Búið að henda 250 milljónum í ekki neitt, alltaf til peningar í þannig rugl.

Við erum að tala um lög sem taka gildi sennilega um áramót og þá eru 6 mánuðir eftir hjá þessari ríkisstjórn sem á alltaf peninga í gæluverkefni sín sem engu máli skipta. Því er haldið fram að það þurfi 250 milljónir að byggja undir nýtt ráðuneyti, eigum við ekki yfirdrifið nóg að auðu húsnæði. Það mætti skoða að flytja eitthvað af þessum stofnunum í tómar deildir á Landspítalanum sem dæmi en hann er ekki hægt að reka að fullu vegna peningaleysis.
Þegar ný stjórn tekur við á miðju næsta ári verður það fyrsta verk hennar að breyta þessum lögum til baka og er þá ekki búið að eyða kröftum og peningum í eitthvað sem skiptir nákvæmlega engu máli?

Breytt stjórnarráð samþykkt

Er Ísland á leiðinni í þrot? Allavega þarf að bretta upp ermar, strax.

Þegar maður tekur saman þann pakka sem á þjóðinni dynur þessar vikurnar hlýtur maður að spyrja sig hvort verið sé að leiða landið í þrot.
Það eru mörg mál sem ýta undir þennan slæma grun og ef við skoðum nokkur dæmi þá er þetta niðurstaða mín án þess að ræða sérstaklega hækkandi vexti og verðbólgu.

1:Virkjanir færðar í biðflokk eingöngu vegna þess að nokkrar manneskjur á alþingi vilja ekki virkja en virðast ekki gera sér grein fyrir hvaða afleiðingar það hefur og gríp ég hér inn í grein sem birtist á Vísi í gær þar sem skýrsla Gamma sem unnin var fyrir ríkisstjórnina var kynnt og leyfi ég mér að vitna beint í greinina.

Samkvæmt matinu munu fjárfestingar í orkuframleiðslu og flutningi dragast saman um 120 milljarða króna á árabilinu 2012-2016 og fjárfestingar í orkufrekum iðnaði og afleidd áhrif munu dragast saman um 150 milljarða króna. Samtals verður því fjárfesting og afleidd áhrif um 270 milljörðum króna minni en ella á umræddu tímabili. Uppsafnaður hagvöxtur verður 4-6% minni fyrir vikið og atvinnulífið verður af u.þ.b. 5.000 ársverkum á þessu fjögurra ára tímabili.

2: Sjávarútvegur er settur undir hamarinn samkvæmt hörmulega illa unnu frumvarpi Steingríms en það á að reyna að þvinga þessu í gegn og síðan eiga síðari ríkisstjórnir taka við rústunum og koma sjávarútveginum í lag á ný. Það er nefnilega til önnur leið sem virkar, einfaldlega að setjast niður með mönnum og skoða málið á faglegum nótum og finna leið sem allir geta verið sáttir við. Ég hef það á tilfinningunni án þess að hafa unnið neitt til sjós að þarna sé verið að gera skelfileg mistök sem verða ekki aftur tekin.

3: Skuldavandi heimila eykst enn þrátt fyrir fjölda leiða sem ríkisstjórnin hefur verið að reyna án árangurs, vandinn eykst og það eru hundruðir eða þúsundir fjölskyldna á leið í gjaldþrot á næstunni. Þarna hafa verið gerð gríðalega mörg mistök að mínu mati.

4: Atvinnumál er bara ekki hægt að ræða því það er engin atvinnustefna til í landinu í dag og það eitt og sér gæti hrakið okkur í þrot því ríkissjóður hlýtur að fara tapa miklum tekjum þar sem minna og minna kemur frá atvinnulífinu og ég tala nú ekki um þegar ofangreind mál fara að bíta líka.

5: Fjárfestingu virðist vera haldið frá landinu þar sem hvert dæmið á eftir öðru virðist hrynja þrátt fyrir undirritaðar viljayfirlýsingar erlendra aðila sem hætta svo við að fjárfesta hér vegna þess einfaldlega að engin veit hvað gerist hér á landi í atvinnu eða skattamálum. Það er engin stefna til þess að örva erlenda fjárfestingu en ef einhver er ekki sammála mér og heldur öðru fram þá verð ég kannski að sætta mig við að það sé til stefna en þá er sú stefna bara ekki að virka og því óþörf.

Ég er hræddur um að við séum á hraðri leið á botninn ef ekki verður brett upp ermar, spítt í lófana og farið að vinna.

