Er ekki starf ASÍ að ná samningum eða hvað?

Var bara að velta fyrir mér hvers vegna þessi staða er komin upp að ASÍ neitar að semja?

Stál í stál í viðræðum

Sjávarútvegsmálin á hilluna að svo stöddu og ná samningum strax.

Það er aumingjaríkisstjórn að verki hér á landi og hefur hún aumingjast áfram í tómri blindni í tvö ár og erum við með sama atvinnuleysi og þegar þessi stjórn tók við og enga atvinnustefnu, okurskatta, og hækkanir á öllum vígstöðum nema á bótum og launum almennings.

Þetta blessaða sjávarútvegsmál má bíða í eitt til tvö ár til þess að það sé hægt að fara leiðrétta kaupmátt fólks og fara að skapa atvinnu, það gerum við ekki með því að taka einhliða ákvarðanir varðandi okkur stæðstu útflutningsgrein. Ef þessi stjórn ætlar að láta gæluverkefni sín ganga enn einu sinni fyrir fólkinu í landinu þá má hún biðja fyrir sér ef hún fær landsmenn á austurvöll í verkfalli, það yrði styrjaldarástand sem stjórnin myndi aldrei standa af sér.

Lokatilraun í dag

Það er enn til skynsamt fólk í VG, gott mál. Jóhanna verður að gefa eftir, strax.

Ég er ánægður að sterk öfl innan VG skuli vilja fara varlega í breytingar á kvótakerfinu, auðvitað á að fara varlega enda skiptir engu máli hvort breytingar fari í gegn strax eða ári síðar í svona risamáli.

Nú á Jóhanna að gefa eftir og setjast niður með LÍÚ og ræða málin og komast að niðurstöðu til bráðabyrgða svo hægt sé að ganga frá kjarasamningum til almennings. Síðan eiga að halda áfram viðræður um málin og finna alla galla og kosti breytinganna og niðurstaðan verði tekin samkvæmt því. Það er eins mesta fásinna sem ég heyrt á ævi minni að það sé verið að hugsa um þjóðaratkvæagreiðslu um kvótamálin, þvílíkt rugl. Hvað ætli séu mörg prósent þjóðarinnar sem veit á annað borð nokkuð um sjávarútveg og á hverju hann þrífst, gæti verið 5 til 10 % þjóðarinnar, á þannig mál heima hjá fólki sem veit ekkert um sjávarútvegs eða kvótamál? 

Kvótakerfinu breytt í áföngum?

Kjarabætur eiga að snúast um lækkun skatta fyrst og fremst.

Kjaraviðræður eru á rangri leið og hafa verið það um nokkurra vikna skeið vegna þess að verið er að fara gömlu leiðina að hækka taxtana sem endar alltaf með hækkandi verðbólgu sem étur upp launahækkanir á undra stuttum tíma. Ætlum við aldrei að læra á því sem miður hefur farið í okkar kerfi hérna. Lækkanir skatta er það sem verður að koma upp á borðið, lækkun olíugjalds og þannig atriði og þá erum við á réttri leið ef ekki þá skal ég minna á orð mín eftir að næsta verðbólguskot hefur étið upp síðustu launahækkanir. Það hefur ekkert verið gert til breytinga á vísitöluhækkunum og því nokkuð öruggt að ég hef rétt fyrir mér.

Margir eru argir yfir SA og útvegsmönnum en hvers vegna er þessi ergja, jú hún er tilkomin vegna þess að ríkisstjórn Íslands hefur talað niður kvótakerfið í heild sinni og ekki sagt orð um kosti þess.Allir eru sammála um að kerfinu verður að breyta að einhverju leiti og til þess að ná fram breytingum verður að setjast niður og ræða málin en ekki taka einhliða ákvarðanir sem svo hafa kollsteypu á kerfinu í för með sér. Það þýðir ekki neitt að halda því fram að þetta verði í lagi með nýjum lögum heldur verður það að vera alveg á hreinu að allt verði í lagi í sjávarútvegi í nánustu framtíð. Ég skil SA að þessu leiti og mér finnst að fólk eigi að sýna þessu máli skilning en ekki vaða uppi með skít og skömm og valta yfir þokkalegt kerfi sem þarf að breyta.

