Kolrugluð manneskja en samt ráðherra?

Það er alveg með endæmum hvað mikið af rugluðu fólki hefur safnast saman í þessa kollsteypu ríkisstjórn og þetta er auðvitað bara hryðjuverk sem Svandís er að gera þjóðinni þessa dagana, það virðist allt stefna niður á við hjá þessari stjórn og það er ekkert gert til þess að auka bjartsýni fólks.

Ég vil þessa stjórn frá strax.

Gróf atlaga ráðherra

Rétt Árni en ég vil velja sjálfstæði landsins, ekki þú.

Þessi heilaþvottur hjá Samfylkingarfólki að við verðum að greiða icesave og við verðum að ganga í ESB er alveg óþolandi að verða og tímabært að þessi flokkur bakki aðeins og hugsi um sínar eigin tilfinningar og taki tillit til tilfinninga hins almenna borgara. Ég er sannfærður um að mikill meirihluti fólks á landinu vill ekki semja um þessa hluti á meðan ástandið er svona og það hefur enga trú á að þessi tvö atriði breyti nokkrum sköpuðum hlut, það er margbúið að hamra á okkur að gengið muni styrkjast við þessar og hinar aðgerðir sem hafa verið framkvæmdar en krónan heldur áfram að falla svo þetta er bara ekki rétt hjá Samfylkingunni sem hún hefur haldið fram.

Á íslandi eru fjölmörg tækifæri að vinna úr og fjölmörg tækifæri til þess að laða að erlend fyrirtæki og fá auknar tekjur en það er bara mál sem stjórninni er ekki hugleikið heldur einungis skattlagning og stöðva þær framkvæmdir sem nú þegar eru hafnar. Að halda því fram eins og Árni segir að loka landinu er fráleitt og svona menn eiga bara hafa munninn lokaðan og ekki koma nálægt stjórnmálum það er og verður ávallt fullt að þjóðum sem vilja versla við íslendinga og kæmi mér ekki á óvart að bretar versluðu sinn fisk áfram af okkur þrátt fyrir að við höfnum þessum icesave samningum.

Það eina jákvæða sem er að gerast hérna er það sem framsóknarmenn eru að vinna að með norðmönnum, er ekki betra að taka eitt lán á hagstæðari vöxtum en icesave samningurinn hljóðar upp á og greiða þá upp þetta icesave drasl ef við neyðumst til, ég bara spyr.

Árni er bara sprátungur sem ekki er mark takandi á.

„Nú þarf að velja rétt“

Halda áfram að draga úr atvinnutækifærum og skuldsetja þjóðinaÐ

Jæja það er einn maður í ríkisstjórninni sem hlustar á þjóðina sem kemur mér á óvart en á hann þakkir skildar fyrir það en nú er hann farin úr ráðherrastól en hitt liðið ætlar að halda sínu striki og láta valta yfir okkur í þessu icesave máli.

VG er líka mjög duglegur flokkur að stöðva framkvæmdir í landinu eins og landsmenn hafa orðið varir við en svona er þetta bara og svona hefur þessi flokkur alltaf verið, skattlagning og ekkert annað kemur til greina. Það er hneyksli að stjórnin skuli ekki hafa fallið á þingflokksfundi VG í dag.

 

Styðja áframhaldandi samstarf

Upp með buxurnar stjórn, engar icesave greiðslur, engan AGS hroka.

Já hún Jóhanna er söm við sig og vill klára að setja þjóðina í skuldaklafa til næstu 50 ára, það er allavega mín skoðun að þetta eigi eftir að vera okkur mjög dýrt ef þetta verður samþykkt endanlega eins og Jóhanna og Steingrímur vilja.

Hefur þetta lið ekkert skoðað málið frá því sjónarmiði að neyta að greiða þetta icesave rugl sem eru skuldir einkaaðila sem koma okkur almenning ekkert við ekki, erum við rukkuð beint ef hlutafélag fer á hausinn hér á landi en það var Landsbankinn, hlutafélag rekið af nokkrum aðilum sem ráku félagið á óábyrgan hátt og síðan eigum við almenningur að taka skuldirnar vegna þess að Gordon nokkur fer fram á það. Nei við verðum að haga okkur áfram eins og sjálfstæð þjóð sem við vorum en verðum ekki mikið lengur ef svona fer.