Verða engar framkvæmdir á Íslandi fyrr en haustið 2013?

Það virðist vera alveg sama um hvaða framkvæmdir eru um að ræða á íslandi undanfarin 3 ár, þeim er rústað, frestað eða að hlutaðeigandi treysta sér ekki að framkvæma á meðan núverandi stjórn situr á Íslandi vegna óvissu um í hvaða skattaumhverfi landið verður í næstu viku, það örar eru breytingar á álögum hér á landi. Ég segi að ef það á að leggja Vaðlaheiðagöng til hliðar og byrja á því að undirbúa næstu göng næstu 3 árin þá er vonin farin að eitthvað gerist hér á landi næstu 14 til 20 mánuðina því það mun taka nýja stjórn tíma að breyta öllum skattalögum og reglugerðum til einfaldari og réttalátari gjaldtöku en nú er og láta atvinnulífið rúlla af stað til þess að auka tekjur ríkisins og koma okkur á rétta braut á ný. Við ráðum ekki við heimskreppur eða bankakreppur en atvinnulífið er það sem mestu máli skiptir og því eykst tjónið með hverri vikunni sem líður með þetta afturhaldsfólk við stjórn. Mér er alveg nákvæmlega sama hvað gríndómurinn sagði í gær, við eigum að taka á framtíðinni en ekki því sem liðið er en það virðist skipta öllu máli á alþingi í dag að tala um það sem engu máli skiptir í dag því það er liðin tíð.
Ef menn telja að það sé í lagi að leggja þránd í götu sjávarútvegs á Íslandi ofan á allt annað sem á undan er gengið þá segi ég bara, Landsdómur bíður ykkar.

Skattgreiðendur verði ekki blekktir

Vitlausasta frumvarp sem lagt hefur verið fram í sögu landsins?

Það lítur þannig út að Steingrímur sé að setja enn eitt metið á alþingi, hann á lengstu ræður sögunnar í málþófi sem hann er svo á móti í dag. Hann hefur trúlega svikið flest kosningarloforð allra og nú leggur hann fram sjávarútvegsfrumvarp sem er alveg kolvitlaust og í raun bara landráð að leggja svona þvætting fram.
Við erum með eitt besta fiskveiðikerfi heimsins og framleiðum eitt besta hráefni sem fáanlegt er í heiminum og verðmæti aflans er gott.
Þetta er ávinningur af þeirri stefnu sem rekin hefur verið og veiðireynsla er það verðmætasta sem við eigum í þessi landi og óðs manns æði að rústa því sem áunnist hefur þjóðarinnar vegna.
Útgerð í landinu er að greiða mjög mikla fjármuni til ríkisins nú þegar svo ekki sé talað um öll þau störf sem hún skapar og öll þau þjónusta sem hún kaupir, þetta má bara ekki tala um virðist vera.
Nýliða umræðan er stórhættuleg og er hún einungis til þess að friða einhverja þingmenn sam hafa lofað að breyta einhverju, bara breyta, sama hvað það kostar.
Þetta frumvarp verður að draga til baka og byrja alveg upp á nýtt á nýjum forsendum og alveg lágmark að þeir þingmenn sem vilja breyta hlutum kynni sér þá mjög vel og viti hvað breytingar kosta og hvaða akkur er vegna breytinganna sem þeir boða. Það er lágmarkskrafa að þetta fólk sem starfar á launum frá okkur almenningi vinni sín störf faglega en ekki á þann hátt sem nú viðgengst á alþingi, ég á við alla þingmenn ekki einungis stjórnarþingmenn.

Fantaleg samkeppnisskilyrði

Tæplega 1000 íbúðir standa lausar á meðan bráðvantar eignir á leigumarkaðinn.

Það er búið að tala um það í eitt til tvö ár að breita lögum þannig að Íbúðarlánasjóður geti leigt út eignir í meira mæli en gert er en eins og allt annað hjá þessari kommúnista ríkisstjórn þá gerist ekki neitt, ekkert.

Ég heyrði um daginn að það vantaði ca 1000 íbúðir á Reykjarvíkursvæðið og þarna standa íbúðir tómar sem eru í eigu fjármálastofnana og Íbúðarlánasjóðs og við almenningur greiðum allan kostnað við að halda þeim eignum í lagi, hita, rafmagn, vaxtakostnað, tryggingar, fasteignagjöld og fl. Það vita allir að allur svona kostnaður lendir alltaf að lokum á almenningi, þarf ekki að deila um það.