Lífeyrismál, eitt stæðsta mál þessara kjarasamninga, þetta er risavaxið mál sem almenningur er kannski ekki alveg með á hreinu um hvað snýst. Það er búið að lækka lífeyriréttindi almennings frá hruni um 10 til 15% og það er búið að afskrifa um 25% séreignasjóði landsmanna frá hruni, þetta eru rosalegar upphæðir sem fólk hefur tapað. Ríkisstarfsmaðurinn hefur ekki tapað krónu eða prósenti í lífeyrisréttindum er þetta sanngjarnt og það á kostnað hins almenna borgara, nei sömu réttindi fyrir alla landsmenn eru krafa sem verður að nást í gegn í þessum samningum. 

Tekjutengingar hafa aukist og bíta alveg rosalega á fólki sem minnst hefur. Steingrímur hefur einu sinni á tveimur árum sagt eitt af viti sem er að það ætti að sameina alla lífeyrissjóði og reka hérna einn sjóð fyrir alla landsmenn. Þetta sparar okkur milljarða á hverju ári í rekstrarkostnað lífeyrisjóða miðað við hvernig þessi mál standa í dag og að hafa þetta fé allt á sama stað í ríkistryggðum sjóði yrði mjög gott fyrir þjóðina. Ávöxtunarkrafa í þannig sjóði þarf ekki að vera nema 3 til 4% og allir munu fá sína peninga í ellinni.

ASÍ hvarf af vettvangi

Haldið ykkur á miðjunni og þá koma atkvæðin í þúsunda tali.

Okkur landsmönnum vantar sterkan miðjuflokk sem hugsar um almenning ásamt atvinnulífinu og því sem skiptir máli á klakanum, eyða fátækt og eyða ofurskattastefnunni. Tekjurnar koma frá atvinnulífinu, ekki satt.

Að mínu viti þá hefur Lilja skoðanir Framsóknarmanna og því merkilegt að hún skoði ekki að ganga þar inn?

Íhuga að stofna þingflokk

Steingrímur byrjaður strax að klúðra málstaði Íslendinga, jæja þá?

Þessi frétt er furðuleg og átti ég síst von að að svona lagað kæmi upp á á þessum viðkvæmu tímum en þetta eru vinnubrögðin og þau þekkjum við.

Þáði ekki boð um að ávarpa Evrópuþingið

Jóhanna ekki enn með, meirihlutinn vill þig frá Jóhanna, strax.

Þjóðin hefur ákveðið að hún vilji þessa stjórn frá borðinu því þessi stjórn hefur ekki haft tök á þeim málum sem hún var kosin til, þótt ég sé þeirrar gæfu aðnjótandi að hafa ekki kosið hana. 

Það er búið að loka ESB leiðinni og því hefur þessi stjórn engin gæluverkefni lengur og því sjálfdauð.

Ný leið mörkuð

Sóum ekki meiri tíma, AFSÖGN strax í dag.

Íslendingar hafa ekki meiri tíma til þess að bíða eftir aðgerðum sem eru marklausar, við þurfum nýtt fólk strax svo fara megi að reysa þjóðina við, utanþingsstjórn ef ég má ráða.

Styrkur ríkisstjórnar metinn

NEI er gott svar og við munum standa í lappirnar áfram.

Þegar við erum búin að fella samninginn þá kemur í framhaldinu sá tími að losna við ríkisstjórnina og fá nýja tekjuöflunarstefnu í stað ofurskattastefnu hér á landi.

Sannið þið til að þegar atvinnulífið fer að skríða af stað á nýjan leik þá verður ekkert vandamál að fá þau lán sem teil þarf og ríkissjóður mun styrkjast einnig vegna aukinna tekna frá atvinnulífinu.

Við erum öflug þjóð Íslendingar góðir og látum ekki traðka okkur.

Augu umheimsins á Íslandi

Sama tuggan mánuð eftir mánuð hjá Jóhönnu og ekkert gerist.

Þetta er alltaf sama tuggan hjá Jóhönnu en það gerist samt ekki nokkur skapaður hlutur og er alveg ótengt Icesave, áherslan er bara röng hjá stjórnarflokkunum. Fellum Icesave með stæl. 

Ár hinna glötuðu tækifæra