Er ekki í lagi að skoða málið alvarlega hvar við stöndum ef við rekum AGS í burt og stöðvum þar með gríðarlegar vaxtagreiðslur af láni þeirra til okkar og greiðum ekki icesave, náum við ekki að rétta okkur af mikið fyrr. Ef fólk hefur áhyggjur af því að þjóðir heimsins hætti að versla við okkur vegna þessa icesave máls þá held ég að það skipti ekki nokkru máli, við erum smáþjóð í venjulegum viðskiptum á heimsmælikvarða og það eru nægir viðskiptavinir út um allan heim sem vilja versla við okkur hef ég fulla trú á. Þó að Jóhann botni ekki neitt í neinu þá er ekkert að marka það, hún hefur sýnt það að hún er enginn leiðtogi, reyndar arfaslök sem forætisráðherra.

En ef þú ætlar að borga Jóhanna, þá skaltu senda Bakkavarabræður til Gordons og láta þá semja um hagstæðari vaxtakjör heldur en Svavar gerði.      

Þarf niðurstöðu fyrir helgi

Hneykslanleg vinnubrögð eins og venjulega.

Ég tek undir með mörgun bloggurum að vinnubrögð þessarar ríkisstjórnar eru öll með ólíkindum og nánast ekkert mál er unnið alla leið áður en er byrjað að heigla sér yfir að nú sé eitthvað loksins að fara að gerast hjá ríkisstjórninni.

Ef við skoðum nokkur dæmi eins og icesave málið það mál hálfklárað og í alla staði mjög illa unnið með hag almennings í fyrirrúmi, nú er kannski lag að láta skuldina gjaldfalla á þjóðina í næsta mánuði og láta breta og hollendinga sækja okkur fyrir íslenskum dómsstólum, það tekur mörg ár að dæma í svona máli og þá getum við notað tímann til þess að byggja okkur upp og síðan er aðalatriðið að fá dóm í icasave málinu og sjá hvað út úr honum kemur. Síðan er alveg nauðsynlegt að setja puttann á AGS og skila hýrunni sem þeir lánuðu okkur, við getum snúið okkur til annarra aðila til þess að fá lán ef þörf verður á

ESB málið er auðvitað tímaskekkja og er ekkert sem skiptir okkur máli enda nokkuð öruggt að aðild verður felld í þjóðaratkvæðagreiðslu.

Peningastefna stjórnarinnar er á villigötum og aumingjaháttur að ekki skuli vera búið að grípa til harkalegra aðgerða gegn seðlabankanum og lækka stýrivexti sem halda áfram að fella fyrirtæki okkar hvert á eftir öðru og ekki er mögulegt að byggja upp nokkra atvinnu hér á landi. Síðan eru til fleyri gjaldmiðlar en evra til þess að losa okkur við blessuðu sálugu krónuna, þarf bara að opna augun og skoða allar leiðir.

Ekki á að endurnýja viljayfirlýsingu um álver á Bakka en það eru nýjar leiðir í boði en eins og iðnaðarráðherra segir þá vitum við ekki hvaða leiðir það eru, það eru auðvitað ekki nýjar leiðir ef þær eru ekki til, þessi ákvörðum er ein sú ömurlegasta sem tekin hefur verið í sögu landsins þar sem búið er að skipuleggja og leggja mikla fjármuni í þetta verkefni og því þörf á að stjórnvöld séu áhugasöm um verkefnið. Ég er alveg sammála því að skoða þurfi hvort álver er það sem við þurfum í framtíðinni en að gera tilraun til þess að stöðva verkefni sem eru komin af stað er ekkert annað en landráð.

Árni Páll, sá merki maður sem lagði alla áherslu á að fólk bara greiddi sínar skuldir sama á hverju bjátar, borga bara og borga þar til maður dettur niður og drepst úr næringarskorti þar sem ekki hefur verið til peningur fyrir nauðsynjum. Nú er sami maður komin fram með afskriftarleiðir sem eru alls ekki nýjar af nálinni og eru ekki hans verk, þetta eru tillögur framsóknarmanna frá því í febrúar og ef þær hefðu verið farnar þá væru hundruðir fjölskyldna í mun betri málum í dag og mun færri búnir að fara undir hamarinn. Ég er alveg handviss um að þessi afskriftarleið er kafloðin og ekki sé um leiðréttingu að ræða fyrir þjóðina, heldur útvalda eins og er að gerast í bankakerfinu núna, það eru afskrifaðar skuldir af íbúðarhúsnæði sem bankarnir eiga til þess að þeir geti selt þær, þetta er fyrir útvalda.

Þetta eru bara nokkur dæmi um hvers konar aumingjaskap þessi stjórn hefur sýnt af sér og að ekkert af málefnum hennar kemst endalega í framkvæmd og er klárað, allt eru þetta hálfkveðnar vísur. 

25% lækkun höfuðstóls lánanna

Óstjórnarpakk sem bruðlar með almannafé.