Það er vitað að markaðurinn virkar þannig að ef framboðið eykst hratt þá lækkar leigan og er það ekki akkúrat það sem þarf að gerast í dag að leiga verði eðlileg miðað við kaupmátt almennings? Það er að mínu mati með ráðum gert að halda þessum eignum auðum til þess að halda uppi leiguverðinu í stað þess að reikna dæmið til lengri tíma litið og þá myndu allir græða á þessu, almenningur, fjármálastofnanir og ríkiskassinn líka vegna þess að fólk hefði aðeins meiri pening til afnota sem færi í neyslu og vanskil húsaleigu yrðu miklu minni.
Þarf ekki svona einu sinni til tilbreytingar að hugsa um fólkið í landinu í fyrsta sæti?

7,6% lántaka í vanskilum

Samtök fólksins HH berjast áfram, eitthvað sem veitir bjartsýni.

Ég var einn að þeim sem skráði sig strax í Hagsmunasamtök heimilanna og þau urðu til, því með þessa ríkisstjórn er ekki von um neitt sem heitir réttlæti og því ættu allir landsmenn að skrá sig í samtökin og efla þau fjárhagslega með temmilegum árgjaldi, ég greiddi valfrjálsan seðil frá samtökunum að upphæð 1.500 kr sem er hverrar krónu virði miðað við tilgang samtakanna.

Koma svo, allir að skrá sig, það kostar ekki neitt.

Undirbúa lögsókn gegn verðtryggingu

Nú er komið nóg blessaða ríkisstjórn, víkið úr fúlum sætum ykkar.

Enn eitt klúðrið er komið í ljós hjá þessari blessuðu norrænu velferðastjórn sem hefur sett flest heimili í landinu á hausinn.
Hvað kemur næst?
Þetta er ekki bjóðandi lengur að hafa landið algjörlega stjórnlaust eins og kom skýrt og greinilega fram á viðskiptaþingi í dag, stjórn sem er ekki í takt við þjóðfélagið er hættuleg og gerir ekkert nema ógagn, því fer ég fram á að það verði kosið hið fyrsta.

Sigmundur: Hæstiréttur dæmir ríkisstjórn

Mennta fólk til þess að það geti unnið erlendis?

Það er spurning hvort Jóhanna á við það að koma sem flestum af atvinnuleysisbótum í nám á sama tíma og ekkert gerist í atvinnumálum þjóðarinnar.
Er þá ekki markmiðið að nota skattpeninga almennings til þess að mennta fólk svo það geti fengið góð störf erlendis, ég sé ekki betur en svo sé.

„Misskildasta ríkisstjórn sögunnar“

Verið að rústa landsbyggðinni en hvar er verið að hagræða?

Það er alveg sama hvar er borið niður, alltaf skal landsbyggðin verða fyrir barðinu ef talað er um niðurskurð hjá hinu opinbera og svo má líka nefna stórhækkaðan flutningskostnað til landsbyggðarinnar sem er að veltast út í verðlagið, hvar eru þessar umtöluðu aðgerðir til flutningsjöfnuðar?

Það er víða á höfuðborgarsvæðinu sem má taka til og hagræða, ég vil nefna tildæmis Hagstofuna, hvar er hún til húsa, jú auðvitað í einni dýrustu götu landsins í Borgartúni en hvað er Hagstofan að gera í Borgartúni? Hvers vegna er hún ekki í ódýrara húsnæði? Vegagerðin, íbúðarlánasjóður, Ríkiskaup, Fasteignamat ríkisins og svona má lengi telja upp ríkisfyrirtæki sem eru með dýra staðsetningu miðað við þá starfssemi sem þar fer fram.
Ég myndi ætla að það mætti spara mikla fjármuni að taka aðeins til í þessum efnum en það má víða bera niður í dýrum ríkisrekstri á Íslandi, stjórnkerfið tekur bara ekki á vandanum, inn í kjarnanum sem er óþarft umfang ríkisrekstrar.
Ef tekið væri á þessum málum með festu þá þarf ekki ávallt að láta landsbyggðina verða verst úti vegna niðurskurðar. Það er tildæmis mun hagstæðari húsnæðiskostur fyrir margar ríkisstofnanir á landsbyggðinni frekar en á höfuðborgarsvæðinu.

Opinberum störfum fækkar á landsbyggðinni

Afleiðing ofsköttunar.

Þetta er bara enn eitt dæmið um ofsköttun, fólk hefur ekki ef á því að ferðast lengur. Tekjur ríkissjóðs dragast saman.

Ekki minni umferð frá 2005