

Svik,svik og aftur svik, það er varla til sá maður sem stjórnin hefur ekki svikið síðan hún tók við og nú er komið á endastöð, við erum strand sem þjóð og nú þarf eitthvað róttækt að gerast sem allra fyrst.

Brigð og svik – stjórninni slétt sama um allt samráð

Tvö til þrjúhundruð miljarða afskrift Landsbankans framundan, skattfé okkar.

Það er alveg morgunljós sama hvað hver segir að ef þetta eru réttar fréttir að frumvarpið sem er unnið einhliða án samráðs við sjávarútveginn, fer á þennan veg þá erum við að horfa fram á afskriftir vegna sjávarútvegsfyrirtækja upp á tvö til þrúhundruð miljarða og það í ríkisbankanum sem ætti samkvæmt því að verða gjaldþrota. Er það virkilega ætlunin að fara svona í málið, stúta sjávarútvegsmálum og einum banka í leiðinni???

Það er alltaf verið að tala um að þjóðin sé svo samstíga að þessa leið eigi að fara en það er ekki þannig hjá þeim sem ég hef rætt þessi mál við sem eru alls ótengdir sjávarútvegi, þeir myndu allir kjósa gegn þessum breitingum og aðalega einhliða vinnubrögðum ríkisstjórnar.

Sægreifarnir ekki í sáttahug

Þessi orð Jóhönnu eru þvættingur og geta aldrei staðist. Varist verðtryggð lán.

Það að halda því fram að launahækkanir sem þessar sem framundan eru muni ekki hækka verðbólgu meira en 0,5% eru algjör fásinna, hefur þessi manneskja ekki verið á þingi lengst allra sem á þingi sitja og veit hún ekki að við launahækknir sem þessar muni hækka verðbólgu mjög mikið.

Jóhanna veit þetta og hún veit líka að það er verið að fara leið sem aldrei hefur virkað, aldrei, verðbólgan étur þetta upp á augabragði og væri ég ekki hissa að sjá 15 til 20% verðbólgu um næstu áramót og hvað þá, æ,æ við fórum ekki rétta leið enn eina ferðina og lánin og allt fer til....... já þið vitið hvert íslendingar góðir.

Við lærum aldrei af neinum mistökum sama hvað við brennum okkur, áratugum saman, það er verið að fara leið þar sem ríkið fær 40% í sinn vasa af hækkununum, verslunin í landinu mun þurfa að segja upp einhverju af fólki vegna hækkandi launakostnaðar og mun vöruverð hækka töluvert næstu mánuðina hjá því verður ekki komist.

Nú er ríkisstjórnin komin í þá stöðu að hafa mistekist hrappalega í að koma atvinnulífinu af stað og því þorir hún ekki að taka betur þátt í að gera kjarasamninga sem ganga út á það að hækka kaupmáttinn í gegn um skattakerfið, olíuna, vörugjöld og fl. Þess í stað á atvinnulífið að auka kostnað sinn gríðarlega og nú skulum við sjá hvernig fer. Í fréttum eigum við eftir að sjá eftirfarandi setningu "verðbólga hækkar" aftur og aftur.

Alþingismenn verða að fara læra af reynslunni en ekki veit ég hvernig í ósköpum það er hægt að kenna þeim.

Ég segi það hér og nú og ekki gleyma þvi, varist að taka verðtryggð lán.

Ég er ekkert svartsýnn á framtíð Íslands og er viss um að Ísland á eftir að verða mjög vel statt land í náinni framtíð en með þessa afturhaldsstjórn í stólunum gerist harla lítið og því nauðsynlegt að almenningur varist að taka lán við núverandi aðstæður.

Samningar auka verðbólgu um 0,5%

Er ekki starf ASÍ að ná samningum eða hvað?

Var bara að velta fyrir mér hvers vegna þessi staða er komin upp að ASÍ neitar að semja?

Stál í stál í viðræðum

Hagnaður á mjög lélegri sjónvarpsstöð er eðlilegt ef tekjurnar eru tryggðar.

Þetta er varla frétt þar sem eina ástæðan fyrir hagnaði á stöðinni er að það er búið að skera svo mikið niður að það er nánast ekkert að horfa á þar á bæ lengur nema kannski einn og einn íþróttaleik ef RÚV hafa rétt á að sína hann. Tekjurnar eru annað mál, þær eru tryggðar sama hver dagskráin er. Skattastöð eru rétta nafnið á RÚV.

Hagnaður af rekstri RÚV

Sjávarútvegsmálin á hilluna að svo stöddu og ná samningum strax.

Það er aumingjaríkisstjórn að verki hér á landi og hefur hún aumingjast áfram í tómri blindni í tvö ár og erum við með sama atvinnuleysi og þegar þessi stjórn tók við og enga atvinnustefnu, okurskatta, og hækkanir á öllum vígstöðum nema á bótum og launum almennings.

Þetta blessaða sjávarútvegsmál má bíða í eitt til tvö ár til þess að það sé hægt að fara leiðrétta kaupmátt fólks og fara að skapa atvinnu, það gerum við ekki með því að taka einhliða ákvarðanir varðandi okkur stæðstu útflutningsgrein. Ef þessi stjórn ætlar að láta gæluverkefni sín ganga enn einu sinni fyrir fólkinu í landinu þá má hún biðja fyrir sér ef hún fær landsmenn á austurvöll í verkfalli, það yrði styrjaldarástand sem stjórnin myndi aldrei standa af sér.

Lokatilraun í dag

Það er enn til skynsamt fólk í VG, gott mál. Jóhanna verður að gefa eftir, strax.

Ég er ánægður að sterk öfl innan VG skuli vilja fara varlega í breytingar á kvótakerfinu, auðvitað á að fara varlega enda skiptir engu máli hvort breytingar fari í gegn strax eða ári síðar í svona risamáli.

Nú á Jóhanna að gefa eftir og setjast niður með LÍÚ og ræða málin og komast að niðurstöðu til bráðabyrgða svo hægt sé að ganga frá kjarasamningum til almennings. Síðan eiga að halda áfram viðræður um málin og finna alla galla og kosti breytinganna og niðurstaðan verði tekin samkvæmt því. Það er eins mesta fásinna sem ég heyrt á ævi minni að það sé verið að hugsa um þjóðaratkvæagreiðslu um kvótamálin, þvílíkt rugl. Hvað ætli séu mörg prósent þjóðarinnar sem veit á annað borð nokkuð um sjávarútveg og á hverju hann þrífst, gæti verið 5 til 10 % þjóðarinnar, á þannig mál heima hjá fólki sem veit ekkert um sjávarútvegs eða kvótamál? 

Kvótakerfinu breytt í áföngum?