Já góðir landsmenn, það er búið að stofna enn eina nefndina og væntanlega fá nefndarmenn sín laun fyrir þá setu en mér er spurn er þetta fólk ekki allt saman ráðherrar sem starfa saman daglega við stjórn landsins, hvaða rugl er hérna í gangi.

Nefnd, já skoðum það, Jóhanna Sigurðardóttir er forsætisráðherra sem hefur verið í mýflugumynd undanfarnar vikur í sínu starfi, Gylfi Magnússon viðskiptaráðherra hefur ekki gert nokkurn skapaðan hlut síðan hann varð ráðherra og svo er það skattmann sem er að drepa okkur öll úr ofurskattheimtu sem á alls ekki eftir að skila meiru í ríkiskassann þegar uppi er staðið, það vita allir nema hann. Skattmann vinnur líka mjög vel að því markmiði að fjölga gjaldþrotum hjá fjölskyldum landsins með fáránlegum sköttum sem hækka allar skuldir landsmanna.

Hvenær í ósköpum ætlar þetta þetta ríkisstjórnarpakk að skilja að aðgerða er þörf strax og það er ekki nokkur þörf fyrir nefnd sem ekkert kemur út úr, þetta er algjörlega óskiljanleg ákvörðun.     

 

Ráðherranefnd um efnahagsmál

Gott að fá fjármagn inn í landið, ekki veitir af.

Það er nú bara einfaldlega þannig að við verðum að fá fjármagn inn í landið til þess að skapa störf það er eina leiðin þar sem ríkisstjórnin er ekki með þá stefnu að skapa störf, heldur þvert á móti að fækka þeim. Það þarf ekkert að þrasa um það að þessi sala á eftir að skapa mikið af störfum og það er ekki verið að selja meirihluta í fyrirtækinu, svo hvað er að?

Það munu skapast nokkur hundruð störf í Helguvík eftir að náðist að fjármagna það verkefni, er það ekki í lagi?

Það á að hefja framkvæmdir við einkasjúkrahús á næsta ári og mun það sjúkrahús skapa okkur hátt í 10 miljarða á ári í gjaldeyristekjur þar sem allir sjúklingar koma erlendis frá og eitthvað af störfum, þetta er það sem er að gerast í atvinnuuppbyggingu okkar í dag og svo er sumt fólk að kvarta sem er gjörsamlega óskiljanlegt.

það stendur á heilbrigðisráðherra að samþykkja einkarekstur á skurðstofunum í Keflavík, gat verið þar sem ráðherra kemur nálægt þá gerist ekki rassgat vegna ákvarðanafælni allra ráðamanna í landinu.

Svona bara til að gantast aðeins með forsætisráðherrann okkar sem er í felum um þessar mundir vegna hræðslu við almenning, þá má ég til að mynnast á niðurstöðuna í skoðunakönnun um inngöngu í ESB sem yrði kolfelld ef kosið yrði um inngöngu núna. Já kemur ekki á óvart en þetta segir frúnni kannski að það er ekki nóg að lofa, það þarf líka að vera með fólkið með sér og rétta því hjálparhönd á erfiðum tímum til þess að uppskera.

 

Sala í HS Orku samþykkt

Mismunun er mannréttindabrot.

Ég vil bara minna á að ef ekki á jafnt yfir alla að ganga varðandi leiðréttingu skulda þá verður vafalaust um mannréttindbrot að ræða, málið er gjörspillt og mikill óþverri sem hefur valdið þessari stöðu og því afar mikilvægt að lýðræðið hafi vinninginn og allir sitji við sama borð.

Það verður líka að gera ráð fyrir að það verður töluvert stór hópur sem þarf mun meiri aðstoð heldur en almenna 20 til 25% leiðréttingu.

Við erum eftir allt saman fólk sem þarf að lifa en sættum okkur ekki við að taka allan pakkann á okkur eftir óstjórn nokkurra manna enda ráðum við ekki við allar þessar skuldir það er alveg dagljóst.

Ef ekki verður um almenna aðgerð að ræða þá endar þetta allt saman með stórri byltingu sem ekki verður við ráðið.

 

Róttækari aðgerðir til handa heimilum

Þjóðin þarf svör, aðgerðir, leiðtoga o.m.fl.

Alltaf verður maður meira og meira hissa á þeim vinnubrögðum sem viðgangast hérna á íslandi hvort það er á Alþingi, ráðuneytum, opinberum stofnunum og ekki sýst seðlabankanum, þessar stofnanir eiga það allar sameiginlegt að vera að stefna sem lengst frá almenningi og vilja helst ekkert fyrir hann gera. Stefnan er ávallt sú sama og ekkert nýtt gerist í landsmálunum og nú er það nýjasta að seðlabankinn ætlar að herða gjaldeyrishöft, hvers konar komma hugsun er þetta, nú er árið 2009 og svona er ekki peningamálasefna mótuð í heiminum í dag það vart gert fyrir mörgum áratugum síðan með mjög slæmum árangri. Gjaldeyrishöft leka alltaf, sama hvað þau eru hert, þau leka alltaf því alltaf er hægt að finna nýjar leiðir fram hjá þeim, takið eftir "nýjar leiðir" en það er einmitt það sem stjórnvaldsheimurinn á íslandi þarf að fara að huga að, ættu að dífa hausnum í vel kalda vatnsfötu til þess að vakna og gera sér grein fyrir því hvað er að gerast og síðan verður almenningur að smella blautum handklæðum á bera botninn á ráðamönnum til þess að þeir finni fyrir því í eigin raun að þjóðinni svíður vegna óráðsíu hér á landi.

 

Þjóðin þarf:

Þjóðin þarf á því að halda að farið sé út í annars konar aðferðir en reyndar hafa verið til þessa?

þjóðin þarf leiðtoga sem peppar hana upp í stað svartsýnisraus sem leiðir bara til hins verra.

Þjóðin þarf að fá rökskýringar hvers vegna þarf að fara skattahækkunarkunarleiðir með tilheyrandi hækkunum á lánum okkar?

þjóðin þarf að fá að vita hvers vegna tekjuöflunarleiðir eru ekki meira notaðar hér á landi okkur til bjargar? Ekki vantar efniviðinn hér á landi. 

þjóðin þarf að vita hvers vegna ekki er hægt að skera mikið meira niður í ríkisbúskapnum, hann þandist nefnilega út um 70% á 10 árum og því hlýtur að vera gott svigrúm að bakka um nokkur ár í þeim búskap, það þarf ekki að ráðast á velferðakerfið heldur kostnaðarliði ýmissa opinberra stofnana sem ekki eiga rétt á sér lengur og eru þeir eflaust upp á tugi miljarða sem mega missa sín. 

Þjóðin þarf svör við því hvers vegna lán allra landsmanna eru ekki leiðrétt um 20 til 25% en ekki eingöngu útvaldra eins og þegar hefur verið gert með framlagi til eigenda peningamarkaðsbréfa og stórskuldarar frá afskriftir? Svör eins og "höfum ekki efni á því" ekki tekin til greina, þessir fjármunir tapast hvort sem er,það vita allir í stjórnkerfinu, þetta er eingöngu spurning um útfærslu á að skipta niður á þjóðina tilvonandi töpuðu fé með leiðréttingu lána.

Þar sem það virðist vera mjög erfitt að fá svör við svona almennum spurningum upp á borðið þá verða fjölmiðlar að vinna markvisst og með meira grimmd að fá svörin upp á borðið, stjórnvöld mega ekki fá lengri tíma í sínum eigin hugarheimi, beitum þau meiri þrýstingi um aðgerðir og að rökstyðja mál sitt við þessu aðgerðarleysi sem hér á sér stað.

Ég óska hér með eftir grimmd í fréttamennskuna og skýr svör ráðamanna.

Eftirlit með gjaldeyri hert

Það styttist í mestu eignaupptöku frá upphafi.

Það er að líða að því að eignir fólks verði seldar í stórum stíl eins og ég hef sagt margoft áður en það hefur blasað við okkur að svona myndi fara því ekkert hefur verið gert til þess að forða því að fólk missi eigur sínar í hendur ríkisins. Það þýðir ekkert að tala um þær aðgerðir sem reyndar hafa verið hingað til, þær hafa ekki skilað þeim árangri sem landsmenn þurfa strax.

Enn einu sinni segi ég að 20% afskriftir á línuna strax og þá geta kannski mörg hundruð eða þúsundir fjölskyldna þraukað kreppuna og haldið sínum eignum en það munar miklu fyrir fjölskyldu sem skuldar 35 miljónir að fá leiðréttingu og skulda 28 miljónir það er möguleiki að þetta bjargist með afskriftarleiðinni en við getum ekki beðið lengur.

Það er ávallt svar Samfylkingar að við höfum ekki efni á því að afskrifa 20% á línuna en málið er svo barnalega einfalt, ef afskriftarleiðin er ekki farin strax þá tapast þessir fjármunir samt sem áður með fjöldagjaldþrotum fólks, höfum við efni á því?

ps. við höfðum efni á því að afskrifa 800 miljónir af Bjarna Ármannsyni?

 

128 fasteignir seldar á nauðungaruppboði